Хикматова  Нигина Изатиллоевнанинг 
фан доктори (DSc) диссертацияси    ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Яллиғланиш генезли бепуштликдан азият чекаётган аёлларни  ташхислаш, даволаш ва реабилитациясига ёндашишни патогенетик асослаш», 14.00.01- Акушерлик ва гинекология (тиббиёт фанлари).
Диссертация мавзуси рўйхатга олинган рақам: В2021.1.DSc/Tib505.
Илмий    маслаҳатчилар: Пахомова Жанна Евгеньевна, тиббиёт фанлари   доктори,  профессор.
Диссертация бажарилган муассаса номи: Бухоро давлат тиббиёт  институти.
ИК фаолият кўрсатаётган муассаса номи, ИК рақами: Бухоро давлат тиббиёт институти, DSc.04.30.04.2022.Tib.93.02.
Расмий оппонентлар: Абдуллаева Лагия Мирзатуллаевна, тиббиёт фанлари доктори, профессор; Арипова Тамара Уктамовна, тиббиёт фанлари доктори, профессор, академик; Корсак Владислав Станиславович, тиббиёт фанлари доктори, профессор (Россия Федерацияси).
Етакчи ташкилот: Н.И.Пирогов номидаги Россия миллий тиббий илмий тадқиқот университети (Россия Федерацияси).
Диссертациянинг йўналиши: амалий аҳамиятга молик.
II. Тадқиқотнинг мақсади: Кичик чаноқ аъзоларининг сурункали инфекцияси бўлган аёлларда бепуштликни ташхислаш, даволаш ва реабилитациясини  патогенетик асосланган ва индивидуал ёндашувларини ишлаб чиқишдан иборат.
III. Тадқиқотнинг илмий янгилиги: 
илк бор қин, ичак ва сийдик йўлларининг микрофлораси бузилишининг аҳамиятини ҳисобга олган ҳолда аёллар орасида бепуштлик ривожланишида микроорганизмларнинг роли патогенетик жиҳатдан асосланган;
илк бор ўзбек аҳолисида аёллар бепуштлигининг ривожланишида HLA 2 синфи антигенларининг аҳамияти  аниқланган;
гонадотроп гормонлари, шунингдек прогестерон ва тиретроп гормон билан НЛА-2 DQA1 0401, HLA-DRB1 13 ва HLA-DRB1 04 синфидаги аллел ташувчиларининг корреляцион боғлиқлиги аниқланган;
яллиғланиш генезли бепуштлиги бўлган аёлларда илк бора табиий ва озиқ-овқат аллергенларига нисбатан ўта сезувчанлик аниқланган ва бу даволаш дастурларини ишлаб чиқишда ҳисобга олиниши асосланган;
бепуштлик билан оғриган аёлларнинг қонида ҳомиладорликнинг бошланишига тўсқинлик қилувчи муҳим омил ҳисобланган антиспермал антителоларнинг пайдо бўлиши аниқланган.
IV.  Тадқиқот натижаларининг жорий қилиниши. 
Яллиғланиш генезли бепуштликдан азият чекаётган аёлларни  ташхислаш, даволаш ва реабилитациясига ёндашишни патогенетик асослаш бўйича олинган натижалар асосида:
инфекцион генезли бепушт аёлларда репродуктив аъзолар ҳолатини баҳолаш «Инфекцион генезли бепушт аёлларда репродуктив аъзолар ҳолатини баҳолашда комплекс диагностика усулларини қўллаш» номли услубий тавсиянома тасдиқланган (Соғлиқни сақлаш вазирлигининг 2022 йил 5 апрелдаги 8н-р/303-сонли маълумотномаси). Ушбу тавсиянома яллиғланиш жараёнлари бўлган аёлларни комплекс ташхислаш асосида бепуштликнинг учраш даражаси ва эрта белгиларини аниқлашга имкон берган;
бепуштликдан азият чекувчи фертил ёшдаги аёлларда сенсибилизация бўйича олиб борилган тадқииқотнинг илмий натижалари асосида ишлаб чиқилган «Бепуштликдан азият чекувчи фертил ёшдаги аёлларда сенсибилизация турини баҳолаш» номли услубий тавсиянома тасдиқланган (Соғлиқни сақлаш вазирлигининг 2022 йил 5 апрелдаги 8н-р/304-сонли маълумотномаси). Ушбу услубий тавсиянома  яллиғланиш касалликлари ҳамда бепуштлик хавф гуруҳига кирувчи аёлларни назорат қилиш усулини ишлаб чиқиш, назорат усулини аниқлаш, юқори хавф омиллари билан боғлиқ бўлган асоратларни камайтиришга имкон берган;
олинган илмий натижалар, бепуштлик билан касалланган аёлларда инфекцияни олдини олиш тамойилларини клиник ва патогенетик асослаш ва эубиотиклар, пробиотиклар ва симбиотлар билан даволаш, соғлиқни сақлашнинг амалий фаолиятида, хусусан: Бухоро шаҳар №1, 4, 6, 8 сон оилавий поликлиникаларда, шаҳар туғруқ мажмуаси, Бухоро туман тиббиёт бирлашмасида (Соғлиқни сақлаш вазирлигининг 2022 йил 29 апрелдаги 8н-р/209-сонли маълумотномаси) ЭКО дастурлари самарадорлигини оширишга ва репродуктив йўқотишларни камайтиришга ёрдам берди. Oлинган натижалар  амалиётга тадбиқ этиш бепуштлик билан касалланган  аёлларни текшириш, даволаш ва реабилитация қилиш дастурини ишлаб чиқишда бошқарув стратегиясини ишлаб чиқишда имкон яратди, бу кўп компонентли ва кўп босқичли бўлиши керак, бу барча даволашда шахсий ёндашувни таъминлаш, диагностика ва профилактика чоралари, асоратларни башорат қилиш ва камайтириш ҳисобига тиббий ёрдам сифатини оширишдан иборат.