Гайбуллаева Наргиза Заиниддиновнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Совуқхона  ишчилари  учун иссиқлик  сақловчи  махсус  кийимни  ишлаб чиқиш (мева ва сабзавот сақловчи совуқхона мисолида)”, 05.06.04.-Тикувчилик буюмлари технологияси ва костюм дизайни.
Диссертация мавзуси рўйхатга олинган рақам: B2020.2PhD/Т1662
Илмий раҳбар: Пулатова Сабоҳат Усмановна, техника фанлари доктори, профессор
Диссертация бажарилган муассаса номи: Бухоро муҳандислик- технология институти.
ИК фаолият кўрсатаётган муассаса номи, ИК рақами: Бухоро муҳандислик-технология институти, PhD.03/29.10.2021.Т.101.03
Расмий оппонентлар: Муминова Умида Тохтасиновна, техника фанлари доктори, профессор ; Мақсудов Набижон Баҳодирович, техника фанлари бўйича фалсафа доктори, доцент.
Етакчи ташкилот: Жиззах политехника институти.
Диссертация йўналиши: амалий аҳамиятга молик.
II. Тадқиқотнинг мақсади: импорт ўрнини босувчи маҳаллий хом-ашёларни қўлланган ҳолда иссиқлик сақловчи материаллар пакетининг мақбул таркибини  танлаш, эргономик лойиҳалаш тамойилларига асосланган ҳолда махсус кийимнинг рационал конструксиясини ишлаб чиқишдан иборат.
III. Тадқиқотнинг илмий янгилиги:
совуқхона ишчилари  меҳнат шароити хусусиятларини инобатга олиб, ташқи омиллар таъсирини топографик харитаси ишлаб чиқилган ва  махсус кийимга температура, намлик,  ишқаланиш ҳамда  ифлосланиш каби таъсир этувчи омиллар аниқланган;
совуқдан ҳимояловчи махсус кийим гигиеник хоссаларининг материаллар пакети қалинлигига боғлиқлиги асосланган ва пакетнинг рационал қалинлиги 12 мм бўлиши  аниқланган;
эргономик тадқиқотлар асосида махсус кийим конструктив параметрларининг ташқи динамик мослик бўйича кўкрак айланаси, енг ўмизи ва орқа елка кенглиги каби конструктив худудларга бериладиган тўкислик учун  қўшимча ҳақларнинг мақбул қийматлари  ишлаб чиқилган;
махсус кийимга таъсир этадиган хафли ҳамда зарарли ишлаб чиқариш омилларини  ва истеъмолчилар эҳтиёжларини инобатга олган ҳолда совуқхона ишчилари  учун махсус  кийим моделлари яратилган ва  тўкислик учун қўшимча ҳақларнинг мақбул қийматларидан фойдаланган ҳолда кийимининг конструксияси ишлаб чиқилган.
IV. Тадқиқот натижаларининг жорий қилиниши. Совуқхона ишчилари махсус кийимининг рационал конструксияси ва самарали ишлаб чиқариш технологияси  бўйича олинган натижалар асосида:
Ўзбекистон Республикаси Интеллектуал мулк агентлигининг саноат намунасига  патенти  олинган (“Совуқхона ишчилари иссиқликни таъминловчи махсус кийим комплекти” №САП 02292, 27.06.2022 й.). Натижада совуқхона ишчиларининг меҳнат шароитлари яхшиланган, меҳнат жараёнида ишчиларга, эргономик нуқтаи назардан, яхши қулайлик яратилган, махсус кийимнинг сифати яхшиланган ва унинг эксплуатациялаш даври ошган;
Совуқхона ишчилари учун яратилган махсус кийим комплектлари ва уларнинг конструкторлик-техник ҳужжатлар пакети «Ўзтўқимачиликсаноат» уюшмаси тасарруфидаги тикувчилик корхоналарида, шу жумладан, «Ал-Ҳаким Плус» МЧЖ, «Океан-ЛюкС» МЧЖ, “УзПолЧарм” МЧЖ  (Бухоро вилояти) корхоналарида ишлаб чиқаришга жорий қилинган («Ўзтўқимачиликсаноат» уюшмасининг 2022 йил 6 декабрдаги 03/25-6411 -сонли маълумотномаси). Натижада моддий ресурсларни тежаш ва ишлов бериш технологиясини такомиллаштириш асосида ишлаб чиқарилган маҳсулот бирлигига нисбатан меҳнат унумдорлиги 13,76% га ошишига эришилган ҳамда совуқхона ишчилари сифатли махсус кийим билан таъминланган.