Эгамов Сарварбек Шавкатбековичнинг
фалсафа доктори (PhD) диссертацияси ҳимояси ҳақида эълон

I.Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Ўн икки бармоқли ичак яра касаллиги хирургиясидаги қийин яралар», 14.00.27 – Хирургия (тиббиёт фанлари). 
Диссертация мавзуси рўйхатга олинган рақам: В2021.3.PhD/Tib2166
Илмий раҳбар: Ботиров Акрам Кодиралиевич, тиббиёт фанлари доктори, доцент.
Диссертация бажарилган муассаса номи: Андижон давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Андижон давлат тиббиёт институти DSc.04/30.12.2019.Tib.95.01.
Расмий оппонентлар: Ходжиматов Гуломиддин Минходжиевич, тиббиёт фанлари доктори, профессор; Саттаров Ойбек Тохирович, тиббиёт фанлари доктори, доцент.
Етакчи ташкилот: Бухоро давлат тиббиёт институти
Диссертациянинг йўналиши: амалий аҳамиятга молик.
II.Тадқиқотнинг мақсади: “қийин” дуоденал яраларда ошқозоннинг функционал холатини ва касалликнинг клиник кечишининг типологик хусусиятларини аниқлаш, хамда ташрих усуллари ва техник ёндашувларини такомиллаштириш орқали яра касаллигини хирургик даволаш натижаларини яхшилашдан иборат.
III.Тадқиқотнинг илмий янгилиги:
“қийин” дуоденал яралар билан оғриган беморларнинг контингентига аниқлик киритилган ва тавсифланган ҳамда ушбу касалликнинг клиник кечишининг типологик хусусиятлари аниқланган;
“қийин” дуоденал яраларда ошқозоннинг секретор ва мотор-эвакуатор функцияси кўринишидаги функционал кўрсаткичларининг хусусиятлари аниқланган;
ошқозон резекциясида унинг чўлтоғини “қисқичларсиз” шакллантириш усули ҳамда ўн икки бармоқ ичак чўлтоғини тикиш усули каби ошқозонда бажариладиган ташрих усуллари ва техник жиҳатлари самарадорлиги асосланган ҳолда такомиллаштирилган;
ташрихларнинг такомиллаштирилган усуллари ва техник жиҳатларидан фойдаланиб ошқозоннинг функционал холати ҳамда касалликнинг клиник кечишининг типологик хусусиятларини инобатга олиш хирургик тактикани оптималлаштирган ҳолда “қийин” дуоденал яраларни хирургик даволаш натижаларини яхшилаши исботланган
IV.Тадқиқот натижаларининг жорий қилиниши. 
“Қийин” дуоденал яраларни хирургик даволаш натижаларини яхшилаш бўйича илмий тадқиқот натижалари асосида:
ўн икки бармоқли ичакнинг яраларида бажариладиган ташрихларнинг такомиллаштириш бўйича олиб борилган тадқиқотнинг илмий натижалари асосида ишлаб чиқилган «Ўн икки бармоқли ичакнинг “қийин” яраларида бажариладиган ташрихларнинг такомиллаштирилган усуллари» номли услубий тавсиянома тасдиқланган (Соғлиқни сақлаш вазирлигининг 2022 йил 11 октябрдаги 08-31323-сон маълумотномаси). Таклиф этилган тавсиялар ўн икки бармоқ ичак чўлтоғи етишмовчилиги частотасини, ва ўз навбатида, ўлим кўрсаткичини камайтириш хисобига даволаш натижаларини яхшилашга имкон берган.
олинган илмий натижалар соғлиқни сақлашнинг амалий фаолиятига, жумладан, Андижон давлат тиббиёт институти клиникаси ҳамда Андижон шаҳар тиббиёт бирлашмаси жарроҳлик бўлимларига жорий этилган (Соғлиқни сақлаш вазирлигининг 2022 йил 11 октябрдаги 08-31323-сон маълумотномаси). Жорий этиш натижалари ташрихдан кейинги асоратлар ва ўлим кўрсаткичларини камайтиришга, шунингдек, “қийин” ўн икки бармоқли ичак яраларини хирургик даволашнинг бевосита ва узоқ муддатдаги натижаларини яхшилашга имкон берган.