Чижу Жу(Zhu QiJu)нинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Ўзбекистон қишлоқ хўжалигида АКТ/NGN технологияларини қўллаш орқали унумдорликни ошириш жараёнларини моделлаштириш», 08.00.06–Эконометрика ва статистика (иқтисодиёт фанлари).

Диссертация мавзуси рўйхатга олинган рақам:В2017.1.PhD/Iqt32.

Илмий раҳбар: Шодиев Турсун Шодиевич, иқтисодиёт фанлари доктори, профессор.

Диссертация бажарилган муассаса номи: Тошкент давлат иқтисодиёт университети.

ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.27.06.2017.I.16.01.

Расмий оппонентлар: Хатамов Очилди Курбанович, иқтисодиёт фанлари доктори, профессор; Салимов Бахтиёр Таджиевич, иқтисодиёт фанлари доктори, профессор.

Етакчи ташкилот: Муҳаммад ал-Хоразмий номидаги Тошкент ахборот технологиялари университети.

Диссертация йўналиши: назарий ва амалий аҳамиятга молик.

II. Тадқиқотнинг мақсади: янги АКТ/NGN технологияларига инвестициялашни Ўзбекистон қишлоқ хўжалигининг инновацион тараққиётига таъсирини ўлчаш методологиясини ҳамда тармоқ унумдорлигини оширишга қаратилган илмий таклиф ва амалий тавсиялар ишлаб чиқишдан иборат.

III. Тадқиқотнинг илмий янгилиги:

Ўзбекистон Республикаси қишлоқ хўжалигида АКТ/NGN технологияларини жорий этишнинг инвестициялаш механизми такомиллаштирилган;

қишлоқ хўжалигида АКТ/NGN технологияларига инвестициялашнинг тармоқ ривожи ва самарадорлигига омилларнинг нисбий ва мутлақ “соф” таъсирини, ресурсларнинг маржинал унумдорлигини ифодаловчи математик модел ва оптимал ҳажмини аниқлаш услубияти такомиллаштирилган;

ишлаб чиқариш функциясининг таснифий белгиларини умумлаштириш негизида АКТ/NGN технологияларини муқобил инвестициялашнинг модели яратилган ва Кобб-Дугласнинг ишлаб чиқариш функцияси такомиллаштирилган;

ишлаб чиқариш функциясида асосий фондларнинг такрор ишлаб чиқариш жараёнини ифодаловчи нисбий кўрсаткич таклиф этилган;

таклиф этилган ишлаб чиқариш функцияси ёрдамида Ўзбекистон Республикаси қишлоқ хўжалигида узоқ муддатли инвестицион сиёсатни бошқариш модели яратилган.

IV. Тадқиқот натижаларининг жорий қилиниши.

Ўзбекистон Республикаси  қишлоқ ҳўжалигида АКТ/NGN технологияларини қўллаш орқали унумдорликни ошириш жараёнини такомиллаштириш бўйича олинган илмий натижалар асосида:

Ўзбекистон Республикаси қишлоқ хўжалигида АКТ/NGNни жорий этишнинг инвестициялаш механизмини такомиллаштириш бўйича берилган таклифлар Ўзбекистон Республикаси Қишлоқ ва сув хўжалиги вазирлиги фаолиятига жорий этилган (Ўзбекистон Республикаси Қишлоқ ва сув хўжалиги вазирлигининг 2016 йил 11 октябрдаги 03/15-3280-сон маълумотномаси). Ўзбекистон Республикаси қишлоқ хўжалигида АКТ/NGN технологияларини жорий этиш Кобб-Дуглас функцияси орқали ҳамда эксперт баҳолаш ёрдамида ҳисобланганда йиллик ижтимоий-иқтисодий самара 6,4 млрд. сўмни ташкил этган;

қишлоқ хўжалигида АКТ/NGN технологияларига инвестициялашнинг тармоқ ривожи ва самарадорлигига омилларнинг нисбий ва мутлақ “соф” таъсирини, ресурсларнинг маржинал унумдорлигини ифодаловчи математик модел ва оптимал инвестиция ҳажмини аниқлаш услубияти Ўзбекистон Республикаси Қишлоқ ва сув хўжалиги вазирлиги фаолиятига жорий этилган (Ўзбекистон Республикаси Қишлоқ ва сув хўжалиги вазирлигининг 2016 йил 11 октябрдаги 03/15-3280-сон маълумотномаси). Натижада қишлоқ хўжалиги тармоғи учун яратилган ишлаб чиқариш функцияси АКТ/NGN технологияларига жалб қилинадиган инвестициялар ҳажмини оптималлаштириш ва улар орқали ишлаб чиқариш унумдорлигини ошириш имконини берган;

ишлаб чиқариш функциясининг таснифий белгиларини умумлаштириш негизида АКТ/NGN технологияларига муқобил инвестициялаш модели ва Кобб-Дугласнинг ишлаб чиқариш функциясининг такомиллаштирилган варианти Ўзбекистон Республикаси қишлоқ ва сув хўжалиги вазирлиги фаолиятига жорий этилган (Ўзбекистон Республикаси Қишлоқ ва сув хўжалиги вазирлигининг 2016 йил 11 октябрдаги 03/15-3280-сон маълумотномаси). Натижада қишлоқ хўжалигининг микро ва макро даражасида бошқарув органлари учун самарали қарорлар қабул қилиш, инвестиция жараёнларини амалга оширишда адекват ишлаб чиқариш функциясини танлаш, компьютер ёрдамида уни ҳисоблаш, таҳлил қилиш имконини берган;

ишлаб чиқариш функциясида асосий фондларнинг такрор ишлаб чиқариш жараёнини ифодаловчи нисбий кўрсаткич Ўзбекистон Республикаси қишлоқ ва сув хўжалиги вазирлиги тизимида асосий фондлардан фойдаланиш самарадорлигини аниқлашда фойдаланилган (Ўзбекистон Республикаси Қишлоқ ва сув хўжалиги вазирлигининг 2016 йил 11 октябрдаги 03/15-3280-сон маълумотномаси). Таклиф этилган нисбий кўрсаткич қишлоқ хўжалигидаги жорий ва янгидан киритиладиган асосий фондларнинг нисбий самарадорлигини солиштириш имконини берган;

таклиф этилган ишлаб чиқариш функцияси ёрдамида Ўзбекистон Республикаси қишлоқ ва сув хўжалигида узоқ муддатли инвестицион сиёсатни бошқариш механизмини такомиллаштириш бўйича ишлаб чиқилган модел Ўзбекистон Республикаси Қишлоқ ва сув хўжалиги вазирлиги фаолиятига жорий этилган (Ўзбекистон Республикаси Қишлоқ ва сув хўжалиги вазирлигининг 2016 йил 11 октябрдаги 03/15-3280-сон маълумотномаси). Таклиф этилган ишлаб чиқариш функцияси ёрдамида Ўзбекистон Республикаси қишлоқ хўжалигида узоқ муддатли инвестицион сиёсатни бошқариш механизмини такомиллаштириш модели 2004-2015 йиллардаги  ўртача RATC кўрсаткичи 48,71 %ни, 2015 йилда 49 %ни ташкил этган.