Курбаниязов Шахзодбек Каримовичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қурилиш материаллари саноатида корпоратив бошқарувнинг ташкилий-иқтисодий механизмини жорий этиш самарадорлиги», 08.00.13 –Менежмент (иқтисодиёт фанлари).
Диссертация мавзуси рўйхатга олинган рақам:В2017.2.PhD/Iqt183.
Илмий раҳбар: Нуримбетов Равшан Ибрагимович, иқтисодиёт фанлари доктори, профессор.
Диссертация бажарилган муассаса номи: Тошкент давлат иқтисодиёт университети.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.27.06.2017.I.16.01.
Расмий оппонентлар: Рахимова Дилфуза Нигматовна, иқтисодиёт фанлари доктори, профессор; Суюнов Дилмурод Холмурадович, иқтисодиёт фанлари доктори, доцент.
Етакчи ташкилот: Тошкент темир йўл ва муҳандислари институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: иқтисодиётни янада ривожлантириш шароитида қурилиш материаллари саноатида корпоратив бошқарувнинг ташкилий-иқтисодий механизмини жорий этиш самарадорлигини ошириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
корпоратив бошқарув субъектлари мақоми, ваколатлари ҳамда иқтисодий манфаатлари ўртасидаги ўзаро мувофиқликни таъминлаш орқали корпоратив муносабатларни янада такомиллаштириш имкониятлари асослаб берилган;
қурилиш материаллари саноатида корпоратив бошқарув самарадорлигини баҳолашга ёндашув молиявий натижага таъсир кўрсатувчи ички ва ташқи омилларни аниқлаштириш орқали такомиллаштирилган;
қурилиш материаллари саноати корхоналарида корпоратив бошқарувнинг ташкилий-иқтисодий механизми давлат ва бошқа акциядорлар муносабатларини аниқ чегаралаш, инсайдерлик ахборотларидан фойдаланишни тартибга солиш, корпоратив ижтимоий жавобгарлик даражасини ошириш жиҳатидан такомиллаштирилган;
«Ўзқурилишматериаллари» АЖда акциядорлик капитали ҳамда асосий молиявий-иқтисодий кўрсаткичлар ўртасидаги функционал боғлиқлик асосида тармоқ фаолиятининг 2017–2021 йилларга прогноз кўрсаткичлари ишлаб чиқилган.
IV. Тадқиқот натижаларининг жорий қилиниши.
Қурилиш материаллари саноатида корпоратив бошқарувнинг ташкилий-иқтисодий механизмини жорий этиш самарадорлиги бўйича олинган илмий натижалар асосида:
корпоратив бошқарув субъектлари мақоми, ваколатлари ҳамда иқтисодий манфаатлари ўртасидаги ўзаро мувофиқликни таъминлаш орқали корпоратив муносабатларни янада такомиллаштириш имкониятларидан фойдаланиш бўйича берилган таклифи Ўзбекистон Республикаси Давлат архитектура ва қурилиш қўмитаси амалиётига жорий қилинган (Давлат архитектура ва қурилиш қўмитасининг 2017 йил 14 декабридаги 12986/06-14-сон маълумотномаси). Мазкур таклифни амалиётда жорий этилиши натижасида корпоратив бошқарув субъектларининг функционал вазифаларини такомиллаштириш орқали ташкилий-иқтисодий ва меъёрий-ҳуқуқий фаолият самарадорлигининг оширилишига эришилган;
қурилиш материаллари саноатида корпоратив бошқарув самарадорлигини баҳолашда молиявий натижага таъсир кўрсатувчи ички ва ташқи омилларни аниқлаштириш орқали такомиллаштирилган ёндашувлардан фойдаланиш таклифи Ўзбекистон Республикаси Давлат архитектура ва қурилиш қўмитаси амалиётига жорий қилинган (Давлат архитектура ва қурилиш қўмитасининг 2017 йил 14 декабридаги 12986/06-14-сон маълумотномаси). Ушбу таклифнинг амалиётга жорий этилиши қурилиш материаллари саноати тармоғининг молиявий натижаларига таъсир этувчи истиқболли йўналишларини аниқлаш имконини берган;
қурилиш материаллари саноати корхоналарида давлат ва бошқа акциядорлар муносабатларини аниқ чегаралаш, инсайдерлик ахборотларидан фойдаланишни тартибга солиш, корпоратив ижтимоий жавобгарлик даражасини ошириш асосида такомиллаштирилган корпоратив бошқарувнинг ташкилий-иқтисодий механизмидан фойдаланиш таклифи Ўзбекистон Республикаси Давлат архитектура ва қурилиш қўмитаси амалиётига жорий қилинган (Давлат архитектура ва қурилиш қўмитасининг 2017 йил 14 декабридаги 12986/06-14-сон маълумотномаси). Мазкур таклифнинг амалиётга татбиқ этилиши қурилиш материаллари саноатида акциядорлар ва корпоратив тузилма фаолиятини тартибга солувчи томонлар мақсадларининг аниқлаштирилиши, корпоратив ҳисоботларнинг манфаатдорларга ўз вақтида етказилиши ва шаффофлигини таъминланиш имконини берган;
«Ўзқурилишматериаллари» АЖда акциядорлик капитали ҳамда асосий молиявий-иқтисодий кўрсаткичлар ўртасидаги функционал боғлиқлик асосида тармоқ фаолиятининг 2018–2021 йилларга мўлжалланган прогноз кўрсаткичлари Ўзбекистон Республикаси Давлат архитектура ва қурилиш қўмитаси амалиётга жорий қилинган (Давлат архитектура ва қурилиш қўмитасининг 2017 йил 14 декабридаги 12986/06-14-сон маълумотномаси). Мазкур прогноз кўрсаткичларидан тармоқнинг истиқбол режаларини ишлаб чиқишда фойдаланилган.
