Aсронова Моҳигул Мусабоевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ўзбек ва инглиз хусусий дискурсларида паремияларнинг когнитив-прагматик хусусиятлари”, 10.00.06 – Қиёсий адабиётшунослик, чоғиштирма тилшунослик ва таржимашунослик (филология фанлари).
Диссертация мавзуси рўйхатга олинган рақам: B2021.1.PhD/Fil1608.    
Илмий раҳбар: Шахобиддинова Шоҳидахон Ҳошимовна, филология фанлари доктори, профессор.
Диссертация бажарилган муассаса номи: Aндижон давлат чет тиллари институти.
ИК фаолият кўрсатаётган муассаса номи, ИК рақами: Aндижон давлат университети, PhD.03/30.12.2019.Fil.60.02.
Расмий оппонентлар: Ҳамраева Шахло Мирджановна, филология фанлари бўича фалсафа доктори (PhD), доцент; Тоирова Наргиза Исақовна, филология фанлари бўича фалсафа доктори (PhD), доцент.
Етакчи ташкилот: Қўқон давлат педагогика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади ўзбек ва инглиз тилига доир паремиологик бирликларни хусусий дискурс доирасида когнитив-дискурсив ва прагматик-коммуникатив ёндашувлар нуқтаи назаридан очиб бериш, шунингдек, ушбу лингвистик ҳодисаларнинг функсионал қолипларини аниқлашдан иборат.
III.Тадқиқотнинг илмий янгилиги:
 ўзбек-инглиз оммавий ахборот воситалари, хусусан, босма оммавий нашрлар, айрим ижтимоий тармоқ материаллари асосида паремиянинг хусусий дискурсни шакллантиришдаги структур, когнитив ва лингвокултурологик имкониятлари сиёсий мулоқот, сўзлашув нутқига доир матнлар орқали очиб берилган;
 ўзбек сиёсий дискурсларида, асосан, тарихий ҳикматлардан, тезкор мулоқотларда грамматик жиҳатдан содда, ихчам мақоллардан фойдаланилиши, инглиз сиёсий дискурсларида муайян халққа тегишли бўлмаган, кўпроқ замонавий сиёсатчиларнинг афоризимларидан, кам ўринларда халқ мақолларидан фойдаланилиши аниқланган;
 оммавий ахборот воситаларидаги сиёсий дискурс архитектоникасида паремияларнинг функсионал хусусиятлари ўзбек ва инглиз тилларида паремия қўлловчиларнинг когнитив-дискурсив тавсифи аспектида очиб берилган; 
 оммавий мулоқотда жамоатчилик билан алоқа қилишда паремиядан фойдаланишнинг дунё, ҳукмлар, муносабат, адресатнинг ниятлари ҳақидаги билимлар билан бог`лиқ когнитив ҳамда перлокутив имкониятлари қиёсан очиб берилган.
 IV. Тадқиқот натижаларининг жорий қилиниши. Ўзбек ва инглиз хусусий дискурсларида паремияларнинг когнитив-прагматик хусусиятлари тадқиқи юзасидан олинган илмий натижалар ва амалий таклифлар асосида:
 диссертациядаги паремияларнинг миллий ўзига хослиги, когнитив-прагматик хусусиятлари, таълим жараёнидаги ўзига хос жиҳатлари, стилистик восита сифатидаги қўлланишлари таҳлили, сиёсий дискурснинг ўзига хослиги, оғзаки ва ёзма матн кўринишлари ва стилистик воситаларнинг контекстуал таҳлили билан боғлиқ илмий хулосаларидан Тошкент давлат ўзбек тили ва адабиёти университетида бажарилган AМ-ФЗ-201908172 “Ўзбек тилининг таълимий корпусини яратиш” мавзусидаги инновацион илмий лойиҳада фойдаланилган (Ўзбекистон Республикаси Олий ва ўрта махсус таълим вазирлигининг 2022-йил 24-май 01-1015-сон маълумотномаси). Натижада махсус дискурсларда паремиялар қўлланилишига доир назарий қарашлар бойитилган;
 диссертациядаги дискурс, паремияларнинг миллий ўзига хослиги, уларнинг антик даврдан тортиб бугунги кунга қадар тараққиёт босқичларида содир бўлган трансформациялар, дидактика ва лингвистика фанларининг бинар оппозиция ўзаро кесишув ва дифференсиал нуқталари, стилистик воситалар классификацияси ва уларнинг динамик ўзгаришлари, поетик тилнинг ўзига хослиги, транстекстуал матн кўриниши ва стилистик воситаларнинг контекстуал таҳлилларидан Тошкент давлат ўзбек тили ва адабиёти университетида бажарилган ПЗ-20200422022 “Туркий тилларнинг лингводидактик електрон платформасини яратиш” давлат илмий-техника ва дастури доирасидаги амалий лойиҳада фойдаланилган (Ўзбекистон Республикаси Олий ва ўрта махсус таълим вазирлигининг 2022-йил 24-май 01/6-1018-сон маълумотномаси). Натижада стилистика ва матн таҳлилига оид методологияни янги назарий қарашлар билан бойитишга хизмат қилган;
 ўзбек ва инглиз хусусий дискурсларида паремияларнинг когнитив-прагматик хусусиятлари диссертацияси натижалари ва материалларидан Ўзбекистон Миллий телерадиокомпанияси “Ўзбекистон” Миллий телерадиоканали ДМ “Маданий-маърифий ва тараққиёт”, “Aдабий жараён”, “Жаҳон адабиёти” номли ешиттиришлари ссенарийсини бажаришда фойдаланилган (Ўзбекистон Миллий телерадиокомпаниясининг 2022-йил 30-майдаги 04-36-767-cон маълумотномаси). Натижада ешиттиришларнинг илмий савияси ортган ҳамда хусусий дискурсларда миллий ўзига хослик таъминланган.