Qodirov Dilshod Botirovichning

falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Past bosimli suv oqimlari uchun energiya samarador mikrogidroelektrstansiya», 05.05.01–Energetika tizimlari va majmualari (texnika fanlari).

Dissertatsiya mavzusi ro‘yxatga olingan raqam: B2017.1.PhD/T86.

Ilmiy rahbar: Zaxidov Romen Abdullaevich, texnika fanlari doktori, professor, akademik.

Dissertatsiya bajarilgan muassasa nomi: «Ilmiy-texnika markazi» MChJ.

IK faoliyat ko‘rsatayotgan muassasa (muassasalar) nomi, IK raqami: Toshkent davlat texnika universiteti va «Ilmiy-texnika markazi» MChJ, DSc.27.06.2017.T.03.03.

Rasmiy opponentlar: Xoxlov Vladimir Aleksandrovich, texnika fanlari doktori, professor; Nizamov Odiljon Xaydarovich, texnika fanlari nomzodi, dotsent.

Yetakchi tashkilot: Toshkent irrigatsiya va qishloq xo‘jaligini mexanizatsiyalash muhandislari instituti.

Dissertatsiya yo‘nalishi: nazariy va amaliy ahamiyatga molik.

II. Tadqiqotning maqsadi: past bosimli suv oqimlarida ishlovchi mikrogidroelektrostansiyani takomillashtirish hamda uning parametrlari va ish rejimlarini asoslashdan iborat.

III. Tadqiqotning ilmiy yangiligi:

mikrogidroelektrostansiya past bosimli suv oqimlarida ishlovchi suv charxpalagining maqbul o‘lchamini aniqlash asosida takomillashtirilgan;

past bosimli suv oqimlarida ishlovchi qurilmaning konstruktiv parametrlarini matematik modellashtirish va suv oqimi miqdorini inobatga olib ish rejimini hisoblash algoritmi ishlab chiqilgan;

mikrogidroelektrostansiya suv charxpalagining detallar o‘lchamlarini past bosimli suv oqimlariga moslashtirish asosida takomillashtirilgan prinsipial sxemasi ishlab chiqilgan;

mikrogidroelektrostansiya suv charxpalagi parraklariga suv oqimining ta’sir kuchini oshirish va parrak suvdan chiqayotganda esa ta’sir kuchini kamaytirish maqsadida parralar suv bilan ta’sirlashish burchagining maqbul qiymati aniqlangan.

IV. Tadqiqot natijalarining joriy qilinishi.

Past bosimli suv oqimi mavjud hududlar uchun ishlab chiqilgan mikrogidroelektrostansiya bo‘yicha olingan ilmiy natijalar asosida:

past bosimli suv oqimlarida ishlovchi qurilma uchun O‘zbekiston Respublikasi Intellektual mulk agentligining foydali modelga patenti olingan («Reaktiv gidravlik turbina», №FAP 01287-2018 y.). Natijada past bosimli suv oqimlarida ishlovchi qurilmaning konstruktiv sxemasini ishlab chiqish imkoni yaratilgan;

mikrogidroelektrostansiya suv charxpalagining maqbul konstruktiv parametrlarini aniqlash asosida past bosimli suv oqimlarida ishlovchi qurilma Namangan viloyati Kosonsoy tumanidagi fermer xo‘jaligi elektr energiyasi iste’moli uchun joriy qilingan («O‘zbekgidroenergo» aksiyadorlik jamiyatining 2018 yil 26 yanvardagi 02-02/180-son ma’lumotnomasi). Natijada past bosimli kichik suv oqimlaridan samarali foydalanib, 57600 kVt·soat elektr energiyasi ishlab chiqarish imkoni yaratilgan;

charxpalak parraklari suv bilan ta’sirlashishdagi maqbul burchakli mikrogidroelektrostansiya Namangan viloyati Kosonsoy tumanidagi fermer xo‘jaligi elektr energiyasi iste’moli uchun joriy qilingan («O‘zbekgidroenergo» aksiyadorlik jamiyatining 2018 yil 26 yanvardagi 02-02/180-son ma’lumotnomasi). Natijada aniqlangan maqbul burchak qiymati ishlab chiqilgan qurilmaning foydali ish koeffisientini 12%ga oshirish imkoni yaratilgan.