Алламов Ойбек Турабаевичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Графлар назарияси асосида маршрутларни танлаш масаласини eчиш усул ва алгоритмлари», 05.01.04–Ҳисоблаш машиналари, мажмуалари ва компьютер тармоқларининг математик ва дастурий таъминоти (техника фанлари).

Диссертация мавзуси рўйхатга олинган рақам: В2018.1.PhD/T48.

Илмий раҳбар: Нишанов Ахрам Хасанович, техника фанлари доктори.

Диссертация бажарилган муассаса номи: Тошкент ахборот технологиялари университети.

ИК фаолият кўрсатаётган муассаса (муассасалар) номи, ИК рақами: Тошкент ахборот технологиялари университети, DSc.27.06.2017.Т.07.01.

Расмий оппонентлар: Рахматуллаев Марат Алимович, техника фанлари доктори, профессор; Сувонов Олим Омонович, техника фанлари номзоди, доцент.

Етакчи ташкилот: Тошкент давлат техника университети.

Диссертация йўналиши: назарий ва амалий аҳамиятга молик.

II. Тадқиқотнинг мақсади: графлар назариясининг модель, усул ва алгоритмлари асосида транспорт воситалари ҳаракатларини тартибга солишни лойиҳалаш, маълумотларга паралел ва тақсимланган ҳолда ишлов беришнинг дастурлари мажмуасини ишлаб чиқишдан иборат.

III. Тадқиқотнинг илмий янгилиги:

транспорт воситалари ҳаракатларини тартибга солиш учун L та заҳира йўлни аниқлаш ва мукаммал маршрутни танлаш масаласини ечишнинг Дейкстра алгоритми динамик тузилмалар асосида такомиллаштирилган;

шаҳарларда транспорт воситалари ҳаракатларини тартибга солиш ва  тирбандликларни камайтиришда граф маълумотлар базасининг ахборот IDEF1x модели ишлаб чиқилган;

транспорт воситалари ҳаракатларини тартибга солишда маълумотларга параллел ва тақсимланган ҳолда ишлов бериш алгоритми ишлаб чиқилган;

энг мақбул маршрутларни аниқлашда ахборот тизимлари билан ўзаро боғланишни ва маълумот алмашишни таъминловчи интеграция модуллари ишлаб чиқилган.

IV. Тадқиқот натижаларининг жорий қилиниши.

Графлар назарияси асосида маршрутларни танлаш масаласини eчиш усул ва алгоритмлари ҳамда дастурий воситалар мажмуасини лойиҳалаш асосида:

кўп параметрли динамик графларда энг мақбул маршрутларни аниқлаш алгоритми ва дастурий воситаси “Ўзбектелеком” АКнинг “Телекоммуникация транспорт тармоғи” филиалига жорий этилган (Ахборот технологиялари ва коммуникацияларини ривожлантириш вазирлигининг 2017 йил 21 ноябрдаги 33-8/7905-сон маълумотномаси). Илмий тадқиқот натижасида яратилган дастурий воситани қўллаш орқали мутахассисларга тизим турғун ишлашида қарор қабул қилиш жараёни самарадорлигини ошириш имконини берган;

транспорт воситалари ҳаракатларини тартибга солиш ва шаҳарларда тирбандликларни камайтириш учун ишлаб чиқилган дастурий воситалар мажмуаси Ўзбекистон Республикаси Хоразм вилояти “MustafoSofware” МЧЖга жорий этилган (Ахборот технологиялари ва коммуникацияларини ривожлантириш вазирлигининг 2017 йил 21 ноябрдаги 33-8/7905-сон маълумотномаси). Илмий тадқиқот натижасидаги математик ва дастурий таъминотни қўллаш транспорт воситаларига кетадиган сарф-харажатларни 11-15%га камайтириш имконини берган;

транспорт воситалари ҳаракатларини мониторинг қилиш ва фойдаланувчиларга интерфаол хизмат кўрсатувчи дастурий восита Ўзбекистон автомобиль ва дарё транспорти агентлиги Хоразм вилояти бошқармасида жорий этилган (Ахборот технологиялари ва коммуникация-ларини ривожлантириш вазирлигининг 2017 йил 21 ноябрдаги 33-8/7905-сон маълумотномаси). Илмий тадқиқот натижасида яратилган дастурий воситани қўллаш шаҳарда транспорт воситаларидан фойдаланиш унумдорлигини 1,2 мартага ошириш имкони яратилган.