Хусенова Шахноза Шухратовнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Яллиғланишга қарши мураккаб таркибли «Диабдерм» крем ва спрей технологиясини ишлаб чиқиш», 15.00.01 - Дори технологияси (фармацевтика фанлари).
Диссертация мавзуси рўйхатга олинган рақам: В2023.1.PhD/Far.63.
Илмий раҳбар: Файзуллаева Нодира Султановна, фармацевтика фанлари номзоди, доцент.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса номи, ИК рақами: Тошкент фармацевтика институти, DSc.04/30.12.2019.Far.32.01.
Расмий оппонентлар: Олимов Немат Каюмович, фармацевтика фанлари доктори, профессор; Абдурахманов Бахтияр Алимович, техника фанлари бўйича фалсафа доктори (PhD).
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: маҳаллий доривор ўсимликлардан тузилган «Диабдерм» йиғмаси асосида олинган суюқ экстракт, уни сақловчи даволовчи косметик воситалар таркиби, технологиясини ҳамда сифат меъёрларини ва биосамарадорлигини аниқлашдан иборат.
III. Тадқиқотнинг илмий янгилиги:
илк бор маҳаллий доривор ўсимлик хомашёларидан тузилган яллиғланишга қарши «Диабдерм» йиғмасидан биологик фаол моддалар мажмуасини сақловчи суюқ экстракт олиш технологияси ишлаб чиқилган;
илк бор 3х3 лотин квадрати усули ёрдамида «Диабдерм» спрей такриби ва технологияси ишлаб чиқилган;
математик моделлаштиришнинг 4х4 лотин квадратининг 3 омиллик каср режасидан фойдаланган ҳолда «Диабдерм» кремнинг таркиби ва технологияси ишлаб чиқилган;
«Диабдерм» йиғмасининг сон кўрсаткичлари ҳамда йиғма асосидаги суюқ экстракт, спрей ва кремнинг сифат меъёрлари белгиланган.
IV. Тадқиқот натижаларининг жорий қилиниши:
Яллиғланишга қарши мураккаб таркибли «Диабдерм» крем ва спрей технологиясини ишлаб чикиш бўйича олинган илмий натижалар асосида:
«Диабдерм» крем даволовчи косметик воситаси учун техник шартлар (Ts 26532533-003:2022) ҳамда уни ишлаб чиқариш бўйича технологик йўриқнома (ТИ 26532533-003:2022) Ўзбекистон Республикаси Санитария-эпидемиологик осойишталик ва жамоат саломатлиги қўмитаси томонидан тасдиқланган. Натижада, «Herbal additive» МЧЖда диабетик оёқ синдромини даволаш ва олдини олиш учун фойдаланиладиган воситани ишлаб чиқариш имконини берган;
«Диабдерм» спрей даволовчи косметик воситаси учун техник шартлар (Ts 26532533-005:2023) ҳамда уни ишлаб чиқариш бўйича технологик йўриқнома (ТИ 26532533-005:2023) Ўзбекистон Республикаси санитария-эпидемиологик осойишталик ва жамоат саломатлиги қўмитаси томонидан тасдиқланган. Натижада, «Herbal additive » МЧЖда спрей шаклидаги диабет асоратларини даволаш учун воситани ишлаб чиқариш имконини берган;
даволовчи косметик воситаси  «Диабдерм» креми учун махсус яллиғланишга қарши фаоллиги ва безарарлиги бўйича фармакологик синовлар ўтказилган (Ўзбекистон Республикаси Соғлиқни сақлаш вазирлигининг 2018 йил 15 октябрдаги 8н-3/280-сон хати). Натижада, ишончли терапевтик фаолликга эга даволовчи косметик воситасини ишлаб чиқиш имконини берган.