Эшдавлатов Эшпулат Узаковичнинг
фан доктори (DSc) диссертацияси ҳимояси ҳақида эълон

 I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Озуқа аралашмасини оқимли усулда тайёрлайдиган ресурстежамкор техник  воситаларни ишлаб чиқишнинг илмий-техник ечимлари”, 05.07.01 - Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: В2023.3.PhD/Т681
Илмий маслаҳатчи: Маматов Фармон Муртозевич, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Қарши муҳандислик-иқтисодиёт институти, PhD.03/30.06.2020.Т.111.02 рақамли илмий кенгаш асосидаги бир марталик илмий кенгаш.
Расмий оппонентлар: Астанакулов Комил Дуллиевич, техника фанлари доктори, профессор; Имомқулов Қутбиддин Боқижонович, техника фанлари доктори, профессор; Каршиев Фахриддин Умарович, техника фанлари доктори, доцент.
Етакчи ташкилот: “Қишлоқ хўжалиги вазирлиги ҳузуридаги Қишлоқ хўжалиги техникаси ва технологияларини сертификатлаш ва синаш маркази”.
Диссертация йўналиши: назарий ва амалий аҳамиятга молик.
II. Тадқиқотнинг мақсади чорвачилик ферма ва комплекслари, кластерлари ҳамда мустақил озуқа аралашмалари ишлаб чиқарувчи корхоналари цехларида озуқа аралашмасини оқимли усулда тайёрлашда технологик жараённинг узлюксизлиги, энергия ва ресурстежамкорлиги, юқори иш унуми ва сифатини таъминлайдиган техник воситаларнинг параметр ва иш режимларини илмий асослашдан иборат.
III. Тадқиқотнинг илмий янгилиги:
йирик шохли чорва моллари учун дағал ва ширали озуқалар билан комбикорма ва озуқа қўшимчаларини аралаштириб уларга иссиқлик ва суюқлик киритиш билан ишлов берадиган шнек ва қайтаргичли қопқоқ билан жиҳозланган узлюксиз ишлайдиган аралаштиргич конструксияси ишлаб чиқилган;
шнекнинг айланиш частотаси ундан улоқтирилган зарраларнинг қопқоққа етиб бориб унга зарб билан урилиши ва ундан қайтарилиши, параметрлари эса аралаштиргичнинг талаб қилинаётган иш унумини таъминлаш шартидан келиб чиққан ҳолда аниқланган;
қопқоқнинг ишчи сиртига жойлаштирилган қайтаргичларнинг параметрлари аралаштириш камерасида шнекдан улоқтирилган озуқа зарраларининг қопқоқдан қайтгандан кейин ҳаракат йўналиши шнекнинг айланишига қарама-қарши бўлмаслиги ва қопқоқ қайтарувчи сиртидан қайтган озуқа заррачаларининг кинетик энергиясини шнекка тўлиқ берилиши шартидан асосланган;
узлюксиз ишлайдиган барабанли дозалагичнинг секторлари сони ва диаметри секторларининг озуқа қўшимчалари билан талаблар даражасида тўлдирилиш ва бўшатилиши шартидан аниқланган;
аралаштириш камерасига иссиқлик ва суюқлик киритиш қурилмаси ишлаб чиқилган ва яхлаган озуқаларни аралаштиришда уларга иссиқлик билан ишлов бериш ва қуруқ озуқаларни аралаштиришда уларнинг намлигини зоотехник талаб даражасида таъминлаш шартидан унинг параметр ҳамда иш режимлари асосланган.
IV. Тадқиқот натижаларининг жорий қилиниши:
Озуқа аралашмасини оқимли усулда тайёрлайдиган ресурстежамкор техник воситаларни ишлаб чиқишнинг илмий-техник ечимлари бўйича олинган натижалар асосида:
қорамолчилик ферма ва комплекслари учун узлюксиз ишлайдиган озуқа аралаштиргич ва дозалагичларига дастлабки талаблар ва техник топшириқлар ишлаб чиқилган ва тасдиқланган (Қишлоқ хўжалиги вазирлигининг 2023-йил 16-августдаги 05/22-05/4102-сон маълумотномаси). Натижада қорамолчилик ферма ва комплекслари учун энергия ва ресурстежамкор озуқа аралаштиргич ва дозалагичларини яратишга эришилган;
қорамолчилик ферма ва комплексларида оқимли усулда озуқа аралашмасини тайёрлашга моʻлжалланган узлюксиз ишлайдиган аралаштиригичи Қашқадарё вилояти Миришкор, Касби, Нишон, Ғузор, Яккабоғ ва Қамаши туманлари фермер хўжаликларида жорий этилган (Қишлоқ хўжалиги вазирлигининг 2023-йил 16-августдаги 05/22-05/4102-сон маълумотномаси). Натижада мавжуд озуқа аралаштиригич қурилмаларга нисбатан фойдаланишдаги тўғридан-тўғри харажатлар 5,3 мартагача камайишига эришилган;
қорамолчилик ферма ва комплексларида сочилувчан кукунли ва майда донадор озуқа қўшимчаларини дозалашда қўлланиладиган  узлюксиз ишлайдиган дозалагич Қашқадарё вилояти Миришкор, Касби, Нишон, Ғузор, Яккабоғ ва Қамаши туманлари фермер хўжаликларида жорий этилган (Қишлоқ хўжалиги вазирлигининг 2023-йил 16-августдаги 05/22-05/4102-сон маълумотномаси). Натижада ишлаб чиқилган дозалагич қўлланилганда мавжуд қурилмаларга нисбатан фойдаланишдаги тўғридан-тўғри харажатлар 3,94 мартагача камайишига эришилган;
қорамолчилик ферма ва комплексларида оқимли усулда озуқа аралашмасини тайёрлашга моʻлжалланган узлюксиз ишлайдиган аралаштиригич ва дозалагичларни ишлаб чиқаришни ўзлаштириш учун лойиҳа-конструкторлик ҳужжатлари «БМКБ-Агромаш» АЖ да ишлаб чиқариш жараёнига жорий этилган (Қишлоқ хўжалиги вазирлигининг 2023-йил 16-августдаги 05/22-05/4102-сон маълумотномаси). Натижада йирик шохли чорва моллари чорвачилик хўжаликлари учун озуқа аралаштиригич ва дозалагич ишлаб чиқариш имкони яратилган.