Махмудов Аброрхон Ахмадхоновичнинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри: “Пахтани майда ифлосликлардан тозалаш машинаси конструкциясини такомиллаштириш” 05.02.03–“Технологик машиналар. Роботлар, мехатроника ва робототехника тизимлари” ихтисослиги.
Диссертация мавзуси рўйхатга олинган рақам: В2019.2.PhD/Т1137
Илмий раҳбар: Ахмедходжаев Хамит Турсунович, техника фанлари доктори, профессор.
Диссертация бажарилган муассаса номи: Наманган муҳандислик-технология институти 
ИК фаолият кўрсатаётган муассаса номи, ИК рақами: Наманган муҳандислик-технология институти, PhD.03/30.12.2019.T.66.01
Расмий оппонентлар: Шарибоев Носиржон Юсупжонович, физика-математика фанлари доктори, профессор; Эргашев Илхомжон Олимжонович, техника фанлари фалсафа доктори, PhD.
Етакчи ташкилот: Андижон машинасозлик институти.
Диссертация йўналиши: амалий аҳамиятга молик.
II. Тадқиқотнинг мақсади: пахтани майда ифлосликлардан тозалаш машинаси конструкциясини такомиллаштириш орқали юқори иш унумдорлигикни таъминлашдан иборат.
Тадқиқотнинг илмий янгилиги:
пахта таркибидаги майда ифлосликларни тозаловчи янги тўрли юза конструцияси яратилган ҳамда унинг технологик кўрсаткичлари аниқлашда ботиқлар диаметри, қозиқли барабан айланишлар сони, қозиқли барабан ва тўрли юза ўртасидаги боғлиқликни ҳисоблаб математик модели олинган. 
пахта хомашёсини тозалаш жараёни математик модели асосида тўрли юзада ботиқ ўйиқлари кесимларини ифлослиги юқори бўлган пахтани майда ифлосликлардан тозалаш қурилмасидаги рационал конструктив ўлчамлари регрессион математик модел асосида аниқланган;  
тўрли юзадаги ботиқ ўйиқлари ишчи диаметри ва бир қатордаги ўйиқлар орасидаги масофа ҳамда пахта бўлагини тўрли юза таъсиридан чиқиш бурчагининг рационал қийматлари тўла омилли тажриба натижасида аниқланган.
пахтани майда ифлосликлардан тозалаш машинаси конструкциясига янги тўрли юза конструкцияси ишлаб чиқилиб тўрли юза тебранишлари масаласининг сонли ечими ёрдамида тебраниш қонунлари аниқланган ҳамда пахта бўлакларининг тўр юзаси билан ўзаро таъсир кучини аниқлаш формуласи олинган.
IV. Тадқиқот натижаларининг жорий қилиниши. Майда ифлосликдаги бўлган пахтани тозалаш қурилмасининг тозалаш самарадорлигини ошириш имкониятини берувчи тўрли юзани ресурстежамкор технологиясини ишлаб чиқиш бўйича олинган натижалар асосида: 
ботиқ ўйиқчали тўрли юзага эга бўлган тозалаш машинасига ўрнатилган майда ифлосликлардан тозалаш қурилмаси “Ўзбекистон пахта-тўқимачилик кластерлари” уюшмаси тасаруфига кирувчи корхоналарда, жумладан “Косонсой пахта тозалаш” корхонасида ишлаб чиқаришга жорий этилган (Ўзбекистон пахта тўқимачилик кластерлари уюшмасининг 2021 йил 9 ноябрдаги 01/12-282-сон маълумотномаси). Натижада янги конструкциядаги қурилмада тўрли юзаси бўлган тозалагичнинг тавсия этилган параметрлари билан нуқсонлар миқдори 1,7% га камаяди,  тозалаш самарадорлиги 6,0% га ошириш имконияти яратилган, ишлов берилаётган пахта хомашёсининг дастлабки табиий хусусиятларини сақлаш ва энергия сарфини камайтиришга эришилган.