Турдиева Мадинахон Ёқубжон қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Комбинациялашган дискли борона тишли текислагичининг параметрларини асослаш», 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2021.2.PhD/Т2322.
Илмий раҳбар: Тўхтақўзиев Абдусалим, техника фанлари доктори, профессор.
Диссертация бажарилган муассаса (муассасалар) номи: Қишлоқ хўжалигини механизациялаш илмий-тадқиқот институти, Андижон қишлоқ хўжалиги ва агротехнологиялар институти.
ИК фаолият кўрсатаётган муассаса номи, ИК рақами: Андижон қишлоқ хўжалиги ва агротехнологиялар институти, PhD.05/30.06.2021.Т.126.02
Расмий оппонентлар: Мансуров Мухторжон Тохиржонович, техника фанлари доктори, доцент, Насиров Илхом Зокирович, техника фанлари номзоди, доцент.
Етакчи ташкилот: «Наманган мухандислик технология институти».
Диссертация йўналиши: назарий ва амалий аҳамиятга молик.
II. Тадқиқотнинг мақсади: комбинациялашган дискли борона тишли текислагичининг кам энергия сарфляган ҳолда талаб даражасидаги иш сифатини таъминловчи параметрларини асослашдан иборат.
III. Тадқиқотнинг илмий янгилиги:
комбинациялашган дискли борона тишли текислагичининг конструктив схемаси ва технологик иш жараёни унинг дискли юмшаткичлари томонидан ишлов берилган қатлам юзаси талаб даражасида текисланиши, зичланиши ва унда майин тупроқ қатлами ҳосил қилиниши ҳисобга олиниб ишлаб чиқилган;
тишли текислагичнинг тупроқ билан ўзаро таъсирлашиш жараёнини ифодаловчи ва параметрларини аниқлаш имконини берадиган математик моделлар ва аналитик ифодалар унинг дала юзасига нисбатан ўрнатилиш бурчагини ҳисобга олган ҳолда олинган;
тишли текислагич параллелограмм механизми босим пружинасининг таранглик кучи унинг тишлари тупроққа тўлиқ ботиб ишлаши шартидан келиб чиқиб асосланган;
тишли текислагичнинг баландлиги, тишлари орасидаги кўндаланг масофа, унинг ҳар бир метр қамраш кенглигига тўғри келадиган тик юкланиш ҳамда агрегат ҳаракат тезлигини унинг агротехник ва энергетик иш кўрсаткичларига таъсирини баҳоловчи регрессия тенгламаларини биргаликда ечиш орқали аниқланган.
IV. Тадқиқот натижаларининг жорий қилиниши. Комбинациялашган дискли борона тишли текислагичи параметрларини асослаш бўйича олинган илмий натижалар асосида:
тавсия этилаётган тишли текислагич билан жиҳозланган комбинациялашган дискли боронага дастлабки талаблар ва техник топшириқ ишлаб чиқилган (Қишлоқ хўжалиги вазирлигининг 2023 йил 16 мартдаги 05/22-06/273-сон маълумотномаси) ва Интеллектуал мулк марказининг фойдали моделга («Тупроққа ишлов берадиган қурол», ФАП 01844 - 2022 й.) патенти олинган. Натижада даладан бир ўтишда тупроқни экишга тайёрлаш бўйича барча технологик жараёнларни қўшиб бажариш имкони берадиган комбинациялашган дискли борона яратилган;
тавсия этилаётган тишли текислагич билан жиҳозланган комбинациялашган дискли борона Андижон вилояти Қўрғонтепа туманидаги фермер хўжаликларида жорий этилган (Қишлоқ хўжалиги вазирлигининг 2023 йил 16 мартдаги 05/22-06/273-сон маълумотномаси). Натижада ерларни буғдой ва такрорий экинларни экиш учун тайёрлашда ёнилғи сарфи 1,3-1,4 мартага ва тўғридан-тўғри харажатлар 34,7 фоизгача камайган;
комбинациялашган дискли боронанинг саноат нусхаларини ишлаб чиқиш ва тайёрлаш учун унинг лойиҳа-конструкторлик ҳужжатлари (техникавий шартлар ва чизмалар) «БМКБ-Агромаш» АЖ да лойиҳалаш жараёнига жорий этилган (Қишлоқ хўжалиги вазирлигининг 2023 йил 16 мартдаги 05/22-06/273-сон маълумотномаси). Натижада асосланган параметрларга эга бўлган тишли текислагич билан жиҳозланган комбинациялашган дискли боронани ишлаб чиқариш имкони яратилган.