Эшдавлатова Гулрух Эшмаматовнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Оксидланган крахмал ва синтетик полимерлар асосида қуюқлаштирувчилар олиш технологиясини яратиш ва амалиётда қўллаш», 02.00.14 - Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2022.4.PhD/Т2461.
Илмий раҳбар: Амонов Мухтар Рахматович, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Тошкент кимё-технология илмий тадқиқот институти, DSc.16/30.12.2019.К/Т.87.01.
Расмий оппонентлар: Файзуллаев Нормурод Ибодуллаевич, техника фанлари доктори, профессор; Тиллаев Абдулхафиз Тошевич, техника фанлари номзоди, катта илмий ходим.
Етакчи ташкилот: Навоий давлат кончилик ва технологиялар университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: пахта ва нитрон асосидаги аралаш толали матоларга гул босиш жараёнида қўлланиладиган оксидланган крахмал ва сувда эрувчан полимерлардан, янги ва юқори самарали қуюқлаштирувчи композицияларни олиш технологиясини ишлаб чиқишдан иборат.
III. Тадқиқотнинг илмий янгилиги:
илк бор, пахта ва нитрон асосидаги аралаш толали матоларга гул босиш учун қўлланилувчи, оксидланган крахмал, ПАА ва К-4 асосидаги қуюқлаштирувчилар олишнинг илмий ва амалий имкониятлари аниқланган;
маҳаллий хомашёлар асосида мураккаб функционал хусусиятга эга бўлган бир қатор янги, сувда эрувчан полимер тизимлари яратилган ва уларни олиш технологияси ишлаб чиқилган; 
матоларга ёрқинлик, тўйинганлик ва ранг барқарорлигини бера оладиган мураккаб функционал хусусиятга эга бўлган композициянинг қуюқлаштириш қобилияти аниқланган;
гул босилган матоларнинг эксплуатацион ва структур-механик хоссалари аниқланган;
ишлаб чиқилган қуюқлаштирувчи моддалар билан матога гул босилганда,  мато сифати ва ранг барқарорлигининг ортиши аниқланган;
пахта ва нитрон асосидаги аралаш толали матоларга фаол бўёқлар билан гул босишда қуюқлаштирувчи полимер композицияларни қўллаш технологияси ишлаб чиқилган.
IV. Тадқиқот натижаларининг жорий қилиниши.
Оксидланган крахмал ва синтетик полимерлар асосида қуюқлаштирувчилар олиш технологиясини яратиш ва амалиётда қўллаш бўйича олинган илмий натижалар асосида:
маҳаллий хомашёлар асосидаги қуюқлаштирувчи моддалар «Имидж текстиль» МЧЖ корхонасида амалиётга жорий этилган («Ўзтўқимачиликсаноат» уюшмасининг 2022 йил 20 апрелдаги 03/25-1174-сон маълумотномаси). Натижада, республикамизга хориждан олиб келинадиган альгинат, эмпринт, полупринт, манутекс, сольвитоза–5С қуюқлаштирувчиларни маҳаллий хомашёлар асосида ишлаб чиқарилган қуюқлаштирувчиларга алмаштириш имконини берган;
ишлаб чиқилган сувда эрувчан полимер композициялар «Имидж текстиль» МЧЖда матоларга гул босиш учун қуюқлаштирувчи компонент сифатида жорий этилган («Ўзтўқимачиликсаноат» уюшмасининг 2022 йил 20 апрелдаги 03/25-1174-сон маълумотномаси). Натижада, аралаш толали матоларга фаол бўёқлар билан гул босишда бўёқнинг матога сингиш кўрсаткичини 93,2% гача,  ювишдаги ранг мустаҳкамлигини 5/4 балгача ошириш имконини берган.