Бурханов Улуғбек Музафаровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Сурункали риносинуситларни эндоскопик жарроҳликдан кейинги даволаш самарадорлигини ошириш», 14.00.04–Оторинларингология.
Диссертация мавзуси рўйхатга олинган рақам: В2019.4.PhD/Tib.106.
Илмий раҳбар: Хушвакова Нилуфар Журакуловна тиббиёт фанлари доктори, доцент.
Диссертация бажарилган муассаса номи: Самарқанд давлат тиббиёт университети.
ИК фаолият кўрсатаётган муассаса (муассасалар) номи, ИК рақами: Самарқанд давлат тиббиёт университети, DSc.04/05.06.2020 Tib102.02.
Расмий оппонентлар: Егоров Виктор Иванович, тиббиёт фанлари доктори, профессор (Россия); Бакиева Шахло Хамидуллаевна, тиббиёт фанлари доктори.
Етакчи ташкилот: Сеул миллий университети (Жанубий Корея).
Диссертация йўналиши: амалий аҳамиятга молик.
II. Тадқиқотнинг мақсади сурункали риносинусит билан оғриган беморларда эндоскопик жарроҳлик амалиётидан сўнг даволаш самарадорлигини оширишдан иборат.
III. Тадқиқотнинг илмий янгилиги:
сурункали риносинуситнинг пролифератив шаклларида операцион-биопсия материалида шиллиқ қават ҳилпилловчи эпителийсида чуқур дистрофик-пролифератив, полип стромасида нейтрофилли инфильтрация билан кечувчи дегенератив ва некроз ўчоқлари каби морфофункционал узгаришлар аниқланган;
сурункали риносинусит билан оғриган беморларда анъанавий ва таклиф этилган терапия натижасида умумий кон зардоби ва назал секретдаги IgA, sIgA, IgM, IgG кўрсаткичларининг асосий гурухдагиларда юкори булиши маҳаллий резистентлик механизмлари тикланиши билан асосланган;
сурункали риносинуситнинг пролифератив шакллари билан оғриган беморларда кулланилган ананавий жарроҳлик амалиётидан, эндоскопик жарроҳлик амалиётининг афзаллиги тукималар жарохатланишини камайиши ва реабилитацион даврни қисқариши билан асосланган;
сурункали риносинуситнинг пролифератив шакллари билан оғриган беморларда жарроҳлик амалиётидан кейин ананавий даволаш усули билан биргаликда паст интенсивли лазер терапияни қўлланилиши натижасида иммун тизим фаоллашиши, микроциркуляция эрта тикланиши ва жарохатлар битишини яхшиланиши аникланган.
IV. Тадқиқот натижаларининг жорий қилиниши.
Сурункали риносинуситнинг пролифератив шакли билан оғриган беморларда эндоскопик жарроҳлик амалиётидан сўнг паст интенсивли лазер терапияни қўллаш самарадорлигини баҳолаш бўйича олинган илмий натижалар асосида:
риносинуситнинг турли шакли билан оғриган беморларни ташхислаш ва даволаш тадбирларини ўтказиш буйича олинган илмий натижалар асосида ишлаб чикилган «Риносинусит билан оғриган беморларни ташхислаш ва консерватив даволаш усулларига кўрсатмалар» услубий тавсияномаси тасдиқланган (Соғлиқни сақлаш вазирлигининг 2021 йил 11 июндаги 8н-р/478-сон маълумотномаси). Мазкур услубий тавсиянома риносинуситнинг турли шакллари билан оғриган беморларни замонавий текшириш, ташхислаш ва даволаш имконини берган;
сурункали риносинуситнинг пролифератив шакли билан оғриган беморларда эндоскопик жарроҳлик амалиётидан сўнг паст интненсивли лазер терепияни қўллаш буйича олинган илмий натижалар асосида ишлаб чикилган «Эндоскопик жаррохликдан сўнг сурункали риносинусит билан оғриган беморларни даволаш тактикаси» услубий тавсияномаси тасдиқланган (Соғлиқни сақлаш вазирлигининг 2021 йил 11 июндаги 8н-р/477-сон маълумотномаси). Мазкур услубий тавсиянома эндоскопик жарроҳлик амалиётидан сўнг даволаш самарадорлигини ошириш мақсадида, паст интенсивли лазер терапияни қуллаш орқали даволашнинг оптимал клиник натижаларига эришиш имконини берган;
бурун ва бурун ён бўшлиқлари сурункали касалликларининг жаррохлик амалиётидан кейин даволаш усулларини такомиллаштириш бўйича олинган илмий натижалар соғлиқни сақлаш амалиётига, жумладан Самарқанд давлат тиббиёт университети қошидаги кўп тармоқли клиникасида хамда Тошкент вилояти Янги йул тумани тиббиёт бирлашмасининг клиник амалиётига тадбиқ қилинган (Соғлиқни сақлаш вазирлигининг 2021 йил 30 ноябрдаги 08-09/18695- сонли малумотномаси). Олинган натижаларнинг амалиётга тадбиқ этилиши, эрта ташхислашни, касаллик кечишини башорат қилиш, ўз вақтида келиб чиқадиган асоратларни профилактикасини оптималлаштиришга ҳамда беморлар ҳаёт сифатини яхшилаб, даволаш чора-тадбирларининг самарадорлигини ошириш имконини берган.