Мамасолиева Шоҳиста Лутфуллаевна
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Юқори гигиеник ва эксплуатацион хусусиятли махсус кийим ишлаб чиқариш технологиясини такомиллаштириш” 05.06.04 – “Тикувчилик буюмлари ва костюм дизайни” (техника фанлари)
Диссертация мавзуси рўйхатга олинган рақам: B2022.2.PhD/Т2923 
Илмий раҳбар: Расулова Мастура, техника фанлари доктори, доцент.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
Расмий оппонентлар: Абдукаримова Машкура Абдураимовна техника фанлари доктори, доцент; Мақсудов Набижон Баҳодирович  техника фанлари бўйича PhD, доцент. 
Йетакчи ташкилот: Бухоро муҳандислик-технология институти
Диссертация йўналиши: амалий аҳамиятга молик.
II. Тадқиқотнинг мақсади: автомобиль саноати корхоналари ишчилари учун гигиеник ва эксплуатацион хусусияти оширилган махсус кийим ишлаб чиқариш технологиясини такомиллаштиришни асослашдан иборат.
III. Тадқиқотнинг илмий янгилиги:
янги толавий таркибли газламадан тайёрланган махсус кийим микроиқлимининг кўрсаткичларини тадқиқ қилиш асосида инсон танасидан ажраладиган иссиқлик оқимининг кийим томонидан ютилишини миқдорий баҳолаш имконини берадиган термик қаршилик коэффициенти ишлаб чиқилган;
янги толавий таркибли газламадан тайёрланган махсус кийимнинг эксплуатацион хусусиятини ошириш учун мочевиноформальдегид олигомер таркибли эритмани шимдириш йўли билан тўқимачилик материаллари ва улардан тайёрланган буюмларнинг кам киришувчанлигини таъминлаш усули ишлаб чиқилган;
илмий тажрибани математик режалаштириш усули асосида махсус кийим деталлари ипли бирикмаларининг мустаҳкамлик кўрсаткичлари бахя йириклиги, тикув ипининг метрик рақами ва газламанинг толавий таркибига боғлиқлиги ишлаб чиқилган;
янги толавий таркибли газламадан махсус кийим тайёрлашнинг рационал технологик параметрлари, яъни  100-110 рақамли тикув игналари, 50/2 рақамли ЛЛ тикув ипи ҳамда  2,5-3 мм бахя йириклиги мос келиши аниқланган.
IV. Тадқиқот натижаларининг жорий қилиниши: Диссертацияда тавсия этилган илмий ишланмаларни асослаш бўйича олинган натижалар асосида:
ишчилар учун махсус кийим тўпламларига Ўзбекистон Республикаси Интеллектуал мулк агентлигининг саноат намуналарига патентлари олинган 
(SAP 01950, 2019 й; SAP 02129, 2020 й.). Натижада янги толавий таркибли газламадан тайёрланган махсус кийим  комплекти хизмат муддатини ошириш имконини берган; 
автомобиль саноати ишчиларига махсус кийим тўпламлари учун конструкторлик-лойиҳалаштириш ва технологик ҳужжатлари «Нурафшон Нур» МЧЖ, «ВМ teх» МЧЖ, «Нурота тикувчилик» МЧЖ, «Зарбдор текстиль» МЧЖ тикувчилик корхоналарида ва «Савдоэнерго» АЖ «Чароғон текстиль» тикув фабрикасида жорий этилган («O’zto’qimachiliksanoat» уюшмасининг 2023 йил 10 февралдаги  №03/25-293-сонли маълумотномаси). Жорий этилган натижалар кам киришувчан хусусиятга эга янги толавий таркибли газламадан тайёрланган махсус кийим ишлаб чиқариш имконини берган;
янги толавий таркибли газлама ва махсус кийимларнинг кам киришувчанлигини таъминлаш усулига Россия Федерацияси Интеллектуал мулк федерал хизмати томонидан ихтиро учун патент (№ 2739185, 2020 й.) олинган. Натижада махсус кийимбоп газламаларнинг камкиришувчанлигини 12 % га, мустаҳкамлигини 10 % га, ғижимланмасликни 11 % га ошириш имконини берган.