Қўшақов Холмуроджон Шермаматович
фалсафа доктори (PhD) диссертацияси ҳимояси ҳақида эълон

I. Умумий маълумотлар:
Диссертация мавзуси, ихтисослик шифри (илмий даража бериладиган фан тармоғи номи): “Чексиз иккиталик ва учталик дифференциал тенгламалар системалари билан бериладиган дифференциал ўйинлар”, 01.01.02-Дифференциал тенгламалар ва математик физика (физика-математика фанлари).
Диссертация мавзуси рўйхатга олинган рақам: Б2023.1.PhD/FM838.
Илмий раҳбар: Ибрагимов Гафуржан Исмаилович, физика-математика фанлари доктори, профессор.
Диссертация бажарилган муассаса номи: Андижон давлат университети.
ИК фаолият кўрсатаётган муассаса номи, ИК рақами: Фарғона давлат университети, PhD.03/30.12.2019.FM.05.04.
Расмий оппонентлар: Саматов Бахромжон Таджиахматович, физика-математика фанлари доктори, профессор; Маркс Рузибоев, физика-математика фанлари номзоди, доцент.
Етакчи ташкилот: Ўзбекистон Миллий университети.
Диссертация йўналиши: назарий аҳамиятга молик.
II. Тадқиқотнинг мақсади:   Гилберт фазосида иккиталик ва учталик дифференциал тенгламаларнинг чексиз системалари билан бериладиган дифференциал ўйинлар ва оптимал бошқарув масалаларина ҳал этишдан иборат.  
III. Тадқиқотнинг илмий янгилиги қуйидагилардан иборат:
Гилберт фазосида иккиталик ва учталик дифференциал тенгламалар чексиз системалари ечимининг мавжудлик ва ягоналик теоремалари чексиз система ечими таърифига кўра исботланган;
          Гилберт фазосида иккиталик дифференциал тенгламалар чексиз системаси учун қувлаш дифференциал ўйинида, ўйинчиларнинг бошқарув параметрларига геометрик чегаралар қўйилиб, ўйиннинг тугашини таъминлайдиган ва кафолатланган тутиш вақтини берадиган аниқ стратегия  қурилган;
        иккиталик дифференциал тенгламаларнинг чексиз системаси билан бериладиган оптимал бошқарув масаласи, системанинг ҳолатини бошланг'ич ҳолатдан   фазонинг координаталар бошига олиб келиш учун сарфланадиган оптимал вақтни топиш орқали ечилган.
    иккиталик дифференциал тенгламаларнинг чексиз системаси  билан бериладиган тутиш дифференциал ўйин масаласида ўйинчиларга оптимал стратегиялар қуриш натижасида оптимал тутиш вақти топилган.
    IV. Тадқиқот натижаларининг жорий қилиниши. Ушбу диссертацияда олинган натижалар қуйидаги илмий-тадқиқот лойиҳаларида қўлланилган:
  Гилберт фазосида иккиталик ва учталик дифференциал тенгламалар чексиз системалари ечимининг мавжудлиги ва ягоналиги ҳақидаги натижалардан 01-01-20-2295ФР рақамли “Геометрик структура ичидаги қавариқ гиперфазода таъқиб қилиш дифференциал ўйини” мавзусидаги хорижий гранд лойиҳасида таъқиб қилиш дифференциал ўйин масалаларини ечишда фойдаланилган. (Малайзиянинг Путра университетининг 2022-йилги 12-июндаги маълумотномаси). Натижада, илмий натижаларнинг қўлланилиши таъқиб қилиш дифференциал ўйин масаласини ечиш имконини берган;
  Гилберт фазосида чексиз дифференциал тенгламалар системалари билан бериладиган дифференциал ўйинда ўйинчиларнинг бошқарувларига геометрик чегаралар қўйилган ҳолда кафолатланган тутиш вақти ва кафолатланган қочиб юриш вақтини аниқловчи теоремалардан ОТ-Ф4-33 рақамли “Дифференциал тенгламалар билан тавсифланувчи зиддиятли ҳолатларни бошқаришнинг янги усулларини яратиш ва уларни сонли амалга ошириш” мавзусидаги фундаментал лойиҳасида бошқарув чегараланишлари ночизиқли бўлган ҳоллар қарама-қарши бошқарувли дифференциал тенгламалар билан тавсифланувчи зиддиятли ҳолатларни бошқаришнинг янги усулларини аниқлашда фойдаланилган (Ўзбекистон Миллий университетининг 2023-йил 24-июндаги 04/11-3943-сон маълумотномаси). Натижада, илмий натижанинг қўлланилиши бошқарув чегараланишлари ночизиқли бўлган ҳоллар учун янги натижалар олиш имконини берган.