Абдисатторов Даврон Назирхўжаевичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Ички ёнув двигателлари мотор мойларини тозалаш учун фильтрловчи элементларни олиш технологясини ишлаб чиқиш», 05.02.01 – Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: В2023.3.PhD/T3218.
Илмий раҳбар: Қаршиев Мамарайим, техника фанлари номзоди, доцент.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Якубов Махмуджан Махамаджанович, техника фанлари доктори, профессор; Халимжонов Тохир Салимович, техника фанлари номзоди, доцент.
Етакчи ташкилот: Фарғона политехника институти.
Диссертация йўналиши: амалий аҳамиятга молик.
II. Тадқиқотнинг мақсади: ички ёнув двигателлари мотор мойларини тозалаш учун фильтрловчи элементларни олиш технологясини ишлаб чиқишдан иборат.
III. Тадқиқотнинг илмий янгилиги:
йирик ўлчамга эга бўлган металл кукуни заррачаларидан тайёрланган хомашё ғовакларига кўп маротаба кичик металл кукуни заррачаларини газ-чанг-ҳаво оқими орқали киритиш усули ишлаб чиқилган;
хомашё ғовакларига кичик металл кукуни заррачаларини ҳавонинг газ-чанг оқими орқали кўп маротаба киритишда унинг асосий ҳусусиятларини боғловчи модел яратилган ва ўтказувчан материал ғовакларининг ўзгариши ва тақсимланишини аниқловчи кинетик тенгламаси асосланган;
хомашё ғовакларига кичик металл кукуни заррачаларини газ-чанг-ҳаво оқими орқали кўп маротаба киритиш технологик жараёнидаги асосий технологик параметрлари: ғоваклилик, ғовак ўлчами, ўтказувчанлик коэффициенти ва эгилишдаги мустаҳкамлиги аниқланган;
композицион ғовакли фильтр элементларининг эксплуатацион хусусиятлари анъанавий усулда олинган фильтр элементларига қараганда ўтказувчанлиги 2 маротаба, механик мустаҳкамлиги 2 маротаба ва ишлаш муддатини 3 мартага ошириши аниқланган.
IV. Тадқиқот натижаларининг жорий қилиниши:
Суюқлик ва газларни тозалаш учун ички ёнув двигателлари (ИЁД) фильтр элементлари олиш технологиясини  ишлаб чиқиш бўйича олинган илмий натижалар асосида:
кўп маротаба киритиш усули орқали олинган ғовакли ўтказувчан материаллар Фарғона вилояти «Кувамаштех сервис» МЧЖ корхонасида тракторларнинг фильтр элементлари сифатида жорий этилган («O`ZAGROSERVIS» АЖнинг 2023 йил 8 февралдаги 09-02/102-127-сон маълумотномаси). Натижада, ички ёнув двигателларидаги (ИЁД) гиравлик тизим суюқликларининг ўтказувчанлигини 2 мартага, жараён унумдорлиги ва фильтр элементининг ишлаш муддатини 3 мартага ошириш имконини берган;
металл кукунларидан тайёрланилган композицион ғовакли ўтказувчан материаллар Фарғона вилояти «Кувамаштех сервис» МЧЖ корхонасида МТЗ 80Х маркали трактор двигателларидаги мойларни тозалаш учун жорий этилган («O`ZAGROSERVIS» АЖнинг 2023 йил 8 февралдаги 09-02/102-127-сон маълумотномаси). Натижада, аниқланган ўлчамга эга бўлган композицион ғовакли фильтр материалларининг механик мустаҳкамлигини 2 бараварга ошириш ва ишлаб чиқаришдаги эксплуатацион сарф ҳаражатларни 20% га камайтириш имконини берган.