Кенжаев Сирожиддин Рашидовичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Миокард инфаркти билан оғриган беморларда чап қоринча дисфункциясини комплекс даволашда кверцетиннинг самарадорлиги», 14.00.06–Кардиология (тиббиёт фанлари).
Диссертация мавзуси рўйхатга олинган рақам: В2017.2.PhD/Tib240.
Илмий раҳбар: Аляви Анис Лютфуллаевич,тиббиёт фанлари доктори, профессор, Ўзбекистон Республикаси Фанлар академияси академиги
Диссертация бажарилган муассаса номи: Республика шошилинч тиббий ёрдам илмий маркази.
ИК фаолият кўрсатаётган муассаса номи, ИК рақами: Тошкент врачлар малакаcини ошириш инcтитути, DSc.27.06.2017.Tib.31.01
Расмий оппонентлар: Шек Александр Борисович, тиббиёт фанлари доктори, профессор; Каюмов Улугбек Каримович, тиббиёт фанлари доктори, профессор.
Етакчи ташкилот: А.И. Евдокимов номли Москва давлат тиббиёт-стоматология университети (Россия Федерацияси).
Диссертация йўналиши: амалий аҳамиятга молик.
II. Тадқиқотнинг мақсади: цитопротектор кверцетиннинг ST сегмент кўтарилишли ўткир миокард инфаркти билан оғриган, реперфузия қилинган беморларда чап қоринча миокардининг дисфункционал зоналарининг қайта тикланишига ва диастолик фаолиятига таъсирини баҳолашдан иборат.
III. Тадқиқотнинг илмий янгилиги:
илк маротаба, STкМИ билан оғриган, миокард реперфузияси амалга оширилган беморларда чап қоринча миокарди қайтар дисфункциясига кверцетин препаратини таъсири исботланган;
STкМИ билан оғриган, тромболитик терапия ва перкутан коронар аралашув амалга оширилган беморларда кверцетиннинг миокард функционал ҳолатига, чап қоринча миокардининг систолик ва диастолик фаолиятларига, касалликнинг клиник кечишига таъсири баҳоланган;
реперфузия ўтказиш вақти ва карахлашган миокард холати, хамда миокард инфарктининг STкМИда чап қоринчадаги функционал ҳолати кўрсаткичлари билан ўзаро боғлиқлиги аниқланган;
STкМИ билан оғриган беморларда реперфузиядан кейин комплекс терапияга кверцетин қўллаш натижасида чап қоринча миокардининг яшашга лаёқатли соҳаларининг фаолиятини тикланиши динамикаси кичик дозадаги добутаминли стресс-эхокардиография усули ёрдамида исботланган.
IV. Тадқиқот натижаларининг жорий қилиниши. Миокард инфарктини ташхислаш ва даволаш натижаларини яхшилаш бўйича олиб борилган илмий тадқиқот натижалари асосида:
«Добутаминли стресс-эхокардиография натижаларига боғлиқ ҳолда ST сегмент кўтарилишли ўткир миокард инфаркти билан оғриган беморларни олиб бориш алгоритми» номли алгоритм соғлиқни сақлаш амалиётига жорий қилинган (Соғлиқни сақлаш вазирлигининг 2017 йил 26 декабридаги №8н-д/72-сон маълумотномаси). Мазкур алгоритм ўткир миокард инфаркти билан оғриган беморларни олиб боришда тежамли ва қулай усул - кичик дозадаги добутаминли стресс-эхокардиографияни қўллаб, миокард қайтар ва қайтмас дисфункциясини ва керакли терапияни ўз вақтида аниқланишига имкон берган;
даволаш ва диагностика сифатини ошириш бўйича ишлаб чиқилган тавсиялар соғлиқни сақлаш амалиётига, жумладан Республика шошилинч тиббий ёрдам илмий маркази, Республика шошилинч тиббий ёрдам илмий марказининг Бухоро ва Наманган филиаллари клиник амалиётига жорий этилган (Соғлиқни сақлаш вазирлигининг 2018 йил 05 мартдаги №8н-з/29-сон маълумотномаси). Олинган натижаларни амалиётга жорий қилиниши иқтисодий самарадорликка олиб келган. Миокард инфаркти билан оғриган беморларни ҳаёти давомийлигини узайтириш, касаллик асоратларини камайтириш, беморларни стационарда бўлиши вақтини 1-2 кунга қисқартиришга хизмат қилган.
