Юнусов Боҳодир Исматовичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Кон-металлургия техноген чиқиндилардаги металларни бойитишнинг оптимал пневмосепарация жараёнини ва қурилмасини яратиш», 02.00.16–Кимё технологияси ва озиқ-овқат ишлаб чиқариш жараёнлари ва аппаратлари (техника фанлари).
Диссертация мавзуси рўйхатга олинган рақам: В2017.3.PhD/Т389.
Илмий раҳбар: Артиков Аскар Артикович, техника фанлари доктори, профессор.
Диссертация бажарилган муассаса номи: Тошкент кимё-технология институти.
ИК фаолият кўрсатаётган муассасалар номи, ИК рақами: Тошкент кимё-технология институти, DSc.27.06.2017.Т.04.01.
Расмий оппонентлар: Мухитдинов Джалол Пахриддинович, техника фанлари доктори, профессор; Дадаходжаев Абдулла Турсунович,техника фанлари доктори, профессор.
Етакчи ташкилот: Бухоро муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: кон-металлургияси техноген чиқиндиларидаги металларни бойитишнинг оптимал пневмосепарация жараёни ва қурилмаларини ишлаб чиқишдан иборат.
III. Тадқиқотнинг илмий янгилиги:
кон-металлургияси техноген чиқиндиларини мавҳум қайнаш қатламида пневмосепарациялаш жараёнида бойитиш жараёнига заррачаларнинг дисперслиги таъсири аниқланган;
кон-металлургияси техноген чиқиндилари cочилувчан материалларини мавҳум қайнаш қатламида пневмосепарациялаш аппаратининг кўп поғонали тизими яратилган;
заррачаларнинг мавҳум қайнаш ва учириш тезликларини уларнинг ўлчамлари ва зичликларига боғлиқлиги исботланган;
мавҳум қайнаш қатламида сочилувчан материалларнинг пнемосепарациялашнинг даврий ва узлуксиз мураккаб технологик жараёнларининг математик модели яратилган;
кон-металлургияси техноген чиқиндилари сочилувчан материалларини мавҳум қайнаш қатламида бойитиш технологияси ва қурилмаси учун бошқарув тизимлари ишлаб чиқилган.
IV. Тадқиқот натижаларининг жорий қилиниши.
Кон-металлургияси техноген чиқиндилари сочилувчан материаллари ва уларни мавҳум қайнаш қатламида пневмосепарация технологияси ва қурилмасини ишлаб чиқиш бўйича олинган илмий натижалар асосида:
кон-металлургияси техноген чиқиндиларидаги металларни бойитишнинг оптимал пневмосепарация жараёнлари «Олмалиқ кон-металлургия комбинати» АЖда амалиётга жорий этилган («Олмалиқ кон-метлаллургия комбинати» АЖнинг 2017 йил 20 ноябрдаги АА-9282-сон маълумотномаси). Натижада 0,030-0,050мм ўлчамли заррачалар учун оптимал бошланғич ва учириш тезликлари, даврий ва узлуксиз бойитишда енгил ва оғир компонентлар концентрацияларининг вақт давомида ўзгариши аниқланиб, металлар чиқишини 7% ошириш имконини берган;
кон-металлургияси техноген чиқиндиларидаги металларни бойитишнинг оптимал пневмосепарация қурилмаси «Олмалиқ кон-металлургия комбинати» АЖда амалиётга жорий этилган («Олмалиқ кон-метлаллургия комбинати» АЖнинг 2017 йил 20 ноябрдаги АА-9282-сон маълумотномаси). Натижада cочилувчан материаллар майдаланган заррачаларнинг тўрт чегара ўлчамларида (0,030÷0,033 мм; 0,034÷0,038 мм; 0,039÷0,044 мм ва 0,045÷0,050 мм) бойитиш металлар чиқиши унумдорлигини 3-8% ошириш имконини берган.
