Yuldashev El`dar Sadikovichning
falsafa doktori (RhD) dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Uzbekiston kreativ sanoati kontekstida ovoz texnologiyalari», 17.00.03–Kino san’ati. Televidenie (san’atshunoslik fanlari).
Dissertatsiya mavzusi ro‘yxatga olingan raqam: B2017.1.RhD/San6.
Ilmiy rahbar: Djura Teshabaev, san’atshunoslik fanlari doktori, pofessor.
Dissertatsiya bajarilgan muassasa nomi: O‘zbekiston davlat san’at va madaniyat instituti.
IK faoliyat ko‘rsatayotgan muassasa nomi, IK raqami: San’atshunoslik instituti, DSs.27.06.2017.San.51.01.
Rasmiy opponentlar: Raxmatullaeva Dilfuza Narzullaevna, san’atshunoslik fanlari doktori; Tulyaxodjaeva Muxabbat Turabovna, san’atshunoslik fanlari doktori.
Etakchi tashkilot: O‘zbekiston davlat konservatoriyasi.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: badiiylik va estetika kontekstida ovoz texnologiyalarini aniqlash va kreativ sanoatni ijodiy soha sifatidagi mazmun-mohiyatini belgilashdan iborat..
III.Tadqiqotning ilmiy yangiligi:
milliy kreativ sanoatning uch sektori (kino, televidenie va madaniy-tomosha tadbirlarining) ovoz texnologiyalar orqali o‘zaro bog‘liqlikda rivojlanishi asoslangan;
jahonning ijobiy tajribalari asosida respublika kreativ sanoatining kelgusidagi rivoji bo‘yicha takliflar ishlab chiqilgan;
O‘zbekistonda kinoteatrlar va kino-konsert majmualarini loyihalash va qurilishidagi me’morchilikda ovoz manbalarini, audio-jihozlarni joylashtirishning tizimi ishlab chiqilgan va akustika muvozanati mezonlari belgilangan;
milliy konsertlarni namoyish etishda ovozning o‘ziga xosligi va maxsus jihatlari hamda ularning xalqaro me’yorlar va mezonlardan farqlovchi tomonlari aniqlangan, ularning mustaqillik yillarida O‘zbekistonda amaliyotda qaror topgan dinamik, chastota mezonlari va diapazonlari aniqlangan.
IV.Tadiqot natijalarning joriy qilinishi.
Kreativ sanoat nuqtai nazaridan ovoz texnologiyalarini tadqiq qilish bo‘yicha ishlab chiqilgan natijalar asosida:
tadqiqotdagi tavsiyalar «Toshkent» MTRK teleradiokanali DUKning «Toshkent» davlat radiokanali eshittirishlarining barcha to‘rt kreativ yo‘nalishlarida: axborot, ma’naviy-ma’rifiy va madaniy-ta’lim, shuningdek musiqiy-tomosha yo‘nalishlarida va aynan: «Toshkent vaqti» musiqiy-ko‘ngilochar dasturi, «Poytaxt» axborot-tahliliy musiqiy dasturi, shuningdek «Dolzarb mikrofon» va «Studiyadagi mehmon» eshittirishlarida aks etgan. (O‘zbekiston Respublikasi Milliy teleradiokompaniyasi «Toshkent» radiokanalining 2016 yil 7 iyundagi 20-son ma’lumotnomasi). Buning natijasida radiostansiyaning ijobiy qiyofasi yaratilgan, potensial radiotinglovchilar bozori kengaygan va reklama beruvchilar sarmoyalarining investision reytingi ko‘tarilgan;
tadqiq qilinayotgan ovoz texnologiyalari hamda mamlakatimiz shou-biznesidagi sanoat amaliyotida ularning ijro etilishi O‘zbekiston estrada san’atining keskin rivojlanishida aks etgan. («Tarona Media» MChJning 2017 yil 13 apreldagi 20-son ma’lumotnomasi). Natijada shou-biznes tizimidagi o‘zaro munosabatlar va o‘zaro ta’sirlar takomillashtirilgan, estrada ijrosi madaniyati va uning kelgusidagi yuksak istiqboliga erishilgan;
musiqiy ijrochilikni muvofiqlashtirish hamda rivojlantirishga oid takliflar O‘zbekiston Respublikasi xususiylashtirilgan korxonalarga ko‘maklashish va raqobatni rivojlantirish davlat qo‘mitasi tomonidan ishlab chiqilgan «O‘zbekiston Respublikasidagi madaniy-ko‘ngilochar tomoshalar monitoringi bo‘yicha» konsepsiya loyihasining asosiga aylangan, bundan tashqari, amalda o‘tkazilgan tadqiqot O‘zbekiston Respublikasidagi konsert faoliyatining barcha sohasiga ta’sir ko‘rsatgan, ya’ni musiqali luplar (loops), audio sempllar (samples) va elektron pleybeklar (playbacks) singari virtual-raqamli unsurlardan foydalanishning salbiy ta’sirlari aniqlab berildi. Shu tarzda O‘zbekiston Respublikasidagi madaniy-hordiq tomoshalarining ovoz texnologiyalari ilk bor amaliy o‘rganilgan. (2017 yil 3 maydagi 3874/03-20-son ma’lumotnomasi). Ushbu takliflar asosida hamda muayyan harakatlar natijasida sanoatning ushbu bo‘g‘inidagi iqtisodiy va ijtimoiy soha jiddiy o‘zgarishlarga tortilgan;
Tadqiqot tavsiyalari mamlakatdagi kinokonsert zallarining to‘laqonli amal qilishi uchun O‘zbekiston Respublikasida sifati va saviyasiga ta’sir ko‘rsatuvchi audio-texnik ta’minlashni o‘zgartirish va modifikatsiya qilish usullarini ishlab chiqish uchun asos bo‘lgan (O‘zbekiston Respublikasi Madaniyat vazirligi huzuridagi «O‘zbekkonsert» davlat muassasasining 2017 yil 22 iyundagi 02-01/70-son ma’lumotnomasi). Madaniy-ommaviy tadbirlarni o‘tkazish to‘g‘risida tasdiqlangan yangi qoidalar, eng yangi ovoz texnologiyalarini hisobga oluvchi “O‘zbekkonsert ” davlat muassasasining yangi nizomi va texnik xodimlar funksiyalari taqsimlanishining qayta ko‘rib chiqilishi tavsiyalar joriy etilishi samarasidir.