Sedov Sergey Stanislavovichning
falsafa doktori (PhD) dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Immunizatsiyali Markov epidemiya modeli va uning nomarkov analogning tadqiqoti», 01.01.05–Ehtimollar nazariyasi va matematik statistika (fizika-matematika fanlari).
Dissertatsiya mavzusi ro‘yxatga olingan raqam: B2017.1.PhD/FM16.
Ilmiy rahbar: Formanov Shakir Qosimovich, fizika-matematika fanlari doktori, akademik.
Dissertatsiya bajarilgan muassasa nomi: I.M. Gubkin nomidagi Rossiya neft` va gaz universiteti.
IK faoliyat ko‘rsatayotgan muassasalar nomi, IK raqami: O‘zbekiston Milliy universiteti, Matematika instituti, DSc.27.06.2017.FM.01.01.
Rasmiy opponentlar: Xusanbaev Yakubjon Muxamedjanovich, fizika-matematika fanlari doktori, professor; Chay Zoya Sergeevna, fizika-matematika fanlari nomzodi, dotsent.
Yetakchi tashkilot: Toshkent avtomobil` yo‘llarini loyihalash, qurish va ekspluatatsiyasi instituti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi: Bartlett-Mak-Kendrikning umumiy ehtimoliy modelining umumlashgan variantini ifodalovchi yangi epidemiya modelini tahlil qilishdan iborat.
III. Tadqiqotning ilmiy yangiligi:
Ilk bor Bartlett-Mak-Kendrikning umumiy ehtimoliy modelining umumlashgan variantini ifodalovchi epidemiya modeli qaralgan;
o‘rganilayotgan model` uchun Kolmogorov tenglamasi aniqlangan va uning aniq echimi rekurrent shaklda olingan;
turli sharoitlarda epidemiya holatini to‘liq yorituvchi boshlang‘ich teoremalar olingan;
o‘rganilayotgan modelning umumlashgan holi qaralgan va epidemiya o‘lchovining asimptotik tahlili bilan bog‘liq ba’zi natijalar keltirilgan.
IV. Tadqiqot natijalarining joriy qilinishi.
Immunizatsiyali epidemiya modellarini tadqiq etishga oid olingan ilmiy natijalar asosida:
rekurrent shaklda olingan Kolmogorov tenglamasining aniq echimi va echimning tahlili bo‘yicha olingan natijalar F-4-64 raqamli «Razrabotka i obnovlenie metodov vichisleniya obobshhennix otsenok i individual`nix metrik ob’ektov v intellektual`nom analize dannix» grant loyihasida tadqiq etilayotgan epidemiya modeli uchun Kolmogorov tenglamalarining aniq echimini rekurrent formada olish va ushbu echimni tahlil qilishda foydalanilgan (O‘zbekiston Respublikasi Fan va texnologiyalar agentligining 2017 yil 15 dekabrdagi ma’lumotnomasi). Ilmiy natijaning qo‘llanilishi yopiq populyasiyada epidemiya tarqalish jarayonini chuqur anglash va epidemiya tarqalish holatini oldindan bashorat qilish imkonini bergan;
o‘rganilayotgan Markov modelining asimptotik tahlili yordamida olingan natijalar F-4-64 raqamli «Razrabotka i obnovlenie metodov vichisleniya obobshhennix otsenok i individual`nix metrik ob’ektov v intellektual`nom analize dannix» grant loyihasida Markov jarayonlari uchun turli regulyar va chegaviy holatlarni tavsiflovchi limit teoremalarni olishda va ushbu teoremalardan natijalarni hosil qilishda foydalanilgan (O‘zbekiston Respublikasi Fan va texnologiyalar agentligining 2017 yil 15 dekabrdagi ma’lumotnomasi). Ilmiy natijalarning qo‘llanilishi uchta o‘tuvchi ehtimollikli Markov jarayonlarini aniqroq tushunishga va ushbu jarayonni berilgan boshlang‘ich shartlarda o‘zgarishini tavsiflash imkonini bergan.
