Жўраев Даврон Амир ўғли
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Маҳаллий дағал жун таркибидаги майда ва йирик ифлосликларни тозалаш технологиясини такомиллаштириш”, 05.06.02 – Тўқимачилик материаллари технологияси ва хомашёга дастлабки ишлов бериш ихтисослиги.
Диссертация мавзуси рўйхатга олинган рақам: № В2023.2 PhD/Т3711
Диссертация бажарилган муассаса номи: Термиз муҳандислик-технология шнститути.
ИК фаолият кўрсатаётган муассаса номи, ИК рақами: “Пахтасаноат илмий маркази” АЖ, DSc.30/30.11.2021.Т.141.01.
Илмий раҳбар: Урозов Мустафоқул Қултураевич, техника фанлари номзоди, доцент.
Расмий оппонентлар: Авазов Комилжон Рахматович техника фанлари доктори, профессор, Ахмедов Акмал Ахмедович техника фанлари номзоди, катта илмий ҳодим.
Етакчи ташкилот: Ўзбекистон табиий толалар илмий тадқиқот институти.
Диссертация йўналиши: амалий аҳамиятга молик.
II. Тадқиқотнинг мақсади жунни майда ва йирик ифлосликлардан тозаловчи комбинацияланган ускунасининг конструкциясини такомиллаштириш билан ишлаш самарадорлигини оширишдан иборатдир.
III. Тадқиқотнинг илмий янгилиги:
маҳаллий жун толасини майда ва йирик ифлосликлардан тозалашда титиш-тозалаш ускунасига тебранувчан турли юзага эга бўлган хомашё бункери ишлаб чиқилган;
жун толасини титиш-тозалаш ускунасининг таъминловчи механизми ўрнатилган ҳомашё бункерида жун толасини ҳаракат тезлиги, енгил ифлосликларни ажралиши, таъминловчи валиклар жунни бункердан олиб кетиши ва ускунага узатиш ҳаракати қийматлари аниқланган;
жун толасини титиш-тозалаш ускунасининг таъминловчи валигини тола сифатига таъсири, қозиқчали барабан тузилиши, титиш жадаллиги оширувчи хомашё бункерининг такомиллаштирилган конструкцияси ишлаб чиқилган;
титиш-тозалаш ускунасининг ишлаш кетма-кетлиги, хомашё бункери, қозиқчали барабан ва колосникларни тозалаш самарадорлиги ошиши ҳамда жун толасини сифат кўрсаткичларига таъсири, таъминловчи валиклар ёрдамида толани узлуксиз ускунага узатилиши, вақт ва энергия сарфининг камайиши ишлаб чиқилган.
IV. Тадқиқот натижаларининг жорий қилиниши Жунни ифлосликлардан тозалаш ускунасини такомиллаштириш бўйича олинган илмий натижалари асосида:
жун толасини ифлосликлардан тозалаш ускунаси Жиззах вилоятининг “Жиззах жун” МЧЖ корхонасида ҳамда Сурхондарё вилоятидаги “Ҳисори майин жун” МЧЖ корхоналарида ишлаб чиқаришга жорий қилинган. (“Ўзчармсаноат” уюшмасининг 2023 йил 26 октябрдаги № FB-7/3273-сонли маълумотномаси). Натижада янги конструкцияли жунни титиш-тозалаш ускунасининг тозалаш самарадорлиги мавжуд тизимга нисбатан кўрилган жун толаси навлари бўйича 11,7% дан 17,9% га, иш унумдорлиги 670 kg/h дан 762 kg/h га ошишига эришилган.