Рустамов Фируз Рауфовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Тизза бўғими медиал коллатерал бойлами узилишларини жарроҳлик усулда даволашни такомиллаштириш», 14.00.22 – Травматология ва ортопедия (тиббиёт фанлари).
Диссертация мавзуси рўйхатга олинган рақам: В2022.3.PhD/Tib3062.
Илмий раҳбар: Ирисметов Муроджон Эргашевич, тиббиёт фанлари доктори, катта илмий ходим.
Диссертация бажарилган муассаса номи: Республика ихтисослаштирилган травматология ва ортопедия илмий-амалий тиббиёт маркази.
ИК фаолият кўрсатаётган муассаса номи, ИК рақами: Республика ихтисослаштирилган травматология ва ортопедия илмий-амалий тиббиёт маркази, DSc.04/30.12. 2019.Tib.62.01.
Расмий оппонентлар: Каримов Муродулла Юлдашевич, тиббиёт фанлари доктори; Акрамов Вохиджон Рустамович, тиббиёт фанлари доктори (DSc).
Етакчи ташкилот: Самарқанд давлат тиббиёт унверситети.
Диссертация йўналиши: амалий аҳамиятга молик.
II. Тадқиқотнинг мақсади тизза бўғими медиал коллатерал бойлами узилишларида жаррохлик ва реабилитация усулларини оптималлаштириш оркали даволаш натижаларини ва самарадорлигини яхшилашдан иборат.  
III. Тадқиқотнинг илмий янгилиги: 
тизза бўғимининг фронтал ностабиллигини бартараф этиш ва жарроҳликдан кейин эрта реабилитацияни бошлаш имконини берувчи аутотрансплантат сифатида m.grasilis пайи билан амалга ошириладиган аутопластика усули ишлаб чиқилган, бунда аутотрансплантатнинг капсула ва ташқи фасция орасидан ўтказилиши бойламни тиклашда мустахкам натижа олиниши исботланган; 
тизза бўғимининг медиал коллатерал бойлам узилишини тиклашда болдирнинг проксимал медиал қисмида тери ва тери ости кесими анъанавий 12 смгача эмас, балки 2-3 смгача бажарилиши, нозик мушак пайи аутотрансплантатини камжарохат ва осон йўл билан ўтказилиши орқали тенодезни тез ва қисқа вақтда бажариш имконияти исботланган;   
тизза медиал коллатерал бойлами жарохатини тиклаш учун сон суягининг дўнглиги сохасида диаметри 4 ммгача бўлган V-симон суяк туннели хосил қилиш орқали аутотрансплантатни икки баробар мустахкам ўтказилиши ва пайнинг эркин учини трансоссал фиксация қилиш имконияти исботланган; 
тизза медиал коллатерал бойлами узилишини аутопластика ёрдамида хирургик даволаш усули қўлланилган беморларда таклиф этилган сон медиал стабилизаторларинии мустахкамлашга қаратилган крио- ва  физиотерапиядан ташкил топган комплекс муолажалардан иборат бўлган реабилитация усули ёрдамида иммобилизация даврининг 1 хафтагача қисқариши исботланган.
IV. Тадқиқот натижаларининг жорий қилиниши. 
Тизза бўғими медиал коллатерал бойлами узилишларини даволаш бўйича ўтказилган тадқиқотлар натижалари асосида:
тизза бўғими медиал коллатерал бойлами узилишларини жарроҳлик усулда даволаш бўйича илмий тадқиқот натижалари асосида ишлаб чиқилган ихтирога Интеллектуал мулк агентлигининг патенти олинган «Тизза бўғимининг медиал коллатерал боғламини даволаш усули» (FAP 01858-сон патенти, 29.03.2022 йил). Олинган натижалар таҳлили шуни кўрсатдики даволашнинг яқин ва узоқ натижлари 96,0%гача яхшиланишига, жарроҳлик амалиётидан кейинги иммобилизация вақтини  бир ҳафтага камайтиришга олиб келган;
тизза бўғими медиал коллатерал бойлами узилишларини жарроҳлик усулида  даволаш бўйича илмий тадқиқот натижалари асосида ишлаб чиқилган «Остеоперфорация учун сих ёки пармани йўналтирувчи мослама» учун Интеллектуал мулк агентлигининг фойдали модельга патенти олинган (FAP 02113-сон патенти, 15.10.2022 йил). Олинган натижалар  жарроҳлик амалиёти вақтини  93,1%гача қисқартиришга олиб келган; 
тизза бўғими медиал коллатерал бойлами узилишларини жарроҳлик усулида даволаш бўйича илмий тадқиқот натижалари асосида «Тизза бўғими медиал коллатерал боғлами узилишларини жарроҳлик усулида даволашни такомиллаштириш» номли услубий тавсиянома тасдиқланган (Соғлиқни сақлаш вазирлигининг 2022 йил 6 декабрдаги 8-н-з/649-сон маълумотномаси). Олинган маълумотлар тизза бўғими медиал коллатерал бойлами жарроҳлик усулида  даволаш натижаларини яхшилаш имконини берган.
тизза бўғими  медиал коллатерал боғлами узилишларини жарроҳлик усулида даволанган  беморларни  даволаш натижаларини яхшилаш бўйича илмий тадқиқот натижалари соғлиқни сақлаш тизимига, жумладан, Андижон кўп тармоқли вилоят тиббиёт маркази, Республика илмий шошилинч тиббий ёрдам марказининг Бухоро филиали амалиётига тадбиқ этилган. (Соғлиқни сақлаш вазирлигининг 2022 йил 19 декабрдаги 08-40166-сон маълумотномаси). Олинган натижалар орқали тизза бўғими функцияларини 96,4% яхшиланишига эришилган.Олинган натижалар тизза бўғими функцияларини 96,4% яхшиланишига эришиш имконини берган.