Иноятов Аваз Шавкатовичнинг
фан доктори (DSc) диссертацияси ҳимояси ҳақидаги эълон

I.Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Витилиго диагностикаси ва комплекс даволашнинг концептуал асослари», 14.00.11-Дерматология ва венерология (тиббиёт фанлари). 
Дисертация мавзуси рўйхатга олинган рақам: B2022.3.DSc./Tib630.
Илмий маслаҳатчи: Сабиров Улугбек Юсуфханович, тиббиёт фанлари доктори, профессор.
Диссертация бажарилган муассаса номи: Республика ихтисослаштирилган дерматовенерология ва косметология илмий-амалий тиббиёт маркази.
ИК фаолият кўрсатаётган муассаса номи, ИК рақами: Тошкент педиатрия тиббиёт институти, DSc.04/30.30.12.2019.Tib.29.01.
Расмий оппонентлар: Ваисов Атхамжон Шавкатович, тиббиёт фанлари доктори, профессор; Арифов Саидқосим Саидазимович тиббиёт фанлари доктори, профессор; Умит Турсен тиббиёт фанлари доктори, профессор (Туркия). 
Йетакчи ташкилот: Омск давлат тиббиёт университети (Россия). 
Диссертация йўналиши: амалий аҳамиятга молик.
II. Тадқиқотнинг мақсади носегментар витилигони генетик ва клиник кечиши хусусиятларини ҳисобга олган ҳолда ташхислаш ва кўп тўлқинли фототерапия билан комплекс даволаш усулини ишлаб чиқишдан иборат.    
III. Тадқиқотнинг илмий янгилиги:
касалликнинг кечишини оғирлаштирадиган ноқулай преморбид фон бўлган витилиго билан оғриган беморларда генетик хусусиятлар ва ҳамроҳ касалликлар кузатилиши исботланган;
қонда TNF-альфа ва ИЛ-21 концентрациясининг ошиши фонида витилиго билан оғриган одамларда аутоиммун жараёнларга хос бўлган иккиламчи иммунитет танқислиги ва иммунограммадаги ўзгаришлар аниқланган ва ташувчиларда умумий гуруҳга қараганда ноқулай G аллелидан SNP rs 2230926 ишончли юқорилиги исботланган; 
TNFAIP3 генининг учта аллели ва REL генининг иккита SNPсининг ноқулай мутант аллеллари мавжудлигида аутоиммун тироидит билан оғриган беморларда витилиго кечишининг прогрессив табиати ва даволанишга чидамлилиги исботланган;
тери фототипидан қатьий назар, репигментация захирасини аниқлаш учун инвазив бўлмаган мексаметрия усулининг диагностика самарадорлиги ва ПИ ва НПИ (нормаллаштирилган пигментация индекси) индексининг объективлиги  исботланган;
кўп тўлқинли фототерапиянинг энг мақбул режимлари: NB-UVB (311) + CО2 лазер (10600) нм фракцион нурланиш билан комбинациясининг афзалликлари, шунингдек эксимер нури (308) + YAG:Er (2940нм) Провитилин кремининг протектив таъсири билан бирлашганда лазер нурланиши оптимал натижалари самарадорлиги исботланган;
IV. Тадқиқот натижаларининг жорий қилиниши.
Витилиго касаллигини эрта ташхислаш, хавф омилларини аниқлаш, самарали комплекс даволаш усулларини ишлаб чиқиш бўйича олинган илмий натижалар асосида:
витилиго кечишининг ирсий ва клиник хусусиятларини ҳисобга олган ҳолда носегментар витилигони кўп тўлқинли фототерапия билан биргаликда даволаш ва диагностикасини такомиллаштириш асосида ишлаб чиқилган «Витилиго касаллигини даволашда инновацион ва асосланган ёндашув» номли услубий тавсияномаси тасдиқланган (Соғлиқни сақлаш вазирлигининг 2023 йил 12 январдаги 8н-з/32-сон маълумотномаси). Илмий натижаларнинг жорий қилиниши касалликни даволаш самарадорлигини ошириш, клиник кечишини стабиллаштириш, даволаниш давомийлигини қисқартириш, ҳаёт сифатини яхшилаш имконини берган;
витилигони маҳаллий даволашда Провитилин воситасини ҳамда кўп тўлқинли фототерапия билан даволаш усулини қўллаш орқали олинган илмий натижалар асосида ишлаб чиқилган «Витилигонинг ташқи даволаш усули»  номли услубий тавсияномаси тасдиқланган (Соғлиқни сақлаш вазирлигининг 2023 йил 12 январдаги 8н-з/32-сон маълумотномаси). Илмий натижаларнинг жорий қилиниши терапиянинг тиббий самарадорлигини ошириш, витилиго билан оғриган беморларни даволаш муддатини қисқартириш, касалликнинг қайталаниши ва асоратларининг олдини олиш имконини берган. 
витилигонинг носегментар шакли билан оғриган беморларни шахсий ёндашув билан даволаш усули бўйича олинган илмий натижалар соғлиқни сақлаш амалиётига, жумладан, Республика ихтисослаштирилган дерматовенерология ва косметология илмий-амалий тиббиёт марказининг Андижон, Хоразм, Бухоро ва Тошкент вилоятлари худудий филиаллари амалиётига жорий этилган (Республика ихтисослаштирилган дерматовенерология ва косметология илмий-амалий тиббиёт марказининг 2023 йил 27 февралдаги №0109/128-сон маълумотномаси). Олинган илмий натижалар кўп тўлқинли фототерапия ёрдамида витилиго диагностикаси ва даволашнинг такомиллаштирилиши қониқарсиз натижалар сонини 1,9 баробарга қисқартириш, 90% ҳолларда “аъло” ва “яхши” натижалар сонини кўпайтириш, касаллик прогрессия жараёнини 55% дан 1% гача тўхтатиш имконини берган.