Бобоев Миршод Муротовичнинг
фалсафа доктори (PhD) диссертацияси ҳимояси ҳақида эълон

I.    Умумий маълумотлар.
Диссертация мавзуси, ихтисослик шифри: “Прокуратура органлари фаолиятини рақамли трансформация қилишнинг ташкилий-ҳуқуқий асосларини такомиллаштириш”, 12.00.07 -“Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура” (юридик фанлар).
Диссертация мавзуси рўйхатга олинган рақам: B2022.3.PhD/Yu797.
Илмий раҳбар: Мамасиддиқов Музаффаржон Мусажонович, юридик фанлар доктори, профессор.
Диссертация бажарилган муассаса номи: Ўзбекистон Республикаси Ҳуқуқни муҳофаза қилиш академияси.
ИК фаолият кўрсатаётган муассаса номи, ИК рақами: Ўзбекистон Республикаси Ҳуқуқни муҳофаза қилиш академияси, DSc.31/31.12.2020.Yu.67.01.
Расмий оппонентлар: Рахимов Фахри Хайдарович, юридик фанлар доктори, профессор; Бозаров Сардор Сохибжонович юридик фанлар доктори, профессор.
Етакчи ташкилот: Ўзбекистон Республикаси Ички ишлар Академияси.
Диссертация йўналиши: назарий ва амалий аҳамиятга молик.
II. Тадқиқотнинг мақсади мамлакатимизда прокуратура органлари фаолиятини рақамли трансформация қилишнинг ташкилий-ҳуқуқий асосларини такомиллаштиришга қаратилган таклиф ҳамда тавсиялар ишлаб чиқишдан иборат.
III. Тадқиқотнинг илмий янгилиги:
прокуратура органлари фаолиятига электрон иш юритиш, рақамли тизимларни жорий этиш орқали тергов устидан назорат ўрнатиш, шунингдек судларда прокурор ваколатини рақамли таъминлаш учун прокуратура фаолиятига оид маълумотларни электрон шаклда яратиш, қайта ишлаш, юбориш, қабул қилишни жорий этиш, бу борада “Электрон ҳужжат айланиши” ахборот тизимидан фойдаланишнинг ҳуқуқий асосларини яратиш зарурлиги исботланган;
прокуратура органларида қонунларнинг аниқ ва бир хилда бажарилиши устидан самарали прокурорлик назоратини амалга оширилишига кўмаклашиш мақсадида қонунчилик ижросига оид маълумотларни электрон шаклда йиғиш, сақлаш, ўрганиш, таҳлил қилиш ва назорат қилиш имконини юзага келтирадиган ахборот ва дастурий таъминотларни ўз ичига олувчи “Прокурор назорати” ахборот тизимининг ҳуқуқий асослари ва механизмлари асослантирилган;
прокуратура органларининг жиноятчилик ҳолати статистикасини юритиш соҳасидаги фаолиятини рақамли трансформация қилишда тизимли таҳлил ва сифатли назоратни йўлга қўйиш, бу соҳада прокурор назоратини амалга оширишда маълумотларнинг аниқ, ишончлилиги ва янада малакали қайта ишлаш, жиноятлар ҳақидаги ариза, хабар ва бошқа маълумотларни қабул қилиш ва кўриб чиқиш, шунингдек терговга қадар текширув ҳаракатлари устидан прокурор назоратини таъминловчи ахборот тизимларининг ҳуқуқий асослари ва механизмлари асосланган;
прокуратура органлари фаолиятини рақамли трансформация қилиш мақсадида фан ютуқларидан, инновацион ғоялар, замонавий технологиялар ва ишланмалар, шунингдек ахборот тизимлари ва воситаларидан фойдаланиш, давлат сирларини ёки қонун билан қўриқланадиган бошқа сирни ташкил этувчи маълумотларни криптографик воситаларни қўллаган ҳолда техник жиҳатдан муҳофаза қилишни ҳуқуқий жиҳатдан таъминланишининг зарурати асосланган.
IV. Тадқиқот натижаларининг жорий қилиниши. Прокуратура органлари фаолиятини рақамли трансформация қилишнинг ташкилий-ҳуқуқий асосларини такомиллаштириш мавзусида олиб борилган илмий тадқиқот натижалари асосида:  
прокуратура органларида қонунларнинг аниқ ва бир хилда бажарилиши устидан самарали прокурорлик фаолиятини амалга оширилишига кўмаклашиш, прокурор фаолиятига оид маълумотларни электрон шаклда яратиш, қайта ишлаш, юбориш ва қабул қилишни таъминлашга қаратилган ахборот тизимидан фойдаланиш зарурлигига оид таклифлар прокуратура органлари фаолиятига жорий қилинган “Электрон ҳужжат айланиши” ахборот тизимида ўз аксини топган (Ўзбекистон Республикаси Бош прокуратурасининг 2023 йил 31 октябрдаги 23/7-45-23-сон далолатномаси). Мазкур ахборот тизимининг жорий қилиниши прокуратура органлари фаолиятининг самарадорлиги, тезкорлиги ва шаффофлигини таъминлашга хизмат қилган;
прокурор назорати самарадорлигини кучайтириш учун прокуратура фаолиятига оид маълумотларни электрон шаклда яратиш, қайта ишлаш, юбориш, қабул қилишни назарда тутувчи “Прокурор назорати” ахборот тизими ишлаб чиқилган ва прокуратура органлари фаолиятига жорий қилинган (Ўзбекистон Республикаси Бош прокуратурасининг 2023 йил 31 октябрдаги
23/7-43-23-сон далолатномаси). Мазкур ахборот тизимининг жорий қилиниши вазирликлар, давлат қўмиталари, идоралар, фуқароларнинг ўзини ўзи бошқариш органлари, жамоат бирлашмалари, корхоналар, муассасалар, ташкилотлар ҳамда вазирликлар, давлат қўмиталари ва идораларининг ҳарбий қисмлари, ҳарбий тузилмалари, ҳокимлар ва бошқа мансабдор шахслар томонидан қонунларнинг ижро этилиши, шунингдек улар томонидан қабул қилинаётган ҳужжатларнинг Ўзбекистон Республикасининг Конституцияси ва қонунларига мувофиқлигини таъминлашга хизмат қилган;
жиноятлар ҳақидаги ариза, хабар ва бошқа маълумотларни қабул қилиш ва кўриб чиқиш, шунингдек, терговга қадар текширув ҳаракатлари устидан прокурор назоратини таъминлашга қаратилган ахборот тизимларини яратиш ҳақидаги таклифлар “Электрон жиноий-ҳуқуқий статистика” ва “e-material” ягона ахборот тизими ишлаб чиқишда фойдаланилган (Ўзбекистон Республикаси Бош прокуратурасининг 2023 йил 31 октябрдаги 23/7-44-23-сон далолатномаси). Мазкур ахборот тизимларининг жорий қилиниши прокуратура фаолиятида тизимли таҳлил ва сифатли назоратни йўлга қўйиш, прокурор назоратини амалга оширишда маълумотларнинг аниқ, ишончлилиги ва янада малакали қайта ишлаш, жиноятлар ҳақидаги ариза, хабар ва бошқа маълумотларни қабул қилиш ва кўриб чиқиш, шунингдек, терговга қадар текширув ҳаракатлари устидан прокурор назоратининг таъсирчанлигини оширишга хизмат қилган;
прокуратура органлари ўз фаолиятида фан ютуқларидан, инновацион ғоялар, замонавий технологиялар ва ишланмалар, шунингдек ахборот тизимлари ва воситаларидан фойдаланиши, давлат сирларини ёки қонун билан қўриқланадиган бошқа сирни ташкил этувчи маълумотларни криптографик воситаларни қўллаган ҳолда техник жиҳатдан муҳофаза қилишни таъминлаши ҳақидаги норма киритиш ҳақида таклифдан янги таҳрирдаги “Прокуратура тўғрисида”ги Конституциявий қонун лойиҳасининг 19-моддаси таҳририда фойдаланилган (Ўзбекистон Республикаси Бош прокуратураси қонунийлик ва ҳуқуқ-тартиботни таъминлаш муаммоларини таҳлил қилиш бошқармасининг 2023 йил 20 октябрдаги 27/2-398-23-сон далолатномаси). Ушбу таклифнинг қабул қилиниши замонавий ахборот технологиялари ютуқларидан самарали фойдаланиш орқали прокуратура органлари фаолиятини такомиллаштиришга хизмат қилган.