Ибрагимов Хаётжон Рустамжон ўғлининг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Ҳар хил коллекторли газ конденсат конларини самарали ишлатиш учун қудуқ туби конструкциясини асослаш», 04.00.13 – Нефть ва газ конларини ўзлаштириш ҳамда ишлатиш (техника фанлари).
Диссертация мавзуси рўйхатга олинган рақам: B2022.4.PhD/Т3265.
Илмий раҳбар: Агзамов Аваз Хамидиллаевич, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: “O`ZLITINEFTGAZ” АЖ, DSc.23/25.08.2021.T.136.01.
Расмий оппонентлар: Хўжаев Исматулла Қўшаевич, техника фанлари доктори; Акрамов Бахшилло Шафиевич, техника фанлари номзоди, профессор.
Етакчи ташкилот: Қарши муҳандислик-иқтисодиёт институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: маҳсулдор горизонтлари юқори табақаланган депрессион ётқизиқлардан иборат газ ва газконденсат конларини самарали ишлатиш учун қудуқлар тубининг оптимал конструкциясини техник-иқтисодий асослашдан иборат.
III. Тадқиқотнинг илмий янгилиги:
кичик фильтрацион хоссали юқори табақаланган горизонтларида ишлатилаётган туби ҳар хил конструкцияли қудуқларнинг кўрсаткичлари маҳсулдорлик коэффициенти ва жамғарма олинган газ ва конденсат бўйича катта фарқ қилиши асосланган;
коннинг яратилган фациал ва литологик моделлари асосида уюмнинг газга тўйинган ҳажмини геологик ҳар хиллиги баҳоланган;
кичик фильтрацион хоссали юқори табақаланган горизонтлар шароитида энг катта газ ва конденсат олиш коэффициентларига конларни газга тўйинган кесими тўлиқ очилиб фильтр тушириб ёпилган қудуқлар туби конструкциясида эришилиши аниқланган;
газконденсат конларини ишлатишда қатламга берилаётган депрессиянинг ўзгартирилиши туби турли конструкцияли қудуқларда газ ва конденсат олиш коэффициентини бир хил бўлмаган ўзгаришларга олиб келиши асосланган.
IV. Тадқиқот натижаларининг жорий қилиниши:
Ҳар хил коллекторли газ конденсат конларини самарали ишлатиш учун қудуқ туби конструкциясини асослаш бўйича олинган илмий натижалар асосида:
очиқ стволли қудуқ конструкцияларини асослаш бўйича ишлаб чиқилган тавсия Айзоват конидаги №17 қудуқда амалиётга жорий этилган (“Ўзбекнефтегаз” АЖнинг 2022 йил 4 октябрдаги 02-18-8-107-сон маълумотномаси). Натижада, 2022 йилнинг 2-мартидан 1-июльгача 8.79 млн.м3 газ ва 366 тонна конденсат қўшимча қазиб чиқариш имконини берган;
қудуқ тубини чуқурлаштириш бўйича ишлаб чиқилган тавсия Айзоват газконденсат конининг №12 қудуғида амалиётга жорий этилган (“Ўзбекнефтегаз” АЖ нинг 2022 йил 4 октябрдаги 02-18-8-107-сон маълумотномаси). Натижада 2022 йилнинг 1-июлидан 10-октябригача 1.24 млн.м3 газ ва 47 тонна конденсат қўшимча қазиб чиқариш имконини берган.