Kim Denis Petrovichning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar 
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Alkogolga qaram shaxslarda hissiy-shaxsiy va kognitiv buzilishlarning  gender xususiyatlarini o‘rganish va ularning korreksiyasi», 14.00.18 – Psixiatriya va narkologiya (tibbiyot fanlari).
Dissertatsiya mavzusi ro‘yxatga olingan raqam: B2018.2.PhD/Tib677.
Ilmiy rahbar: Ashurov Zarifjon Sharifovich, tibbiyot fanlari doktori, dotsent.
Dissertatsiya bajarilgan muassasa nomi: Toshkent tibbiyot akademiyasi.
IK faoliyat ko‘rsatayotgan muassasa (muassasalar) nomi, IK raqami: Tibbiyot xodimlarining kasbiy malakasini rivojlantirish markazi, DSc.04/30.12.2019.Tib.31.01
Rasmiy opponentlar: Alimov Ulugbek Xudoyarovich, tibbiyot fanlari doktori, professor; Abdullajonova Shaxlo Juraxanovna, tibbiyot fanlari doktori, dotsent.
Yetakchi tashkilot nomi: Toshkent pediatriya tibbiet instituti.
Dissertatsiyaning yo‘nalishi: amaliy ahamiyatga molik. 
II. Tadqiqotning maqsadi alkogolga qaram bo‘lgan bemorlarda hissiy-shaxsiy va kognitiv buzilishlarni va ularning psixokorreksiyasini, jins xususiyatlarini hisobga olgan holda baxolash bo‘yicha taklif va tavsiyalar ishlab chiqishdan iborat. 
III. Tadqiqotning ilmiy yangiligi:
spirtli ichimliklarga qaram bo‘lgan ayollarda psixologik xususiyatlar deformatsiyasi maskulin tipida, erkaklarda esa feminin belgilarining kuchayishi gormonal o‘zgarishlar sabablinamoyon bo‘lishi aniqlangan;
alkogolga qaramlik klinik belgilarida gender farqlari aniqlanib, ayollarda gippokamp shikastlanishi tufayli qisqa muddatli xotira yomonlashuvi va erkaklarda subikulum xajmi kattaligi xisobiga diqqatning buzilishi aniqlangan;
spirtli ichimliklarga qaram bo‘lgan shaxslarda erta psixoprofilaktikaga yondashuvklinik va ijtimoiy-biologik omillarga asoslangan holda optimallashtirilgan;
alkogolga qaram bemorlarning patoxarakterologik gender xususiyatlariga asoslangan xolda psixoterapiyaning qiyosiy yondoshuvi ishlab chiqilgan. 
IV. Tadqiqot natijalarining joriy qilinishi:
Alkogolizm bilan og‘rigan bemorlarda gender xususiyatlarini hisobga olgan holda emotsional-shaxsiy va kognitiv buzilishlarni, ularning psixokorreksiyasi tahlilini amalga oshirish bo‘yicha olingan ilmiy natijalar asosida:
alkogolizm bilan og‘rigan bemorlarda hissiy-shaxsiy buzilishlarni psixoterapevtik tuzatish bo‘yicha olib borilgan tadqiqotning ilmiy natijalari asosida ishlab chiqilgan "Alkogolizm bilan og‘rigan bemorlarda hissiy-shaxsiy buzilishlarni psixoterapevtik tuzatish algoritmi" nomli uslubiy tavsiyanoma tasdiqlangan (Sog‘liqni saqlash vazirligining 2020 yil 1 iyuldagi 8n-d/85-son ma’lumotnomasi ). Ushbu uslubiy tavsiyanoma psixoterapiya usulini qo‘llash natijasida spirtli ichimliklarga qaram bo‘lgan bemorlarni davolash va remissiya samaradorligini oshirishga imkonini bergan; 
alkogolizm bilan og‘rigan bemorlarda gender xususiyatlarini hisobga olgan holda emotsional-shaxsiy va kognitiv buzilishlarni davolash bo‘yicha olingan ilmiy natijalar sog‘liqni saqlash amalietiga, jumladan Toshkent viloyati viloyat psixo-nevrologik dispanser va Toshkent shahar majburiy davolash narkologiya shifoxonasi amalietiga joriy qilingan (Sog‘liqni saqlash vazirligining 2022 yil 14 dekabrdagi 08-39668-son ma’lumotnomasi). Tadqiqot natijalari klinik amaliyotga joriy etilishi spirtli ichimliklarga qaram bo‘lgan bemorlarda psixoterapiya va psixoreabilitatsiya jarayonini yaxshilash, qaytalanish xavfini kamaytirish va bemorlarning xayot sifatini yaxshilash imkonini bergan.