Улуғмуратов Журабек Фарходовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Анилин пардозли туяқуш чармининг хоссаларига ёғсизлантириш технологик жараёнининг таъсирини тадқиқ қилиш” 05.06.03 – “Тери, мўйна, пойабзал ва тери-галантерея буюмлари технологияси” (техника фанлари).
Диссертация мавзуси рўйхатга олинган рақам: B2021.3.PhD/Т2407
Илмий раҳбар: Бегалиев Хашим Хикматджанович, техника фанлари номзоди, доцент.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
Расмий оппонентлар: Бахадиров Ғайрат Атаханович техника фанлари доктори, профессор; Казаков Фарход Фармонович техника фанлари бўйича фалсафа доктори, доцент.
Етакчи ташкилот: Наманган муҳандислик-технология институти.
Диссертация йўналиши: амалий аҳамиятга молик.
II. Тадқиқотнинг мақсади: туяқуш териларидан юқори сифатли экзотик чарм олишда ёғсизлантириш жараёни тадқиқотлари асосида туяқуш тери хомашёсига ишлов бериш технологиясини такомиллаштириш, ўтказилган тадқиқотлар асосида олинган туяқуш чармларига анилинли пардозлаш усулини қўллаш ва туяқуш чармларининг физик – кимёвий хоссаларини тадқиқ қилишдан иборат.
III. Тадқиқотнинг илмий янгилиги:
ёғсизлантириш жараёнига углеводородларни ва экологик зарасиз, ионоген бўлмаган ва анион актив таркибга эга сирт актив моддаларни қўллаган ҳолда, туяқуш териларига ишлов беришнинг такомиллаштирилган ва ихчам технологияси ишлаб чиқилган;
туяқуш тери дермасини ёғсизлантириш жараёнида ёғсизлантирувчи эмульсия таркибида углеводород  ва экологик зарарсиз ионоген бўлмаган ва анион актив таркибга эга сирт актив моддаларнинг 50:50 оптимал нисбатдаги миқдори аниқланган;
таклиф этилган таркиб асосида ёғсизлантириш жараёнида тери тўқимасидаги табиий ёғ миқдорининг камайганлиги физик-кимёвий,  сканерли микроскопия (SEM) ва элемент таҳлиллар ўтказиш натижасида аниқланган;
туяқуши тери хомашёсига ишлов беришдаги ёғсизлантириш технологик жараёни тадқиқотларида математик режалаштириш усули қўлланилиб, жараённинг оптимал  технологик  параметрлари ишлаб чиқилган ва туяқуш чармларини пардозлашда анилин пардозлаш усулларини  кенг  қўллаш имконияти  хосил бўлиши асосланган;
ёғсизлантирувчи эмульсиядаги тўйинган алканлар ва экологик зарарсиз ионоген бўлмаган ва анион актив сирт актив моддаларнинг тери тўқимаси структурасидаги липидларни маълум бир даражагача, бир текис эвакуацияланиши натижасида, анилин композиция билан пардоз қилинган туяқуш чарм юза сирти мереясидаги пат фолликула тутамларини ўзгаришсиз  сақланиб қолиши аниқланган.
IV. Тадқиқот натижаларининг жорий қилиниши: Анилин пардозли туяқуш чармининг хоссаларига ёғсизлантириш технологик жараёнининг таъсирини тадқиқ қилиш бўйича олинган натижалар асосида:
туяқуш тери хомашёсига ишлов беришда ёғсизлантириш жараёнларини ўтказиш технологик регламенти “OSIYO – CHARM FAYZ” МЧЖ да жорий қилинган. (“Ўзчармсаноат” уюшмасининг 2022 йил 23 ноябрдаги ФБ-7/4072-сонли маълумотномаси). Натижада ёғсизлантириш жараёнида углеводород керосин ва САМларни қўллаш орқали туяқуш тери тўқимаси таркибидаги табиий ёғ миқдорини камайиш ҳисобига туяқуш чармининг физик-механик хоссаларининг яхшиланиши аниқланган;
туяқуш тери хомашёсига ишлов беришдаги тайёрлов, ошлаш олди ва ошлаш жараёнларини ўтказиш технологик регламенти “ULKAN-LAZIZ” МЧЖ да жорий қилинган. (“Ўзчармсаноат” уюшмасининг 2022 йил 23 ноябрдаги ФБ-7/4072-сонли маълумотномаси). Натижада ёғсизлантириш жараёни тадқиқотлари асосида такомиллашган хромли ошланган “Wet blue” чармининг пишиш ҳарорати назорат намунасидан 6,5 0С юқори бўлишига эришилган;
туяқуш тери хомашёсига ишлов беришдаги бўяш-ёғлаш жараёнларини ўтказиш технологик регламенти “ULKAN-LAZIZ” МЧЖ да жорий қилинган. (“Ўзчармсаноат” уюшмасининг 2022 йил 23 ноябрдаги ФБ-7/4072-сонли маълумотномаси). Натижада ёғсизлантириш тадқиқотлари асосида олинган туяқуш “Краст” чармининг мустаҳкамлик чегараси 0,4 МПА га, 10 МПа куч билан чўзилганда узайиш миқдори 6,4 %га ошишига эришилган;
анилин пардозли туяқуш чармларини олишда такомиллашган ёғсизлантириш ва пардозлаш жараёнларини ихчам технологияси “TABIIY CHARM” XK да жорий этилган. (“Ўзчармсаноат” уюшмасининг 2022 йил 23 ноябрдаги ФБ-7/4072-сонли маълумотномаси). Натижада анилин пардозли туяқуш чармининг 10 МПа куч билан чўзилганда узайиши миқдори 7,3 % га ҳамда буғ ўтказувчанлиги 5,36 % ошишига эришилган.
анилин пардозли туяқуш чармни ёғсизлантириш жараёнида янги ёғсизлантирувчи таркибли технологияси “ULKAN-LAZIZ” МЧЖ да жорий этилган. (“Ўзчармсаноат” уюшмасининг 2022 йил 23 ноябрдаги ФБ-7/4072-сонли маълумотномаси). Натижада ёғсизлантириш жараёнида янги ёғсизлантирувчи таркиб қўллаш орқали тери дермасидаги табиий ёғни миқдори 2,41 % га камайиш ҳисобидан анилин пардозли туяқуш чармининг физик-кимёвий ва механик хоссаларини яхшиланишига эришилган.