Ўзбекистон Республикаси Коррупцияга қарши курашиш миллий кенгаши мажлисининг 2023 йил 23 августдаги 10-сонли баённомаси билан тасдиқланган “9 декабр – Халқаро коррупцияга қарши курашиш куни”га бағишланган “Аксилкоррупция ойлиги” доирасида ОАКда 4-6 декабр саналарида фаолиятда очиқликни таъминлаш, коррупцион хавф-хатарларни олдини олиш масалаларига бағишланган “Очиқ эшиклар куни” тадбирлари ўтказилди.

Тадбирда ОАК фаолияти ҳақида қисқа танишув, ОАКнинг коррупцияга қарши курашиш фаолияти ҳақида маълумотлар, ОАК фаолиятининг очиқлигини таъминлаш борасида амалга оширилган ишлар тўғрисида маълумотлар берилди ҳамда тадбир сўнгида иштирокчилар томонидан фаолиятга оид саволларга жавоб берилди.
Тадбирда Ўзбекистон Республикаси Олий Мажлисининг инсон ҳуқуқлари бўйича вакили (Омбудсман) масъул ходими (Б.Нариманов) иштирок этиб (6.12.2023 й., 11:00), у янгиланган конституциянинг мазмун-моҳияти тўғрисида маълумотлар, конституцияга киритилган инсон қадрини оширишда қаратилган янги бандлар тўғрисида маълумот бериб ўтди. Шунингдек, коррупцияга қарши курашиш борасида амалга оширилаётган ишлар тўғрисида маълумотлар берди. Тақдимот сўнгида иштирокчилар томонидан қизиқтирилган саволлар берилди.
Ўтказилган тадбирда (6.12.2023 й., 15:00) Коррупцияга қарши курашиш  агентлиги масъул ходими (С.Маманов) иштирок этиб, Ўзбекистон Республикасида коррупцияга қарши курашиш борасидаги давлат сиёсати ва унинг устувор йўналишлари тўғрисида маълумотлар берди. Тақдимот сўнгида иштирокчилар томонидан қизиқтирилган саволлар берилди.
Шунингдек, тадбир доирасида илмий котиблар (4.12.2023 й.),  педагогика фанлари бўйича илмий даражалар берувчи илмий кенгашларнинг раислари (5.12.2023 й.) ҳамда олий таълим ва илмий ташкилот вакиллари иштирокида коррупцияга қарши курашиш, ҳимоя жараёнларида очиқлик ва шаффофликни таъминлаш бўйича давра суҳбатлари ўтказилди.