Шарипов Шуҳрат Пўлатовичнинг
фалсафа доктори  (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Комбинациялашган машина текислагичининг технологик иш жараёнини такомиллаштириш  ва параметрларини асослаш”, 05.07.01 – Қишлоқ хоъжалиги ва мелиорация машиналари. Қишлоқ хоъжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: В2022.4.PhD/Т3359
Диссертация бажарилган муассаса номи: Қишлоқ хўжалигини механизациялаш илмий-тадқиқот институти.
Илмий раҳбар: Тўхтақўзиев Абдусалим, техника фанлари доктори, профессор.
ИК фаолият кўрсатаётган муассаса номи, ИК рақами: Қарши муҳандислик-иқтисодиёт институти,  PhD.03/30.06.2020.Т.111.02
       Расмий оппонентлар:   Равшанов Ҳамроқул Амирқулович, техника фанлари доктори, доцент; Ғайбуллаев Бурхонжон Шерматжонович, техника фанлари бўйича фалсафа доктори (PhD), катта илмий ходим.
       Етакчи ташкилот: “ТИҚХММИ” МТУнинг Бухоро табиий ресурсларни бошқариш институти.
           Диссертация йўналиши: Назарий ва амалий аҳамиятга молик.
II. Тадқиқотнинг мақсади комбинациялашган машина текислагичининг иш жараёнини такомиллаштириш ва унинг кам энергия сарфляган ҳолда талаб даражасидаги иш сифатини таъминловчи параметрларини асослашдан иборат.
III.Тадқиқотнинг илмий янгилиги:
комбинациялашган машина текислагичининг такомиллаштирилган технологик иш жараёни ишлаб чиқилган;
технологик иш жараёни такомиллаштирилган текислагичнинг тупроқ билан ўзаро таъсирлашиш жараёнини ифодаловчи ва параметрларини аниқлаш имконини берадиган математик моделлар ва аналитик ифодалар комбинациялашган машинанинг юмшаткич ва ўқёйсимон панжаларидан ҳосил бўлган нотекисликларни талаб даражасида текисланиши таъминланиши шартлари ҳисобга олиниб олинган;
 такомиллаштирилган текислагичнинг иш кўрсаткичларини унинг параметрлари ва агрегат ҳаракат тезлигига боғлиқ равишда ўзгариш қонуниятлари ўрганилган ҳамда уларни ифодаловчи регрессия тенгламалари олинган;
 такомиллаштирилган текислагич параметрларининг мақбул қийматлари унинг сифат ва энергетик кўрсаткичларини баҳоловчи регрессия тенгламаларини бирга ечиш орқали аниқланган;
 такомиллаштирилган иш жараёни ва асосланган параметрларга эга бўлган текислагич билан жиҳозланган комбинациялашган машинанинг агротехник ҳамда энергетик иш кўрсаткичлари ўрганилган ва иқтисодий кўрсаткичлари аниқланган.  
  IV. Тадқиқот натижаларининг жорий қилиниши:
Комбинациялашган машина текислагичининг технологик иш жараёни такомиллаштирилган  ва параметрларини асослаш бўйича олинган илмий натижалар асосида:
такомиллаштирилган иш жараёни ва асосланган параметрларга эга бўлган комбинациялашган машинага дастлабки талаблар ва техник топшириқ ишлаб чиқилган (Қишлоқ хўжалиги вазирлигининг 2023-йил 30-майдаги 05/34-06/497-сон маълумотномаси). Натижада даладан бир ўтишда тупроқни экишга тайёрлаш бўйича барча технологик жараёнларни қўшиб бажариш имконини берадиган комбинациялашган машина яратилган;
такомиллаштирилган текислагич билан жиҳозланган комбинациялашган машина Тошкент вилояти Янгийўл туманидаги фермер хўжаликларида жорий этилган (Қишлоқ хўжалиги вазирлигининг 2023-йил 30-майдаги 05/34-06/497-сон маълумотномаси). Натижада ерларни экишга тайёрлашда меҳнат сарфи 25,3 фоизга ва бир гектар ерга сарфланадиган эксплуатацион харажатлар эса 21,9 фоизга камайган;
комбинациялашган машинанинг саноат нусхаларини ишлаб чиқиш ва тайёрлаш учун унинг лойиҳа-конструкторлик ҳужжатлари (техникавий шартлар ва чизмалар) «БМКБ-Агромаш» АЖ да лойиҳалаш жараёнига жорий этилган (Қишлоқ хўжалиги вазирлигининг 2023-йил 30-майдаги 05/34-06/497-сон маълумотномаси). Натижада такомиллаштирилган иш жараёни ва асосланган параметрларга эга бўлган текислагич билан жиҳозланган комбинациялашган машинани ишлаб чиқариш имкони яратилган.