Абдусаматов Камол Бегалиевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Саноат чиқиндилари асосида оловбардош ва иссиқлик изоляцияловчи деворбоп материалларни олиш усулларини  такомиллаштириш”, 05.10.02 –“Фавқулодда ҳолатларда хавфсизлик. Ёнғин, саноат, ядро ва радиация хавфсизлиги” ва 05.09.05 –“Қурилиш материаллари ва буюмлари”, диссертация мавзуси рўйхатга олинган рақам: В2022.2.РhD/Т2972.
Илмий раҳбар: Азизбек Абдулазизович Баходиров, техника фанлари доктори, профессор.
Диссертация бажарилган ташкилот номи: Жиззах политехника институти.
ИК фаолият кўрсатаётган ташкилот номи, ИК рақами: Ўзбекистон Республикаси Фавқулодда вазиятлар вазирлиги Академияси PhD 40/30.12.2020.Т.129.01.
Расмий оппонентлар: техника фанлари доктори, доцент Хатамов Асадулла Тоштемирович; техника фанлари фалсафа доктори (PhD) Каримов Музаффар Шавкатович. 
Етакчи ташкилот: Наманган муҳандислик-қурилиш институти.
II. Тадқиқотнинг мақсади нам хризотил асбестоцемент ва микрокремнезем саноат чиқиндилари асосида олинган оловбардош ва иссиқлик изоляцияловчи деворбоп материаллар учун самарадор таркибларни танлаш ва ишлаб чиқиш.
III.Тадқиқотнинг илмий янгиликлари:
махаллий хомашё сифатида ишлатилган Жиззах цемент заводининг ЦEM II/A-И32,5 (ПЦ400 Д20) маркадаги цементини газобетон тайёрланишида қўлланилганлиги туфайли оҳак компонентини газобетон таркибидан чиқариш ва асбестоцемент чиқиндисини қўшиш йўли билан самарадор таркиблар ишлаб чиқилган;
майда тўлдирувчи қумнинг ўрнига ишлатилган нам хризотил асбестоцемент чиқиндисини  миқдори массага нибатан 9,0-11,0% шунингдек, микрокремнезёмни 5,0-10,0% газобетон таркибига қўшиш натижасида газобетонди  иссиқлик ўтказувчанлик коэффициентини белгиланган меъёрга нисбатан 34,0-37,0% ортиши аниқланган;
махаллий майда тўлдирувчи, нам хризотил асбестоцемент, микрокремнезём, алюминий кукуни ПАП-1, каустик сода, техник сода ҳамда натрий сульфатлардан фойдаланиб олинган оптимал таркибли газобетоннинг музлашга чидамлилиги F30 циклгача, сиқилишга бўлган мустаҳкамлиги (1,8-1,9 МПа) яхшиланганлиги исботланган; 
нам асбестоцемент чиқиндиси 60-80% ва микрокремнезёмни 10-20% қўшиб тайёрланган тажриба-синов ғиштнинг вазнини қурилиш ғиштига нисбатан енгиллик ҳолати 2,0-2,5 бараваргача, иссиқлик ўтказувчанлик коэффициенти 2,4-3,5 маротаба, оловга бардошлилик хусусиятлари 1000 оСгача оширилганлиги, оловбардош ва иссиқлик изоляцияловчи деворбоп қурилиш материалларини олиш  усули такомиллаштирилган. 
IV.Тадқиқот натижаларининг жорий қилиниши. Саноат чиқиндилари асосида оловбардош ва иссиқлик изоляцияловчи деворбоп материалларни олиш усулларини  такомиллаштириш бўйича олинган илмий натижалар  асосида:
тўлдирувчи сифатида ишлатиладиган қум ўрнига нам хризотил асбестоцемент ва микрокремнезем чиқиндиларини турли миқдорларда қўшиб тайёрланган енгил қурилиш ғишти ва газобетон ишлаб чиқаришни “OYBEK SUPER TRANS” МЧЖ ва “MAGIC BRICKS IIS” МЧЖ хусусий корхоналарига 2022 йилнинг 25 аплель кунидан босқичма босқич саноат миқёсида  жорий қилинган (“Ўзсаноатқурилишматериаллари” уюшмасининг 2022 йил 05 июлдаги 04/15-1671-сонли маълумотномаси, Қурилиш Вазирлиги маълумотномаси 2022 йил 24 октябрдаги 09-06/12015-сонли маълумотномаси). Натижада енгил қурилиш ғишти ва газобетонни МЧЖда электр энергия сарфи бир йилда 1,07 баробарга тежашга ва йиллик жами 926,2 млн. сўмлик иқтисодий самарадорликка эришиш мумкинлиги, енгил қурилиш ғишти ва газобетоннинг оптимал таркибининг 1100 0С  ҳароратга бардошли эканлиги аниқланган. Саноат чиқиндиларидан фойдаланиш қурилиш материалларини ишлаб чиқариш харажатларини табиий хом ашёдан ишлаб чиқаришга нисбатан 10-30% га камайтириш имконини бериши, капитал қўйилмаларни тежаши эса 35-50% ни ташкил этиши аниқланган.