Рузиев Умиджон Абдимажитовичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Суюқ маҳсулотлар сифатини уларнинг қовушқоқлиги бўйича назорат қилиш», 05.03.01– Асбоблар. Ўлчаш ва назорат қилиш усуллари (тармоқлар бўйича) (техника фанлари).

Диссертация мавзуси рўйхатга олинган рақам: В2017.4.PhD/T519.

Илмий раҳбар: Юсупбеков Нодирбек Рустамбекович, техника фанлари доктори, профессор, академик.

Диссертация бажарилган муассаса номи: Тошкент давлат техника университети.

ИК фаолият кўрсатаётган муассаса (муассасалар) номи, ИК рақами: Тошкент давлат техника университети, DSc.27.06.2017.Т.03.02.

Расмий оппонентлар: Исматуллаев Патхулла Рахматович, техника фанлари доктори, профессор; Мамарасулов Фарход Умарович, техника фанлари номзоди.

Етакчи ташкилот: Буҳоро муҳандислик-технология институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: қовушқоқлик ўлчашнинг капиллярли усулини асбобий амалга оширишни такомиллаштириш ва бунинг асосида яхшиланган метрологик тавсифларга эга вискозиметрик анализаторлар ишлаб чиқиш ҳисобига қовушқоқлик назоратининг тезкорлиги ва сифатини оширишдан иборат.

III. Тадқиқотнинг илмий янгилиги:

муҳандислик башоратлари усули ёрдамида суюқ муҳитларнинг қовушқоқлигини ўлчаш ўзгарткичларини ўтказиш қобилияти ва фойдали ишининг ахборот-энергетик коэффициентини аниқловчи тенгламалар ишлаб чиқилган;

капиллярли вискозиметрлар бирламчи ўлчаш ўзгарткичлари сезгир элементида кечадиган ўлчаш-ўзгартириш жараёнларининг математик модели ишлаб чиқилган;

қовушқоқликни оқимли капиллярли вискозиметрлар ёрдамида ўлчашда сезгирликни ошириш усули суюқликни сезгир элементга тегиш юзасини ошириш асосида такомиллаштирилган;

капиллярли вискозиметрларда қовушқоқликни ўлчаш диапазонини ошириш усули гидравлик оралиқни ўзгартириш асосида такомиллаштирилган.

IV. Тадқиқот натижаларининг жорий қилиниши.

Суюқ маҳсулотларнинг қовушқоқлигини автоматик назорат қилиш ва ростлаш тизимларини тадқиқ қилишда, юқори аниқликка эга қовушқоқлик ўлчаш воситаларини ишлаб чиқиш бўйича олинган илмий натижалар асосида:

технологик жараёнларнинг суюқ маҳсулотлари қовушқоқлигини узлуксиз назорат қилиш қурилмаси «ОНИКС-Ташкент» МЧЖда жорий этилган («Ўзэлтехсаноат» АКнинг 2018 йил 14 апрелидаги 01-869-сон маълумотномаси). Натижада якуний маҳсулот сифатини ошириш ва яроқсиз маҳсулотлар чиқишини камайтириш имконини яратган;

суюқ маҳсулотлар қовушқоқлигини узлуксиз назорат қилиш қурилмаси кўрсаткичига автоматик тарзда тузатма киритиш учун ишлаб чиқилган дастурий таъминот «ОНИКС-Ташкент» МЧЖда жорий қилинган («Ўзэлтехсаноат» АКнинг 2018 йил 14 апрелидаги 01-869-сон маълумотномаси). Натижада тадқиқ қилинаётган суюқлик зичлиги ва ҳароратининг ўзгариши бўйича ўлчаш асбобини кўрсаткичига автоматик тарзда тузатма киритиш орқали ўлчашнинг юқори аниқлигини таъминлаш имконини берган;

суюқ маҳсулотлар қовушқоқлигини узлуксиз назорат қилиш қурилмаси сезгир элементининг конструктив параметрларини ҳисоблаш алгоритми «ОНИКС-Ташкент» МЧЖда жорий қилинган («Ўзэлтехсаноат» АКнинг 2018 йил 14 апрелидаги 01-869-сон маълумотномаси). Натижада вискозиметр сезгир элементининг конструктив параметрларини ҳисоблаш алгоритми ўлчашнинг юқори сезгирлигини таъминлаш имконини берган.