Каримов Комилжон Абдурахимовичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи): “Педагог кадрлар малакасини ошириш тизимида ахборот-таълим муҳитини такомиллаштириш”  (касб-ҳунар таълими тизими кадрлари малакасини ошириш мисолида), 13.00.05–Касб-ҳунар таълими назарияси ва методикаси (педагогика фанлари).

Диссертация мавзуси рўйхатга олинган рақам: B2018.1.PhD/Ped89.

Илмий раҳбар: Джураев Рисбой Хайдарович,педагогика фанлари доктори, профессор, академик.

Диссертация бажарилган муассаса номи: Ўрта махсус касб-ҳунар таълими тизими кадрларининг малакасини ошириш ва уларни қайта тайёрлаш институти.

ИК фаолият кўрсатаётган муассаса (муассасалар) номи, ИК рақами: Ўрта махсус, касб-ҳунар таълими тизими кадрларининг малакасини ошириш ва уларни қайта тайёрлаш институти, DSc.27.06.2017.Ped.48.01.

Расмий оппонентлар: Муслимов Нарзулла Алиханович, педагогика фанлари доктори, профессор; Олимов Ширинбой Шарофович, педагогика фанлари доктори.

Етакчи ташкилот: Жиззах педагогика институти.

Диссертация йўналиши: амалий ва назарий.

II. Тадқиқотнинг мақсади: касб-ҳунар таълими тизимида педагог кадрлар малакасини оширишнинг интеграллашган ахборот таълим муҳитини такомиллаштиришдан иборат.

III. Тадқиқотнинг илмий янгилиги:

касб-ҳунар таълими муассасалари педагог кадрлари малакасини ошириш тизимида андрагогик ва шахсий-фаолиятли ёндашувлар синтези асосида ахборот-таълим муҳитини тармоқли шакллантириш, глобал лойиҳалаш ва моделлаштириш каби функциялар мазмуни такомиллаштирилган;

касб-ҳунар таълими педагогларининг малакасини ошириш муассасаларининг масофавий ахборот-таълим муҳитида билимларни бошқаришнинг корпоратив порталини ташкил этиш орқали малака оширишнинг индивидуал дастурларини ўқитиш методикасиоптималлаштирилган;

касб-ҳунар таълими педагогларининг малакасини ошириш жараёнида тармоқли масофавий ўқитишнинг концептуал, технологик, баҳолаш-назорат каби функционал хусусиятлари ва мустақил таълимнинг “мухбирли” модели мазмунини интеграциялаш асосида тажриба алмашиш уюшмасининг дидактик имкониятлари кенгайтирилган;

касб-ҳунар таълими педагог кадрлари малакасини ошириш тизимида тармоқли масофавий таълимнинг ахборот-таълим муҳити иштирокчилари ўқув фаолиятини комплекс баҳолаш мазмуни дифференциал-интеграл методлар асосида такомиллаштирилган.

IV. Тадқиқот натижаларининг жорий қилиниши.

Касб-ҳунар таълими муассасалари педагог кадрларининг малакасини ошириш тизими ахборот-таълим муҳитини такомиллаштириш юзасидан ишлаб чиқилган услубий ва амалий таклифлар асосида:

касб-ҳунар таълими педагог кадрлар малакасини ошириш тизимида ахборот-таълим муҳити компонентларини такомиллаштиришга оид таклифлардан Ўзбекистон Республикаси Вазирлар Маҳкамасининг 2012 йил 10 августдаги 242-сон қарори асосида тасдиқланган “Ўрта махсус, касб ҳунар таълими тизими раҳбар ва педагог кадрларнинг малакасини ошириш ҳамда уларни қайта тайёрлаш тўғрисидаги низом”ида, кўрсатиб ўтилган касб ҳунар таълими муассасаларининг раҳбар кадрлари ва педагог кадрларининг малакасини оширишни ва уларни қайта тайёрлашни ташкил этишнинг асосий мақсадлари, вазифалари, шакллари, услублари ва тартибларини бажаришда фойдаланилган
(Олий ва ўрта махсус таълим вазирлигининг 2018 йил 3 майдаги 89-03-1682-сон маълумотномаси). Мазкур таклифлар ўрта махсус, касб-ҳунар таълими муассасалари педагог кадрларини малакасини ошириш тизимини такомиллаштиришга хизмат қилган;

касб-ҳунар таълими муассасалари педагог кадрлар малакасини ошириш тизимида интеграллашган ахборот-таълим муҳити шакллантиришга оид методик тавсиялардан малака ошириш ва қайта тайёрлаш жараёнида тармоқли масофавий ўқитишнинг концептуал, технологик, баҳолаш-назорат каби функционал хусусиятлари ва мустақил таълимнинг “мухбирли” моделидан умумкасбий ва ихтисослик фанлар модулларини, малака оширишнинг индивидуал дастурларини ўқитишда фойдаланилган (Олий ва ўрта махсус таълим вазирлигининг 2018 йил 3 майдаги 89-03-1682-сон маълумотномаси). Мазкур таклифлар педагог кадрлар малакасини ошириш тизимини ривожлантириш, ўқув мазмунини такомиллаштириш ва таълим самарадорлиги кўрсаткичларини ошириш учун хизмат қилган;

педагог кадрлар малакасини оширишнинг инновацион  ташкилий-дидактик шакли сифатида масофавий таълим, малака оширишда мустақил таълимни ташкил қилиш модели, методлари ва шарт-шароитлари, тармоқли ташкилий шакл тушунчаси, масофавий таълимда тармоқли ахборот-комуникация муҳитининг асосий технологик компонентлари ва модели, малака ошириш тизимида ахборот-коммуникация муҳитни мустақил таълимда қўллашнинг педагогик шарт-шароитлари мажмуаси И1-ХТ-0-11142 рақамли “Ўқитувчилар малакасини оширишнинг инновацион  қадриятли йўналишларини жорий этиш” мавзусидаги инновацион  лойиҳа доирасида педагогнинг мустақил таълим олишга ва ўз-ўзини ривожлантиришга тайёрлиги каби кўрсаткичларни аниқлаш методикасини ишлаб чиқишда фойдаланилган (Олий ва ўрта махсус таълим вазирлигининг 2018 йил 3 майдаги 89-03-1682-сон маълумотномаси). Мазкур таклифлар педагог кадрларнинг касбий компетентлик даражасини оширишга хизмат қилган.