Рубидинов Шохрух Ғайратжон ўғлининг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Кимё саноати ускуналарини химоялаш учун антикоррозион композицион материаллар ва қопламалар олишнинг самарали технологиясини ишлаб чиқиш», 02.00.07 – Композицион, лок-бўёқ ва резина материаллари кимёси ва технологияси (техника фанлари).
Диссертация мавзуси рўйхатга олинган рақам: B2022.4.PhD/T3222.
Илмий раҳбар: Юлчиева Сурайё Бахрамовна, техника фанлари доктори, катта илмий ходим.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Талипов Нигматулла Хамидович, техника фанлари доктори, профессор; Исмоилов Равшан Исроилович, кимё фанлари доктори, профессор.
Етакчи ташкилот: Андижон машинасозлик институти.
Диссертация йўналиши: амалий аҳамиятга молик.
II. Тадқиқотнинг мақсади: кимё саноати ускуналарини агрессив муҳит таъсиридан ҳимояловчи қопламалар учун антикоррозион композицион материалларни олишнинг самарали таркиблари ва олиш технологиясини ишлаб чиқишдан иборат.
III. Тадқиқотнинг илмий янгилиги:
гидролиз спирти ишлаб чиқаришнинг агрессив муҳитида суюқ шишали композициялар гидротацияси ва структура ҳосил бўлиш  жараёнлари қонуниятлари аниқланган;
суюқ шиша гидролизи натижасида тўлдирувчининг кремний кислотаси гели билан мустахкам боғланишини таъминлаб берувчи, намланганда гелга ўхшаш ҳолатга ўтувчи ишқорий гидросиликатларнинг шаклланиши аниқланган; 
гидролизланган суюқ шишаларнинг янада полимерланганлиги ва таркибидаги кремний-кислородли каркаснинг зич жойлашганлиги ҳисобига кремнезем модулининг ортиши ва структуранинг мустаҳкамланганлиги аниқланган; 
ишлаб чиқилган суюқ шишали импорт ўрнини босувчи антикоррозион композицион қопламанинг юқори физик-механик ва эксплуатацион хоссаларга эгалиги аниқланган; 
махаллий хомашё ва ишлаб чиқариш чиқиндилари асосидаги антикоррозион композицияни олишнинг мақбул технологик параметрлари ишлаб чиқилган.
IV. Тадқиқот натижаларининг жорий қилиниши:
Агрессив муҳитда ишлайдиган ускуналарнинг ишчи юзасини қоплаш учун антикоррозион композицион силикат материалларининг таркибини ишлаб чиқиш бўйича олинган илмий натижалар асосида:
ишлаб чиқилган коррозиябардош силикат композициялар ва улар асосидаги қопламалар «Наманганвино» МЧЖда ускуна ва қурилмаларнинг ишчи юзасига қўллашда жорий этилган (Ўзбекистон Республикаси Алкогол ва тамаки бозорини тартибга солиш ҳамда виночилиқни ривожлантириш агентлигининг 2021 йил 16 июлдаги 02-19/2464-сон маълумотномаси). Натижада, гидролиз цехи сиғимлари ва ускуналарининг ишлаши ва самарадорлигини, меҳнат унумдорлигини ошириш, ускуналарнинг энергия ва ресурстежамкорлигини ҳамда агрессив муҳитга чидамлилигини 32,8 МПа га  ошириш имконини берган;
антикоррозион композицион материаллар ва улар асосида қопламалар «Наманганвино» МЧЖ алкоголли ичимликлар ишлаб чиқариш ускуналари ва аппаратларини коррозиядан ҳимоя қилиш корхонасида жорий этилган (Ўзбекистон Республикаси Алкогол ва тамаки бозорини тартибга солиш ҳамда виночилиқни ривожлантириш агентлигининг 2021 йил 16 июлдаги 02-19/2464-сон маълумотномаси). Натижада, агрессив муҳитда ишлайдиган қурилмаларнинг чидамлилигини 2,5 баравар ошириш имконини берган.