Жорий йилнинг 5 август куни Навоий давлат кончилик ва технологиялар университетида диссертация ва унинг авторефератларини расмийлаштириш, диссертация илмий янгилигини ёритиш, тадқоқот иши натижаларини жорий этиш, диссертация ишини ҳимоя қилиш жараёни, жумладан диссертацияни кўриб чиқиш муддатлари тўғрисида Ўзбекистон Республикаси Олий таълим, фан ва инновациялар вазирлиги ҳузуридаги Олий аттестация комиссияси бош илмий котиби А.Шермухамедов, университет докторантлари ва мустақил изланувчилари иштирокида семинар ўтказди.
Семинарда ОАК томонидан амалга ошрилаётган ишлар ҳақида маълумот берилди, хусусан ОАК томонидан  тадқиқотчиларнинг илмий тадқиқот мавзуларини ОАК Бюллетенида эълон қилиш, илмий кенгаш илмий котиблари томонидан тақдим этиладиган барча ҳужжатларни жойлаштириш учун электрон платформалар яратилганлиги, ОАК фаолиятининг шаффофлиги ва очиқлигини таъминлаш мақсадида унинг барча жараёнларини рақамлаштиришга жиддий эътибор қаратилганлигини таъкидлаб ўтди. Бундан ташқари иш бажарилган ташкилотнинг кафедраларида дастлабки муҳокамадан ўтган диссертация ишларини илмий кенгашлар қошидаги илмий семинарларга тақдим этилиши, уларни кўриб чиқиш муддатлари, илмий кенгашларнинг ишни ҳимояга тақдим этиш бўйича эълонни бериш тартиби ва муддатлари ҳақида батафсил маълумотларни берди. Асосий урғуни ишнинг илмий янгилигини ифодалаш, натижаларни жорий қилиш ва диссертация ва унинг авторефератини расмийлаштиришда меъёрий ҳужжатларга қатъий амал қилиш зарурлигини таъкидлаб ўтди.