Мавланов Шавкат Муртазаевичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар

Диссертация мавзуси, ихтисослик шифри (илмий даража бериладиган фан тармоғи номи): «Ўзбекистонда ижтимоий-сиёсий жараёнларнинг маънавий трансформацияси», 23.00.03–Сиёсий маданият ва мафкура.

Диссертация мавзуси рўйхатга олинган рақам: B2018.1.PhD/Siyos58.

Илмий раҳбар: Қуранбаев Қаҳрамон Қўчқорович, сиёсий фанлар доктори, доцент.

Диссертация бажарилган муассаса номи: Ўзбекистон Миллий университети.

ИК фаолият кўрсатаётган муассаса номи, ИК рақами: Ўзбекистон Миллий университети, DSc29.08.2017.S.01.08.

Расмий оппонентлар: Алимардонов Тўлқин Турдиевич, сиёсий фанлар доктори, доцент; Сирожов Ойбек Очилович, сиёсий фанлар номзоди, доцент.

Етакчи ташкилот: Ўзбекистон давлат жаҳон тиллари университети.

Диссертация йўналиши: назарий ва амалий аҳамиятга молик.

II. Тадқиқотнинг мақсади: Ўзбекистонда ижтимоий-сиёсий жараёнларнинг маънавий трансформациясини сиёсий маданият ва мафкура нуқтаи назардан ёритишдан иборат.

III. Тадқиқотнинг илмий янгилиги:

маънавий трансформация сиёсий ҳодиса сифатида баҳоланиб, унинг ижтимоий-сиёсий жараёнлардаги инъикоси, сиёсий категориал асосларини аниқлашга қаратилган янги ёндашув илгари сурилган;

маънавий трансформация жараён сифатида олиниб, унинг ментал хусусиятлари ва парадигмал ўзгаришлари бугунги сиёсий воқеликка татбиқан  очиб берилган;

маънавий трансформациянинг ички ва ташқи динамикаси тамойиллари, технологиялари асосланиб,  жамиятнинг маънавий-ахлоқий янгиланишининг сиёсий хусусиятлари очиб берилган;

Ўзбекистонда давлат ва фуқаролик жамияти институтларининг ижтимоий-маънавий ҳаётини ислоҳ қилишдаги ўрни ижтимоий, маънавий ва сиёсий қадриятларнинг ривожланиш контекстида очиб берилган.

IV. Тадқиқот натижаларининг жорий қилиниши.

Ўзбекистонда ижтимоий-сиёсий жараёнларнинг маънавий трансформацияси бўйича олинган илмий натижалар асосида:

Шарқ ва Ғарб давлатларида маънавий соҳани ривожлантиришга доир хулосалардан 2016-2017 йилларда амалга оширилган амалий тадқиқодлар давлат грантлари лойиҳаси доирасида, жумладан БМВ-Ф 1-003 рақамли “Шарқ ренессанси даври алломалари ва мутафаккирлари асарларининг илмий-фалсафий ва бадиий-лингвистик тадқиқи” мавзусидаги давлат грантини амалга оширишда фойдаланилган. Шунингдек, ёшлар маънавий-ахлоқий тарбиясини юксалтиришдаги истиқболли вазифалар, муаммолар ва уларнинг ечимларига бағишланган хулосалар, амалий таклифлардан И-2016-1-33 рақамли “Миллий тарбия ва ёшлар дунёқарашини шакллантириш” мавзусидаги давлат грантини амалга оширишда фойдаланилган (Республика Маънавият ва маърифат марказининг 2017 йил 30 ноябрдаги 02/03-1195-сон маълумотномаси). Мазкур диссертация натижаларидан Марказнинг иш режаси ҳамда илмий грант дастурида фойдаланиши, амалиётга жорий этилиши халқимизнинг маънавият соҳасидаги ислоҳотларга доир билимларининг янада ошиши ва бу борадаги илмий-назарий қўлланмалар, тадқиқотларга бўлган эҳтиёжларни қондиришга хизмат қилган;

Ўзбекистонда ижтимоий-сиёсий жараёнлар трансформациялашувини сиёсий жиҳатдан баҳолаш, илмий-концептуал таҳлил қилишга бағишланган таклифлар асосида Ўзбекистон ёшлар иттифоқининг турли семинарлари, тарғибот материаллари, дебат ва давра суҳбатлари ҳамда маънавий-маърифий режаларни бажаришда фойдаланиган. (Ўзбекистон ёшлар иттифоқининг 2017 йил 15 ноябрдаги 04-13/1932-сон маълумотномаси). Натижада Ўзбекистон ёшлар иттифоқи фаолиятида ёшларнинг мамлакатимизда ижтимоий-сиёсий жараёнларни англаш, ёшларга оид давлат сиёсатининг мазмуни, айниқса уларнинг маънавий-маданият даражасини юксалтиришга қаратилган тадбирларнинг савияси, таъсирчанлиги, амалий аҳамиятининг ортишига олиб келди.