Игамова Шахиня Зикриллоевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи):
“Қурилиш материаллари корхоналарида инновацион жараёнлар самарадорлигини ошириш (Бухоро вилояти мисолида)” 08.00.03-Саноат иқтисодиёти.
Диссертация мавзуси рўйҳатга олинган рақам: В2022.2.PhD/Iqt2098.
Илмий раҳбар: Нуримбетов Равшан Ибрагимович иқтисод фанлари  доктори, профессор
Диссертация бажарилган муассаса номи: Бухоро давлат  университети.
ИК фаолият кўрсатаётган муассаса номи, ИК рақами: Тошкент давлат техника университети, DSc.03/30.12.2019.I.03.05.
Расмий оппонентлар:Гаибназарова Зумрат Талатовна, иқтисодиёт фанлари доктори, профессор; Абдуллаев Ахрор Жахбарович, иқтисодиёт фанлари бўйича фалсафа доктори, PhD. Етакчи ташкилот: Самарқанд давлат архитектура-қурилиш университети.
II. Тадқиқотнинг мақсади: Бухоро вилояти қурилиш материаллари саноати корхоналаридаги самарали инновацион жараённи таъминлаш методлари ва дастакларини ишлаб чиқиш ҳамда асослаш ҳисобланади.
III. Тадқиқотнинг илмий янгилиги:
Тадқиқотнинг илмий янгилиги қуйидагилардан иборат:
Қурилиш материаллари ишлаб чиқариш соҳасида илмий-ишлаб чиқариш кластери қисмларининг функционал вазифалари ва соҳани ривожлантиришнинг истиқбол мақсадларига кўра коучинг марказини ташкил этишнинг мақсадга мувофиқлиги асосланган;
Лойиҳавий бошқарувга кўра минтақадаги қурилиш материаллари ишлаб чиқарувчи корхоналарнинг тўртта блокдан иборат бўлган инновацион лойиҳалари портфелини шакллантиришнинг мақсадга мувофиқлиги асосланиб, ундан фойдаланиш босқичлари ишлаб чиқилган;
Қурилиш материаллари корхоналарида ресурс тежамкорлигини ошириш восита (иқтисодий дастак) ва чора-тадбирларининг аҳамиятлилигини экспертли баҳолаш асосида тармоқ корхоналарида инновацион бизнес-лойиҳалардан фойдаланишнинг мақсадга мувофиқлиги асосалнган;
Минтақада қурилиш материалларини ишлаб чиқаришнинг 2023-2027 йилларга мўлжалланган прогноз кўрсаткичлари ва тармоқнинг экспорт салоҳиятини оширишнинг истиқбол кўрсаткичлари ишлаб чиқилган.
IV. Тадқиқот натижаларининг жорий қилиниши:
Бухоро вилояти қурилиш материаллари корхоналарида инновацион жараёнлар самарадорлигини ошириш бўйича ишлаб чиқилган таклиф ва тавсиялар асосида:
қурилиш материаллари ишлаб чиқариш соҳасида илмий-ишлаб чиқариш кластери қисмларининг функционал вазифалари ва соҳани ривожлантиришнинг истиқбол мақсадларига кўра коучинг марказини ташкил этиш таклифи асосида БухМТИда коучинг маркази ташкил этилган (Бухоро вилояти ҳокимлигининг 2023 йил 08 августдагидаги 3/4877-сон маълумотномаси) Мазкур таклифнинг амалиётга жорий этилиши кластер иштирокчилари томонидан функсионал вазифаларнинг самарали бажарилиши ва махсус коучинг марказ томонидан соҳа учун малакали кадрлар тайёрлаш сифатини ошириш имконини берган;
лойиҳавий бошқарувга кўра минтақадаги қурилиш материаллари ишлаб чиқарувчи корхоналарнинг тўртта блокдан иборат бўлган инновацион лойиҳалари портфелини шакллантириш ва ундан фойдаланиш босқичлари бўйича таклиф Бухоро вилоятидаги “Бухоро темир-бетон” МЧЖ қурилиш материаллари ишлаб чиқариш корхонасига жорий этилган (Бухоро вилояти ҳокимлигининг 2023 йил 08 августдагидаги 3/4877-сон, Бухоро вилоятидаги “Бухоро темир-бетон” МЧЖнинг 2023 йил 7 февралдаги 2-сон маълумотномалари). Натижада мазкур корхонада инновацион лойиҳалар асосида қурилиш материалларини ишлаб чиқариш самарадорлиги 12,0 % га ортишига хизмат қилган;
қурилиш материаллари корхоналарида ресурс тежамкорлигини ошириш восита (иқтисодий дастак) ва чора-тадбирларининг аҳамиятлилигини экспертли баҳолаш асосида тармоқ корхоналарида инновацион бизнес-лойиҳалардан фойдаланишнинг мақсадга мувофиқлиги таклифи Ўзбекистон Республикаси қурилиш материаллари саноати корхоналари уюшмаси амалиётига жорий этилган (Ўзбекистон қурилиш материаллари саноати корхоналари уюшмасининг 2023 йил 11-майдаги 05/15-1019-сон маълумотномаси) Мазкур таклиф қурилиш материаллари ишлаб чиқариш корхоналарида ресурс тежамкорлик кўрсаткичининг 12,4 %га ортишига муайян даражада таъсир кўрсаткган;
минтақада қурилиш материалларини ишлаб чиқаришнинг 2023-2027 йилларга мўлжалланган прогноз кўрсаткичлари ва тармоқнинг экспорт салоҳиятини оширишнинг истиқбол кўрсаткичларидан “Бухоро вилоятида қурилиш ва қурилиш саноати маҳсулотларини ишлаб чиқаришни ривожлантириш ”ни ишлаб чиқишда фойдаланилган (Ўзбекистон қурилиш материаллари саноати корхоналари уюшмасининг 2023 йил 11-майдаги 05/15-1019-сон маълумотномаси).Прогноз кўрсаткичларидан фойдаланиш истиқболда ишлаб чиқариш ҳамини оширишнинг қўшимча имкониятларини ишлаб чиқаришга жалб қилишга муайян даражада хизмат қилган.