Саматов Хуршид Улмасжоновичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Махдуми Аъзам Косонийнинг маънавий мероси ва унинг ёшлар тарбиясидаги ўрни», 09.00.03–Фалсафа тарихи (фалсафа фанлари).

Диссертация мавзуси рўйхатга олинган рақам: В2017.2.PhD/Fal73.

Илмий раҳбар: Каримов Сайимназар, фалсафа фанлари доктори.

Диссертация бажарилган муассаса номи: Самарқанд давлат чет тиллар институти.

ИК фаолият кўрсатаётган муассаса (муассасалар) номи, ИК рақами: Самарқанд давлат университети, DSc.27.06.2017.F.02.02.

Расмий оппонентлар: Наврўзова Гулчеҳра Неъматовна, фалсафа фанлари доктори, профессор; Қодиров Муҳаммаджон, фалсафа фанлари номзоди, доцент.

Етакчи ташкилот: Бухоро давлат университети.  

Диссертация йўналиши: назарий ва амалий аҳамиятга молик.

II. Тадқиқотнинг мақсади: Махдуми Аъзам илмий меросининг ёшлар тарбиясидаги маънавий-маърифий ва ижтимоий-ахлоқий ўрнини асослаб беришдан иборат.

III. Тадқиқотнинг илмий янгилиги:

Махдуми Аъзамнинг Мовароуннаҳрда тинчлик ва барқарорликни таъминлашга қаратилган тасаввуфга оид ижтимоий-сиёсий ташаббускорлик фаолияти очиб берилган;

Махдуми Аъзамнинг жамиятда рўй берувчи ижтимоий зиддиятларни бартараф қилишга қаратилган ижтимоий ҳамжиҳатлик, бағрикенглик (толерантлик), муросавийлик сингари маънавий-маърифий ва ахлоқий тамойилларининг ёшлар тарбиясидаги конструктив ўрни кўрсатилган;

Махдуми Аъзам ислом фалсафасидаги “ваҳдат ул-вужуд”, “ваҳдат ул-мавжуд”, “ваҳдат ул-шуҳуд” каби концепцияларнинг ўзаро уйғунлигини исботлаб берганлиги фалсафий асосланган;

мутафаккирнинг “Асрор ун-никоҳ” асаридаги оила барқарорлигини мустаҳкамлашга хизмат қилувчи ижтимоий-ахлоқий ғояларини оила институтига жорий этишга оид тавсиялар ишлаб чиқилган.

IV. Тадқиқот натижаларининг жорий қилиниши.

Махдуми Аъзам маънавий мероси ва унинг ёшлар тарбиясидаги ўрнини кўрсатишга оид тадқиқот асосида:

Махдуми Аъзамнинг ёшлар таълим тарбиясига оид бунёдкор ғояларига оид ишлаб чиқилган таклифлардан глобал таҳликали замонда зўравонлик ғояси “вируси” тарқалишининг олдини олиш, ёшлар орасида миллий ғоя, маънавий тараққиёт ва аждодларимизнинг маънавий меросини  тадқиқ қилиш бўйича тарғибот тадбирларида фойдаланилган (Республика Маънавият ва маърифат марказининг 2017 йил 27 ноябрдаги 02/03-1156-сон маълумотномаси). Бу таклифлар тарғибот тадбирларни назарий ва амалий жиҳатдан бойитишга хизмат қилган;

Махдуми Аъзам илмий меросининг ўзига хос жиҳатлари асосида ишлаб чиқилган илмий натижалар Ўзбекистон ёшлар иттифоқининг бошланғич ташкилотларида аждодлар маънавий меросини тарғиб қилиш бўйича ўтказилган ғоявий-тарбиявий тарғибот тадбирларда фойдаланилган (Ўзбекистон ёшлар иттифоқи Марказий кенгашининг 2017 йил 20 октябрдаги 04-13/1469-сон маълумотномаси). Бу натижалар ёшларни аждодлар маънавий меросига ҳурмат руҳида тарбиялашга ижобий таъсир қилган;

“Махдуми Аъзам зиёратгоҳи”да зиёрат туризмни ривожлантириш, саёҳатларни маънавий-тарбиявий жиҳатини такомиллаштиришга оид ишлаб чиқилган таклифлардан “DINARA TOUR SERVICE”, “CRAUN TOUR”, “SamISI SAYYOH PLUS” туристик фирмаларининг гид-экскурсоводлар учун экскурсия материалларини тайёрлашда фойдаланилган (Ўзбекистон Республикаси Туризмни ривожлантириш давлат қўмитасининг 2017 йил 1 ноябрдаги 03-09/3789-сон маълумотномаси). Бу таклифлар “Махдуми Аъзам зиёратгоҳи”да туризм салоҳиятини оширишга, маҳаллий ва хорижий сайёҳларни кенг жалб қилишда, саёҳатларнинг маънавий, тарбиявий жиҳатдан янада бойишига хизмат қилган.