Шарипова Шоҳиста Бакберган қизининг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қувурларда реологик мураккаб суюқликнинг тебранма ва ностационар оқим назариясини ривожлантириш», 01.02.05 – Суюқлик ва газ механикаси (физика-математика фанлари).
Диссертация мавзуси рўйхатга олинган рақам: B2022.2.PhD/FM718.
Илмий раҳбарнинг Ф.И.Ш., илмий даражаси ва унвони: Наврузов Куралбай Наврузович, физика-математика фанлари доктори,профессор.
Диссертация бажарилган муассаса номи: Урганч давлат университети.
ИК фаолият кўрсатаётган муассасалар номи, ИК рақами: Механика ва иншоотлар сейсмик мустаҳкамлиги институти, DSc.02/30.12.2019.T/FM.61.01.
Расмий оппонентларнинг Ф.И.Ш., илмий даражаси ва унвони:
Хўжаёров Баҳтиёр , физика-математика фанлари доктори, профессор.
Мадалиев Муродил Эркинжон ўғли, физика-математика фанлари бўйича фалсафа доктори (PhD), доцент.
Етакчи ташкилот номи: Тошкент ахборот технологиялар университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади реологик мураккаб суюқликнинг реологик модел тенгламаларини икки суюқлик модели сифатида такомиллаштириш ва у асосида ясси канал ва цилиндрик қувурларда реологик мураккаб суюқликнинг тебранма ва ностационар оқими масалаларини аналитик ечиш ва ечимларни таҳлил қилишдан  иборатдир.
III. Диссертация тадқиқотининг илмий янгилиги қуйидагилардан иборат:
реологик мураккаб суюқликнинг реологик модел тенгламалари икки суюқлик модели сифатида такомиллаштирилган ва бу модел асосида, реологик мураккаб суюқлик  ҳаракатининг математик масалалари шакллантирилган;
ясси канал ва цилиндрик қувурларда реологик мураккаб суюқликнинг ностационар ва тебранма оқимлар масалалари  такомиллаштирилган моделлар асосида шакллантирилган тенгламалар системаси аналитик ечилган  ва суюқлик тезлик профилларининг тақсимланиши ва суюқлик сарфининг ўзгаришларини таҳлил қилиш учун сонли ҳисоб формулалари келтириб чиқарилган;
келтириб чиқарилган формулалар ёрдамида ясси канал ва цилиндрик қувурларда реологик мураккаб суюқлик тебранма оқимларида гидродинамик қаршиликнинг икки суюқлик модели характеристикаларига боғлиқ равишда камайиш оралиғи аниқланган.
ясси канал ва цилиндрик қувурларда реологик мураккаб суюқликнинг ностационар оқими ўтиш жараёнида, ясси канал ва цилиндрик қувурларда  бошланғич вақт онида суюқликнинг бўйлама тезлиги кескин ортиб, энг катта қийматга эришиши аниқланган.               
IV. Тадқиқот натижаларининг жорий қилиниши. Нютон ва Максвелл суюқликлари аралашмасидан ташкил топган оқувчан муҳитларнинг гидродинамикасини ўрганиш борасида олиб борилган натижалар асосида:
Нютон ва Максвелл суюқликлари аралашмасидан ташкил топган аралашманинг канал ва қувурларда ҳаракатида кўндаланг кесим бўйича тезлик тақсимоти, босим ва бошқа гидродинамик кўрсаткичларнинг формулалари Чапқирғоқ Амударё ирригация тизимлари ҳавза бошқармасида фойдаланилган (Ўзбекистон Республикаси Сув хўжалиги вазирлигининг 2022-йил 6-декабр 03/26-2669-сон маълумотномаси). Натижада канал ва қувурларда кузатиладиган резонанс ҳодисасининг, босим ошишининг ва қувурлар бузилишининг олди олинган;
Нютон ва Максвелл суюқликлари аралашмаси нестационар ва пулъсланувчи режимдаги оқимлари гидродинамикасини ҳисоблаш натижалари Чапқирғоқ Амударё ирригация тизимлари ҳавза бошқармасида обектларида қўлланилган (Ўзбекистон Республикаси сув хўжалиги вазирлигиниг 2022-йил 6- декабр 03/26-2669-сонли малумотномаси). Натижада оқимнинг барқарор режими, таъминланган, қувурлардаги вибрация бартараф этилган ва уларнинг ишлаш самарадорлиги 10% га оширилган.