Набихўжаева Наргиза Тошпўлатовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Кенг қамровли чизел-култиватор ишлаб чиқиш ва параметрларини асослаш», 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2022.4.PhD/Т2126.
Илмий раҳбар: Мансуров Мухторжон Тохиржонович, техника фанлари доктори, доцент.
Диссертация бажарилган муассаса (муассасалар) номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, DSc.05/13.05.2020.Т.112.01
Расмий оппонентлар: Имомқулов Қутбиддин Боқижонович, техника фанлари доктори, профессор; Абдувахобов Дилшод Абдувахидович, техника фанлари бўйича фалсафа доктори PhD, доцент
Етакчи ташкилот «Қишлоқ хўжалиги техникаси ва технологияларини сертификатлаш ва синаш маркази».
Диссертация йўналиши: назарий ва амалий аҳамиятга молик.
II. Тадқиқотнинг мақсади кенг қамровли чизел-култиватор ишлаб чиқиш ва параметрларини асослаш йўли билан ерларга экиш олдидан ишлов беришда энергия ва ресурслар сарфини камайтириш ҳамда иш унумини ошириш ҳамда энергияҳажмдорликни камайтиришдан иборат.
III. Тадқиқотнинг илмий янгилиги:
кенг қамровли чизел-култиватор иш органларининг тури ва рамада жойлашиш схемаси улар томонидан минимал ҳажмдаги яхлит тупроқ деформацияланиши ҳисобга олиниб ишлаб чиқилган;
кенг қамровли чизел-култиваторнинг параметрлари тупроқ хоссалари, унинг уваланиш даражаси ҳамда ишлов бериш чуқурлиги белгиланган меъёрдан кам бўлмаслиги ҳамда унинг тортишга қаршилиги минимал бўлишини ҳисобга олган ҳолда аниқланган;
юмшаткич ва ўқёйсимон панжалар орасидаги кўндаланг ва бўйлама масофалар технологик жараённинг ишончли бажарилиши ҳамда тупроққа сифатли ишлов берилишини таъминлаш шартларидан келиб чиқиб асосланган;
кенг қамровли чизел-култиваторнинг қамраш кенглиги, марказий ва ён сексияларининг боғланиш схемалари ҳамда таянч ғилдиракларининг жойлашиш ўрни ва агрегат ҳаракат тезлиги уларнинг агротехник ва энергетик иш кўрсаткичларига таъсирини баҳоловчи регрессия тенгламаларини биргаликда ечиш орқали аниқланган.
IV. Тадқиқот натижаларининг жорий қилиниши. Кенг қамровли чизел-култиватор ишлаб чиқиш ва унинг  параметрларини асослаш бўйича олинган натижалар асосида:
кенг қамровли чизел-култиваторга доир дастлабки талаблар ва техник топшириқ ишлаб чиқилган (Қишлоқ хўжалиги вазирлигининг 2022 йил 5 апрелдаги 07/24-04/1944-сон маълумотномаси). Натижада асосланган параметрларга эга кенг қамровли чизел-култиватор ишлаб чиқариш имкони яратилган;
ишлаб чиқилган кенг қамровли чизел-култиваторнинг тажриба нусхалари Наманган вилоятининг Чуст тумани ва Тошкент вилоятининг Зангиота тумани фермер хўжаликларига жорий этилган (Қишлоқ хўжалиги вазирлигининг 2022 йил 5 апрелдаги 07/24-04/1944-сон маълумотномаси). Натижада ерларга экиш олдидан ишлов беришда ёнилғи сарфи 1,19 мартага ва фойдаланишдаги харажатлар 31,6 фоизга камайган;
кенг қамровли чизел-култиваторнинг саноат нусхаларини ишлаб чиқиш ва тайёрлаш учун лойиҳа-конструкторлик ҳужжатлари (дастлабки талаблар, техник топшириқ ва чизмалар) “БМКБ-Агромаш” АЖ да лойиҳалаш жараёнига жорий этилган (Қишлоқ хўжалиги вазирлигининг 2022 йил 5 апрелдаги 07/24-04/1944-сон маълумотномаси). Натижада асосланган параметрларга эга кенг қамровли чизел-култиватор ишлаб чиқариш имкони яратилган.