Қолқанов Нуриддин Ташпулатовичнинг

фалсафа доктори(PhD) диссертацияси ҳимояси ҳақида эълон

I. Умумий маълумотлар

Диссертация мавзуси, ихтисослик шифри (илмий даража бериладиган фан тармоғи номи): «Замонавий шароитда сиёсий етакчи имижининг шаклланиш жараёни», 23.00.03– Сиёсий маданият ва мафкура (сиёсатшунослик фанлари).

Диссертация мавзуси рўйхатга олинган рақам: B2018.1.PhD/Siyos25.

Илмий раҳбар: Жўраев Нарзулла Қосимович, сиёсий фанлар доктори, профессор.

Диссертация бажарилган муассаса номи: Тошкент давлат педагогика университети.

ИК фаолият кўрсатаётган муассаса номи, ИК рақами: Ўзбекистон Миллий университети, DSc29.08.2017.S.01.08.

Расмий оппонентлар: Қодиров Анвар Қаххарович, фалсафа фанлари доктори, профессор; Алимардонов Тулқин Турдиевич, сиёсий фанлар доктори.

Етакчи ташкилот: Тошкент давлат иқтисодиёти университети.

Диссертация йўналиши: назарий ва амалий аҳамиятга молик.

II. Тадқиқотнинг мақсади: мамлакатни модернизациялаш ва жамиятни эркинлаштириш жараёнида сиёсий етакчи имижини шакллантириш масалаларини ижтимоий-сиёсий фанлар доирасида илмий ва назарий жиҳатдан ўрганишдан иборат.

III. Тадқиқотнинг илмий янгилиги:

сиёсий етакчи назариясига оид концепциялар таҳлил қилиниб, имиж сиёсий етакчи шаклланиши ва халқ билан самарали коммуникацияга эришишнинг универсал омили экани асосланган;

замонавий сиёсий етакчи имижи типологияси ишлаб чиқилиб, сиёсий етакчиларни шакллантиришнинг мобиль факторлар (мослашувчанлик, интеллектуаллик, компетентлик) модели яратилган;

Ўзбекистондаги электорат ижтимоий психологиясининг ўзига хос хусусиятларини тадқиқ қилиш асосида сиёсатчи имижининг ижобий компонентлари очиб берилган;

сиёсий етакчилар сайловолди дастурларининг қиёсий таҳлили асосида сиёсий етакчининг имижи сайловларда ғалаба ҳокимият легитимлигини таъминлаш омили экани кўрсатиб берилган.

IV. Тадқиқот натижаларининг жорий қилиниши.

Замонавий шароитда сиёсий етакчи имижининг шаклланиш жараёнини ўрганиш натижасидаги таклифлар асосида:

замонавий сиёсий етакчи имижи типологиясини яратишга доир илмий хулосалардан Ўзбекистон “Миллий тикланиш” демократик партияси томонидан 2017 йилга мўлжалланган иш режасининг VI “Партиянинг ижтимоий-сиёсий, маънавий-мафкуравий, ташкилий, аёллар ва ёшлар соҳаларидаги вазифалари доирасидаги амалий ва тарғибот-ташвиқот фаолияти” бўлимининг 6.18 «Партия кадрлар ва мафкуравий-ғоявий сиёсатининг янги ёндашувлари ва долзарб вазифалари» бандини тайёрлашда фойдаланилган (Ўзбекистон “Миллий тикланиш” демократик партияси Марказий кенгашининг 2017 йил 11 ноябрдаги 01-617-сон маълумотномаси). Натижада ушбу лойиҳа доирасида ҳудудий, минтақавий ва республика ўқув-амалий семинарлари ташкил қилинган, партия фаолиятининг барча соҳалари бўйича назарий ва амалий машғулотлар ўтказилиб, партия томонидан кўрсатилган номзод аҳоли билан мулоқотга киришганида бошқа номзодлардан ажралиб туришига ҳамда сайловчилар учун мақбул имижни ишлаб чиқиш имконияти яратилган;

сиёсий етакчи имижини шакллантириш борасидаги назарий ва амалий таклифлардан Ўзбекистон ёшлар иттифоқи Марказий кенгашининг 2017 йил иккинчи ярим йиллигига мўлжалланган иш режаси ва унинг асосида иттифоқнинг Сардорлар Кенгашлари учун ташкил этилган ўқув-семинарларда; иттифоқнинг олий таълим муассасалари, вазирлик ва идоралардаги ёшлар етакчилари учун ташкил қилинган ўқув-семинарларда маъруза ва тарқатма материалларни шакллантириш; ёшлар муаммоларини ўрганиш ва истиқболли кадрларни тайёрлаш институтининг раҳбар кадрларни қайта тайёрлаш ўқув курсларида маъруза ва тақдимот тайёрлашда фойдаланилган (Ўзбекистон Ёшлар иттифоқининг 2017 йил 29 декабрдаги 04-13/2796-сон маълумотномаси). Мазкур таклифлар сиёсий етакчи сайловолди дастурларининг қиёсий таҳлили асосида сиёсий етакчи имижини шакллантиришга доир назарий хулосалар ёшларнинг сиёсий етакчилар сифатида ижтимоий-сиёсий фаоллигининг ошишига муайян даражада хизмат қилган.