Собиров Жасур Ғайбиллаевичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Аорта ёйи тармоқлари ва оёқ артериялари қўшма зарарланган беморларни хирургик даволашни оптималлаштириш», 14.00.34–Юрак ва қон-томир хирургияси (тиббиёт фанлари).

Диссертация мавзуси рўйхатга олинган рақам: B2017.1.PhD/Tib137.

Илмий раҳбар: Бахритдинов Фазлитдин Шамситдинович, тиббиёт фанлари доктори, профессор.

Диссертация бажарилган муассаса номи: Академик В.Воҳидов номидаги Республика ихтисослаштирилган хирургия илмий-амалий тиббиёт маркази.

ИК фаолият кўрсатаётган муассаса номи, ИК рақами: Академик В.Воҳидов номидаги Республика ихтисослаштирилган хирургия илмий-амалий тиббиёт маркази ва Тошкент тиббиёт академияси, DSc.27.06.2017.Tib.49.01.

Расмий оппонентлар: Асамов Равшан Эркинович, тиббиёт фанлари доктори, профессор; Ирназаров Акмал Абдуллаевич, тиббиёт фанлари доктори.

Етакчи ташкилот: А.В. Вишневский номидаги хирургия миллий тиббий текшириш маркази  Федерал Давлат бюджет ташкилоти (Россия Федерацияси).

Диссертация йўналиши: амалий аҳамиятга молик.

II. Тадқиқотнинг мақсади: замонавий диагностика усулларини қўллаш, натижаларни интеграл баҳолаш ва оптимал тактикани танлаш йўли билан аорта ёйи тармоқлари, қорин аортаси терминал қисми ва оёқ артериялари қўшма атеросклеротик зарарланган беморларни хирургик даволаш натижаларини яхшилашдан иборатшошилинч тиббий ёрдам кўрсатиш ишлаб чиқилган алгоритмлари асосида ташхислаш ва даволаш тактикасини такомиллаштириш йўли билан кататравма билан беморларни даволаш натижалари яхшилашдан иборат.

III. Тадқиқотнинг илмий янгилиги:

диагностик текширувлар натижасини ягона миқдорий кўрсаткичга бирлаштирувчи аорта ёйи тармоқлари зарарланиш оғирлигини интеграл баҳоловчи усул ишлаб чиқилган;

қорин аортаси терминал қисми ва оёқ артериялари зарарланиш оғирлигини интеграл баҳоловчи усул ишлаб чиқилган;

бу гуруҳ беморларда SMART прогностик усулини қўллаб, хавфли омилларнинг хирургик даволашнинг яқин натижаларига таъсири ўрганилган;

зарарланишнинг оғирлигини интеграл баҳолаш ва даволаш-диагностика тактикаси алгоритмини яхшилаш эвазига хирургик даволашнинг оптимал тактикаси таклиф этилган.

IV. Тадқиқот натижаларининг жорий қилиниши.

Аорта ёйи тармоқлари ва оёқ артериялари қўшма атеросклеротик зарарланган беморлар диагностикаси ва хирургик даволаш натижаларини яхшилашга бағишланган тадқиқот бўйича олинган илмий натижалар асосида:

ишлаб чиқилган «Аорта ёйи тармоқлари зарарланиш оғирлигини баҳолаш усули»га Интеллектуал мулк агентлигининг ихтирога патенти олинган (№ IAP 05388-сон патент, 2017 йил). Тадқиқот натижалар шуни кўрсатдики, зарарланиш индекси (Ci) ўртача 4,4-4,7 баллни ташкил этган;

ишлаб чиқилган «Оёқ артериялари зарарланиш оғирлигини баҳолаш усули»га Интеллектуал мулк агентлигининг ихтирога патенти олинган (№ IAP 05495-сон патент, 2017 йил). Тадқиқот натижалар шуни кўрсатдики, зарарланиш индекси (Li) ўртача 9-10 баллни ташкил этган;

аорта ёйи тармоқлари ва оёқ артериялари қўшма атеросклеротик зарарланган беморларни хирургик даволашни яхшилаш бўйича бажарилган диссертация ишидан олинган илмий натижалар соғлиқни сақлаш амалий фаолиятига, хусусан, академик В.Воҳидов номли Республика ихтисослаштирилган хурургия илмий-амалий тиббиёт маркази, Бухоро вилоят кўп тармоқли тиббиёт маркази ва Наманган вилоят Кардиология марказлари амалий фаолиятига татбиқ этилган (Соғлиқни сақлаш Вазирлигининг 2017 йил 13 февралидаги 8н-д/5-сон маълумотномаси). Тадқиқот натижасига кўра, таклиф этилган хирургик даволаш тактикасининг танлаш алгоритмини қўллаш амалиётдан кейинги шунт тромбозини 6,7% дан 1,16% га, оёқ ампутациясини 2,94% дан 0% га, ўткир миокард инфарктини 4,9% дан 1,16% га, бош мия қон айланиши ўткир бузилишини 1,97% дан 0% га ва ўлим кўрсаткичини 4,9% дан 1,16% га камайтириш имконини берган.