Хайруллаев Раҳматилло Сайдуллаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар:
Диссертация мавзуси, ихтисослик шифри (илмий даража бериладиган фан тармоғи номи): “Юқори қаватли уй–жойларни сув билан таъминлашда энергия тежамкор сув кўтариш технологиясининг гидродинамик модели”, 05.09.08 – “Қурилиш технологияси ва қурилиш жараёнларини ташкил қилиш” ва 05.09.07- “Гидравлика ва муҳандислик гидрологияси” туташ ихтисослиглари.
Диссертация мавзуси рўйхатга олинган рақам: B2023.2.PhD/Т3781.
Илмий раҳбар: Худайкулов Савет  Ишанкулович, техника фанлари доктори, профессор. Рахимов Акмалхон Маматхонович, техника фанлари номзоди, доцент.
Диссертация бажарилган муассаса номи: “Тошкент архитектура-қурилиш университети”.
Тошкент архитектура-қурилиш университети DSc.26/30.12.2019.Т.11.01.
Расмий оппонентлар: техника фанлари доктори, доцент Гаппаров Фурқат Ахмедович, ҳамда техника фанлари номзоди, профессор Сатторов Зафар Мурадович. Етакчи ташкилот: “Жиззаҳ палитехника  институти”.
Диссертация йўналиши: назарий ва амалий аҳамиятга молик.
II. Тадқиқотнинг мақсади сув олиш ва юқори қаватга етказиб беришнинг энергия тежамкор, сувнинг текис тақсимланишини таъминловчи технологиясини яратиш, сув ко'тарувчи қурилмани барпо этиш технологиясини ишлаб чиқишдан иборат.
III. Тадқиқотнинг илмий янгилиги қуйидагилардан иборат:
юқори қаватли биноларга ер ости сувларини узатиб берувчи қурилмани монтаж қилишнинг типик технологияси ишлаб чиқилган ва сув кўтариш қурилмасини барпо этиш муддатларини аниқлашда тасодифий омиллар таъсирини ҳисобга олиш услуби яратилган;
ер ости сувларини юқори қаватларга узатиб берувчи қурулманинг гидравлик параметрларини зарба оқимнинг гидравлик параметрларига боғлаб оқим энергиясидан кинетик энергия ҳосил килиш самарали усул эканлиги исботланган;
юқори қаватли биноларга ер ости сувларини узатиб берувчи энергия тежамкор технологияни қўллашда гидравлик зарбанинг кинетик назариясидан фойдаланиш усули ишлаб чиқилган;
юқори қаватли уй-жойларни сув билан таъминлашда энергия тежамкор сув кўтариш технологиясининг гидродинамик модели дастури ва вертиcал дренаж типидаги сув кўтарувчи курилмани барпо этиш технологияси бойича электрон ҳисоблаш машиналари учун дастурлар ишлаб чиқилган.
IV. Тадқиқот натижаларининг жорий қилиниши: Юқори қаватли уй-жойларни сув билан таъминлашда энергия тежамкор сув кўтариш технологиясининг гидродинамик модели бўйича олинган натижалар асосида:
юқори қаватли уй-жойларни сув билан таъминлашда гидравлик зарба иши моделлаштирилиб, “ЎЗОҒИРСАНОАТЛОЙИҲА” АЖ ҳамда “Euroasian Investment Group Plus” МЧЖда уй-жойларни сув билан таъминлашда энергия тежамкор сув кўтариш технологиясини такомиллаштиришда жорий қилинган (“Эуроасиан Инвестмент Гроуп Плус” МЧЖ № 03/11 далолатномаси). Натижада, юқори қаватли уй-жойларни сув билан таъминлашда энергия тежамкор, босимли сув чиқариш технологиясини жорий қилиниши орқали электр энергиясига сарфланаётган харажатларнинг 10-12% иқтисод қилиш имконини беради. (“Ўзсаноатқурилишматериаллари” уюшмасининг 2022 йил 09 декабръдаги 05/15-2995-сонли маълумотномаси).
Норин-Сирдарё ИТХБ ҳузуридаги насос станциялари ва энергетика бошқармаси (Норин-Сирдарё ИТХБ ҳузуридаги насос станциялари ва энергетика бошқармасининг 2022 йил 21 декабрда тузилган далолатномаси) ҳамда “Резаксой” сув омбори сув чиқариш қувурида вужудга келган босимли оқим энергиясидан фойдаланиш орқали, сувни янада баландга кўтарувчи энергия тежамкор гидротаранларнинг иш унумдорлигини оширишда жорий қилинган. Натижада, электр энергияси ҳаражатлари 10-12% га иқтисод қилиниб, ишлаб чиқариш ҳажми ва гидротехник иншоотлар сув кўтариш агрегатларининг фойдали иш коеффициентининг оширишга эришилган (Ўзбекистон Республикаси Сув хўжалиги вазирлигининг 2023 йил 25 февралъдаги 03/26-630-сонли маълумотномаси).
Шунингдек, электрон ҳисоблаш машиналари учун яратилган “Юқори қаватли уй-жойларни сув билан таъминлашда энергия тежамкор сув кўтариш технологиясининг гидродинамик модели” ва “Вертикал дренаж типидаги сув кўтарувчи қурилмани барпо этиш ва ишлаш технологияси” дастурига Интеллектуал мулк агентлиги томонидан гувоҳномалар олинган.