Бозоров Аҳрор Тураевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Резина қоришмалари учун модификацияланган фаол тўлдирувчилар ва вулқонлаш тезлатгичларини олиш технологиясини ишлаб чиқиш ҳамда қўлланиши», 02.00.14 - Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2023.1.PhD/Т3441.
Илмий раҳбар: Соттиқулов Элёр Сотимбоевич, техника фанлари бўйича фалсафа доктори, катта илмий ходим.
Диссертация бажарилган муассаса номи: Тошкент кимё-технология илмий тадқиқот институти.
ИК фаолият кўрсатаётган муассаса номи, ИК рақами: Тошкент кимё-технология илмий тадқиқот институти, DSc.16/30.12.2019.К/Т.87.01.
Расмий оппонентлар: Жураев Асрор Бахтиёр ўгли, техника фанлари доктори, доцент; Тешабоева Элмираа Убайдуллаева, техника фанлари доктори, профессор.
Етакчи ташкилот: Термиз давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: резина қоришмалари учун модификацияланган фаол тўлдирувчилар ва вулқонлаш тезлатгичларини олиш технологиясини ишлаб чиқишдан иборат.
III. Тадқиқотнинг илмий янгилиги:
органик полиэлектролит ва натрий силикат асосида резина қоришмалари учун юқори дисперсли кремний оксиди олиниб, унинг янги самарали усули ишлаб чиқилган ҳамда ISО 3262-19, ISО 787-9, ISО 782-2, ISО 787-8, ISО 37 стандартларига мослиги аниқланган;
бир босқичда олинган кремний оксиди модификацияланиб, резина қоришмаларида қўлланилганда олинган резинанинг физик-механик ҳамда реологик хоссаларини яхшилаши исботланган;
таркибида олтингугурт, азот, фосфор сақлаган бирикмалар синтез қилинган ва импорт вулқонлаш тезлатгичлари ўрнида резина қоришмаларининг вулқонланиш жараёнида қўллаш мумкинлиги исботланган;
маҳаллий хомашёлар асосида янги органик модификаторлар билан модификацияланган юқори дисперсли кремний оксиди ва вулқонлаш тезлатгичлари олишнинг иқтисодий самарадор технологияси ишлаб чиқилган.
IV. Тадқиқот натижаларининг жорий қилиниши.
Органик модификаторлар билан модификацияланган кремний (IV) оксиди олиш технологиясини ишлаб чиқиш бўйича олинган илмий натижалар асосида:
модификацияланган кремний оксиди «Биринчи резинотехника заводи» МЧЖнинг резина қоришмалари олиш цехида амалиётга жорий қилинган («Биринчи резинотехника заводи» МЧЖнинг 2022 йил 14 декабрьдаги 07-1799-сон маълумотномаси). Натижада, корхонада импорт ўрнини босувчи маҳаллий хомашёдан фойдаланиш имконини берган;
полиэлектролит ёрдамида ва органик модификатор билан модификациялаб олинган кремний оксиди «Биринчи резинотехника заводи» МЧЖ ХКнинг конвейер тасмалари ишлаб чиқариш цехида амалиётга жорий қилинган («Биринчи резинотехника заводи» МЧЖ ХКнинг 2023 йил 9 февралдаги 07-11/3-179-сон маълумотномаси). Натижада, олинган конвейер тасмаларининг таннархини пасайтириш имконини берган.