Izetaeva Gulbaxar Keunimjaevnaning
fan doktori (PhD) dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Oliy ta’lim muassasalarida matematik analiz o‘quv fanini modulli texnologiya asosida o‘qitish metodikasi” (“Matematika” ta’limi yo‘nalishi misolida), 13.00.02 - Ta’lim va tarbiya nazariyasi va metodikasi (peagogika fanlari).
Dissertatsiya mavzusi ro‘yxatga olingan raqam: B2017.2.PhD/Ped116.
Ilmiy rahbar: Tojiev Mamarajab, pedagogika fanlari doktori.
Dissertatsiya bajarilgan muassasa nomi: Qoraqalpoq davlat universiteti.
IK faoliyat ko‘rsatayotgan muassasa nomi, IK raqami: Nukus davlat pedagogika instituti, Qoraqalpoq davlat universiteti, Urganch davlat universiteti, DSc.28.12.2017.Ped.58.01.
Rasmiy opponentlar: Kamalov Amangeldi Bazarbaevich, fizika-matematika fanlari doktori, Abduqodirov Abduqahhor Abduvakil`evich, pedagogika fanlari doktori, professor.
Yetakchi tashkilot: Buxoro davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: oliy ta’lim muassasalarida matematik analiz o‘quv fanini o‘qitishni modulli ta’lim texnologiyasi asosida tashkil etishninguslubiy asoslarini belgilash hamda ulardan amalda foydalanish metodikasini ishlab chiqishdan iborat.
III. Tadqiqotning ilmiy yangiligi:
o‘qitishga tizimli yondashuvni didaktik imkoniyatlari, o‘quv mashg‘ulotlarini loyihalashtirishning ixtirochilik, modellashtirish va eksperiment komponentlari mazmunini aniqlashtirish asosida takomillashtirilgan;
matematik analiz fanini o‘qitishning metodik imkoniyatlari modulli o‘qitish texnologiyasining funksional omillari(pedagogik-psixologik, konseptual, texnologik, innovatsion)ni tizimlashtirish asosida takomillashtirilgan;
buyurtmachi talablari asosida amaliy mashg‘ulotlarning loyihalarini tuzish metodikasi, baholash-nazorat komponentlari mazmuni aniqlashtirilgan;
oliy ta’lim muassasalarida matematik analiz fanini modulli texnologiyadan foydalanib o‘quv mashg‘ulotlarini loyihalash asosida ta’lim jarayoni takomillashtirilgan.
IV. Tadqiqot natijalarining joriy qilinishi.
Matematika ta’limi yo‘nalishida matematik analiz fanini modulli texnologiya bo‘yicha o‘qitishning ilmiy-uslubiy asoslarini takomillashtirishga doir tadqiqot natijalari asosida:
modulli ta’lim texnologiyasi “110000-Pedagogika” zamonaviy pedagogik texnologiyani aqilona tanlab olish, ijodiy yondashuv asosida texnologiyalar tanlash kompetensiyalar tizimi bakalavriat yo‘nalishlari Davlat ta’lim standarti (12.18.14. “Uzstandart” agentligi tomonidan tasdiqlangan №1-2570) mazmuniga singdirilgan. Mazkur texnologiyalar oliy ta’lim muassasalari bitiruvchilariga qo‘yiladigan Malaka talablarini ishlab chiqish hamda takomillashtirilgan o‘quv dastur, darslik, o‘quv qullanmalarni yaratishga xizmat qilgan.
oliy ta’lim muassasalarida matematik analiz fanining o‘quv mashg‘ulotlarini modulli texnologiya tamoyillariga ko‘ra loyihalab o‘qitishga oid takliflardan O‘zbekiston Respublikasi Oliy va o‘rta maxsus ta’lim vazirligining 2007 – 2011 yillarga mo‘ljallangan fundamental tadqiqotlar dasturlari doirasidagi OT-F8-208 raqamli – “Ta’lim muassasalari o‘quv-tarbiya jarayoniga zamonaviy pedagogik texnologiyalar va ilg‘or tajribalarni joriy etishning ilmiy-nazariy asoslari”, 2015 yil 6 martdagi “Vazirlik tizimida bajarilishi 2015-2017 yillarga mo‘ljallangan amaliy tadqiqotlar dasturi doirasidagi loyihalarni amalga kiritish to‘g‘risida”gi 84-sonli buyrug‘i asosida A-1-33 – “Oliy ta’lim muassasalaridagi o‘quv fanlarining modulli o‘qitish metodikasi va amaliyoti (“Matematika o‘qitish metodikasi” ta’lim yo‘nalishi misolida)” mavzusidagi amaliy loyihalar rejasining tegishli bandlari bo‘yicha “Matematik analiz fani o‘quv mashg‘ulotlarining loyihalari” va “Oliy matematika fani o‘quv mashg‘ulotlarining loyihalari” mavzusidagi o‘quv va uslubiy qo‘llanmalar nashr etilgan va ta’lim amaliyotiga joriy qilingan (Oliy va o‘rta maxsus ta’lim vazirligining 2018 yil 26 martdagi 89-03-1115-son ma’lumotnomasi). Natijada o‘quv adabiyotlar mazmuni takomillashtirilgan hamda talabalar bilim sifati oshirilgan;
o‘quv mashg‘ulotlarning loyihalarini tuzish metodikasi, baholash-nazorat komponentlari mazmuni aniqlashtirish, talabalarning mustaqil masala echish va isbotlash ko‘nikmalarini shakllantirish hamda ta’limga interaktiv metodlarni qo‘llab ta’lim samaradorligini oshirish bo‘yicha ishlab chiqilgan tavsiyalar ta’lim amaliyotiga joriy etilgan (Oliy va o‘rta maxsus ta’lim vazirligining 2018 yil 26 martdagi 89-03-1115-son ma’lumotnomasi). Natijada bu tavsiyalar talabalarning bilim darajasini kengaytirishga xizmat etgan.
