Долимов Абдулазиз Солижоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Сувда эрийдиган иплардан фойдаланган ҳолда халқа тукли тўқималарни ишлаб чиқаришнинг технологик жараёнини мақбуллаштириш” 05.06.02 – “Тўқимачилик материаллари технологияси ва хомашёга дастлабки ишлов бериш” ихтисослиги.
Диссертация мавзуси рўйхатга олинган рақам: Б2021.4.PhD/Т2521
Илмий раҳбар: Каримов Рахимжон, техника фанлари номзоди, доцент.
Диссертация бажарилган муассаса номи: Наманган муҳандислик-технология институти
ИК фаолият кўрсатаётган муассаса номи, ИК рақами: Наманган муҳандислик-технология институти, PhD.03/30.12.2019.Т.66.01
Расмий оппонентлар: Холиков Қурбонали Мадаминович, техника фанлари доктори, профессор; Дониёрова Матлуба Адашбоевна, техника фанлари номзоди, доцент.
Етакчи ташкилот: Андижон машинасозлик институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Пахта толасидан йигирилган ипни “Минтвал” сувда эрийдиган кимёвий ип билан қўшиб пишитилган иплардан тўқув-трикотаж маҳсулотларини ишлаб чиқариш  технологик жараёнини мақбуллаштиришдан иборат.
III. Тадқиқотнинг илмий янгилиги:
юқори сифатли тукли тўқима олиш учун “Минтвал” кимёвий ипини ўнг бурам йўналишида йигирилган пахта ипига чап бурам йўналишида пишитиш натижасида бурамлар сони кам бўлган ип олиш усули ишлаб чиқилган.
халқаро стандарт талабларига жавоб берадиган ҳалқа тукли ва трикотаж тўқималари ишлаб чиқариш учун пахта ипи ва “Минтвал” ипининг бурамлар сони ва аралашма улушининг оптимал қиймати аниқланган;
пахта ипи билан “Минтвал” сувда эрийдиган кимёвий ипларини қўллаш натижасида янги усулда олинган ипдан тўқилган тўқимани капилярлик хосасини матиматик моделини ишлаб чиқилган;
янги ассотимендаги пахта ипи ва “Минтвал”  ипи аралашмасидан олинган ипни илк бор тукли тўқималарда ҳамда трикотаж тўқималарда қўллаш методлари ишлаб чиқарилган.
IV. Тадқиқот натижаларининг жорий қилиниши. Тўқув дастгоҳлари ва трикотаж машиналарида янги таркибли ипдан олиган маҳсулотни сифат кўрсаткичлари яхшилангани натижалари асосида:
янги ассотимендаги пахта ипи ва “Минтвал”  ипи аралашмасидан олинган ипи Наманган вилоятидаги “Art Soft Tex” МЧЖ тўқувчилик корхонасида ҳамда “Порлоқ Чуст Бренди” МЧЖ трикотаж корхонасида ишлаб чиқаришга жорий этилган (Ўзтўқимачиликсаноат уюшмасининг 2023 йил 26 июлдаги №03/25-1631-сон маълумотномаси). Натижада, янги таркибли иплардан тўқилган тўқимани капиллярлик, ҳаво ўтказувчанлик, эластиклик, юмшоқлик хоссаси яхшиланган.