Иминова Муфаззалхон Музаффар қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Коронавирус инфекциясида кўрув аъзосининг клиник-иммунологик ўзгаришлари» 14.00.08 – Офтальмология (тиббиёт фанлари).
Диссертация мавзуси рўйхатга олинган рақам: В2021.1.PhD/Tib1675.
Илмий раҳбар: Касимова Мунирахон Садикжановна, тиббиёт фанлари доктори, профессор. 
Диссертация бажарилган муассаса номи: Тиббиёт ходимларини касбий малакасини ривожлантириш маркази.
ИК фаолият кўрсатаётган муассаса (муассасалар) номи, ИК рақами: Республика ихтисослаштирилган кўз микрохирургия илмий-амалий тиббиёт маркази, DSc.04/30.01.2020.Tib.105.01. 
Расмий оппонентлар: Иойлева Елена Эдуардовна, тиббиёт фанлари доктори, профессор (Россия Федерацияси); Билалов Эркин Назимович, тиббиёт фанлари доктори, профессор.
Етакчи ташкилот: Самарқанд давлат тиббиёт университети.
Диссертация йўналиши: амалий аҳамиятга молик.
II. Тадқиқотнинг мақсади: COVID–19 инфекциясининг офтальмологик асоратларини клиника – функционал ва иммунобиокимёвий таҳлиллар асосида эрта аниқлашдан иборат.
III. Тадқиқотнинг илмий янгилиги:
COVID – 19нинг авж даврида барча беморларда 98.09% ҳолда кўрув аъзоси шикастланиши, кўз ёш суюқлиги ишлаб чиқарилишининг бузилиши ва кўрув органларини тўқималарининг ишемия кўрсаткичи ўртасида корреляцион боғлиқлик аниқланган;
оптик когерент томография – ангиография усули ёрдамида кўз олмаси орқа сегментининг томирлари ҳолати организимдаги кучли яллиғланиш жараёни натижасида юзага келган нейроретинал ишемия даражаси аниқланган;
кўз ёш суюқлигида фаол яллиғланиш белгиси бўлган цитокинлар - IL – 6, TFN-α ва яллиғланиш ўткир фазасининг оқсили С-реактив оқсил  титрларининг ортиши, эндотелиал ҳужайраларнинг беқарорлиги, кўрув аъзосининг тўқималари шикастланишида ва COVID – 19нинг офтальмологик асоратлари негизида аутоиммун жараёнинг ўрни аниқланган;
кўз ёш суюқлигидаги қон таначалари: тромбоцит, нейтрофил, эозинофилларнинг ортиши гематоофтальмик барьернинг бузилганлиги ҳамда кўрув анализаторидаги қон томирларнинг эндотелиал дисфункцияси аниқланган.
IV. Тадқиқот натижаларининг жорий қилиниши.
Коронавирус инфекциясида курув органининг клиник – иммунологик текширувлари асосида бажарилган илмий тадқиқотлар натижаси асосида:
COVID – 19 билан ташхисланган беморларда кўрув аъзосининг зарарланишини ташхислаш бўйича олиб борилган тадқиқотнинг илмий натижаларида асосида ишлаб чиқарилган «Коронавирус инфекциясида кўрув аъзосидаги ўзгаришларнинг қиёсий таҳлили» номли услубий тавсиянома тасдиқланган (Соғлиқни сақлаш вазирлигининг 2022 йил 1 апрелдаги  8н-р/13000 сон маълумотномаси). Мазкур тавсияномада COVID – 19 инфекцияси авж даврида касалликни оғирлик даражасидан келиб чиқан ҳолда кўрув органларидаги ўзгаришлар ва клиник – биохимик таҳлиллар натижалари келтирилган бўлиб, кўз ёш суюқлиги таҳлиллари асосида офтальмологик асоратларни прогноз қилишга имкон берган;
COVID – 19  билан касалланган беморларни ташҳислаш усулини такомиллаштириш бўйича олиб борилган тадқиқотнинг илмий натижалари асосида ишлаб чиқилган «COVID – 19  кўз ёш суюқлигини ишлаб чиқарилишини камайиши клиник – функционал баҳолаш» номли услубий тавсиянома тасдиқланган (Соғлиқни сақлаш вазирлигининг 2022 йил 1 апрелдаги  8н-р/299 сон маълумотномаси). Мазкур тавсияномада курув органида кўз ёш суюқлиги ишлаб чиқарилишининг бузилиши кўрув органлари тўқималаридаги ишемия натижасида юз бераётгани исботланган, қуйидагилар коронавирус инфекциясида офтальмологик асоратларни эрта аниқлаш ва патогенетик йўналтирилган даво тактикасини танлашга имкон берган;
COVID – 19 билан ташхисланган беморларда клиник – патогенетик ва даволаш жиҳатлари шакилланишида иммунологик тешириш усулларини асослаш натижалари соғлиқни сақлаш амалиётига, шу жумладан Республика ихтисослаштирилган  кўз микрохирургияси илмий – аммалий тиббиёт марказининг Термез ва Самарқанд филлиалари амалиётига тадбиқ этилган. (Соғлиқни сақлаш вазирлигининг 27 апрель 2022 йилги 8н-р/198 сон маълумотномаси). Олинган натижаларни амалиётга тадбиқ этиш натижасида COVID – 19 инфекциясининг офтальмологик асоратлари диагностикасини такомиллаштиришга имкон берган.