Сирдарё вилоятидаги олий таълим муассасалари муаммоларини ўрганиш ва ҳал этиш, амалга оширилаётган ислоҳотларнинг мазмун-моҳиятини тизимда тарғиб қилиш бўйича 2023 йил 6-апрел куни Гулистон давлат педагогика институтининг Маданият саройида 10 нафар профессор-ўқитувчилар ва 190 нафар талаба-ёшлар иштирокида  “Референдум – 2023: Келажагинг учун овоз бер!” шиори остида “Қувноқлар ва зукколар” тадбири бўлиб ўтди. Мазкур тадбирда Ўзбекистон Республикаси Олий таълим, фан ва инновация вазирлиги вакили М.Масаидова маъруза  қилди.
М. Масаидова ўзининг марузасида талабаларга референдум тўғрисида маълумот берди ҳамда Конституцияга таълим бўйича киритилаётган ўзгартиришларни тўлиқ ёритиб берди. Шунингдек, маърузачи ёшларнинг коррупцияга қарши кураш мавзусидаги фикрлари билан ҳам қизиқди.