Якубов Эркин Амонгелдиевичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Болаларда ташқи ўт йўллари кистоз кенгайишининг ташхисоти ва давоси», 14.00.35–Болалар хирургияси (тиббиёт фанлари).
Диссертация мавзуси рўйхатга олинган рақам: B2017.1.PhD/Tib144.
Илмий раҳбар: Эргашев Насриддин Шамсиддинович, тиббиёт фанлари доктори, профессор.
Диссертация бажарилган муассаса номи: Тошкент педиатрия тиббиёт институти.
ИК фаолият кўрсатаётган муассасалар номи, ИК рақами: Академик В.Воҳидов номидаги Республика ихтисослаштирилган хирургия илмий-амалий тиббиёт маркази ва Тошкент тиббиёт академияси, DSc.27.06.2017.Tib.49.01.
Расмий оппонентлар: Алиев Махмуд Муслимович, тиббиёт фанлари доктори, профессор; Акбаров Миршавкат Миролимович, тиббиёт фанлари доктори.
Етакчи ташкилот: Россия Федерацияси Соғлиқни сақлаш вазирлиги Н.И.Пирогов номидаги Россия миллий тадқиқот тиббиёт университети Олий касбий таълим федерал давлат бюджет муассасаси.
Диссертация йўналиши: амалий аҳамиятга молик.
II. Тадқиқотнинг мақсади: болаларда ўт йўллари кистоз кенгайишини ташхислаш, даво тактикаси ва операция усулини оптималлаштириш асосида даволаш натижаларини яхшилашдан иборат.
III. Тадқиқотнинг илмий янгилиги:
ўт йўллари кистоз кенгайиши билан касалланган болаларга кўрсатиладиган тиббий ёрдам сифатини яхшилашга ва асоратлар частотасини камайтиришга қаратилган янги хирургик даволаш усули ишлаб чиқилган;
болаларда ўт йўллари кистоз кенгайишининг клиник кечиши, қўшимча ташхислаш усуллари ва интраоперацион холангиография натижалари тизимлаштирилган ва анатомик шакллари ажратилган;
ўт йўллари кистоз кенгайишининг клиник намоён бўлиши, кечиши, асоратлар характери нафақат кистоз кенгайишлар шакли ва ўлчамига, балки жигардаги ўзгаришларга (туғма ёки орттирилган) ҳам боғлиқлиги, ўт йўллари кистоз кенгайишлари билан меъда ости бези йўллари ўртасида ўзаро боғлиқлик мавжудлиги аниқланган;
ўт йўллари кистоз кенгайишининг асоратланган ва асоратланмаган шаклларини хирургик коррекция қилишга оптимал ёндашув илмий асослаб берилган; кистани радикал ёки қисман кесиш, ички дренажлаш ёки кисто- ҳамда холецистостома ёрдамида ўтни ташқарига чиқаришнинг турли усулларига оид кўрсатмалар белгиланган.
IV. Тадқиқот натижаларининг жорий қилиниши.
Болаларда ўт йўллари кистоз кенгайишининг диагностикаси ва даволаш натижаларини яхшилашга бағишланган тадқиқот бўйича олинган илмий натижалар асосида:
ишлаб чиқилган “Болаларда холедохнинг ўсмали кенгайишини даволаш усули” учун Интеллектуал мулк агентлигининг ихтирога патенти олинган (IAP 04889-сон патент, 2014 йил). Таклиф этилган усул ўт йўллари кистоз кенгайиши билан болаларни даволашнинг бевосита ва узоқ муддатдаги натижаларини яхшилаш имконини берган;
“Болаларда ўт йўллари кистоз трансформациялари диагностикасини оптималлаштириш” ва “Болаларда жигардан ташқи ўт йўллари кистоз аномалияларида операция усулларини такомиллаштириш” услубий тавсияномалари тасдиқланган (Соғлиқни сақлаш вазирлигининг 2018 йил 9 февралдаги 8н-д/24-сон маълумотномаси). Таклиф этилган тавсиялар ўт йўллари кистоз кенгайиши диагностикаси сифатини ошириш ва операциядан кейинги асоратлар частотасини камайтириш имконини берган;
ўт йўллари кистоз кенгайиши билан беморлар диагностикаси ва даволаш сифатини яхшилаш бўйича бажарилган диссертация ишининг олинган илмий натижалари соғлиқни сақлаш амалий фаолиятига, хусусан, Республика перинатал маркази ва Тошкент шаҳар 2-сон болалар жарроҳлик клиник шифохонасига (Соғлиқни сақлаш вазирлигининг 2018 йил 9 февралдаги 8н-д/24-сон маълумотномаси) татбиқ этилган. Олинган натижаларнинг соғлиқни сақлаш амалиётига татбиқ этилиши ўт йўллари кистоз кенгайишини эрта ташхислаш имкониятларини ошириш, даволашнинг бевосита ва узоқ натижаларини яхшилаш имконини берган. Операциядан кейинги асоратлар сони 64% дан 34,7% га ва ўлим кўрсаткичи 8% дан 4% га камайган.
