Турдиев Махмуджоннинг 
диссертация ҳимоясисиз ихтиро патенти асосида 
фалсафа доктори (PhD) илмий даражасини бериш бўйича эълон

1.Умумиймаълумотлар.
Диссертация мавзуси, ихтисослик шифри (илмий даража бериладиган фан тармоғи): “Ипак тўқималари ишлаб чиқаришда танда ипларини тўқишга тайёрлаш технологиясини такомиллаштириш”  05.06.02 – Тўқимачилик материаллари технологияси ва хомашёга дастлабки ишлов бериш ихтисослиги (техника фанлари).
Диссертация мавзуси рўйхатга олинган рақам: В2022.4.PhD/Т3212. 
Илмий раҳбар: Валиев Гулам Набиджанович, техника фанлари доктори, к.и.ҳ.
Диссертация бажарилган муассаса номи: Фарғона политехника институти. 
ИК фаолият кўрсатаётган муассаса номи, ИК рақами: Наманган муҳандислик-технология институти PhD.03/30.12.2019.Т.66.01.
II. Тадқиқотнинг мақсади  ипак тўқималарини ишлаб чиқаришда танда ипларини тўқишга тайёрлашнинг такомиллаштирилган технологиясини яратишдан иборат.
III. Тадқиқотнинг илмий янгилиги:
ипак тўқималари ишлаб чиқаришда тўқув ипларига икки босқичли бурам бериш орқали танда ипларини тўқишга тайёрлаш ресурстежамкор технологияси яратилган ҳамда экспериментал тадқиқотлар асосида бурам берилган ипларни тандалаш жараёнининг технологик параметрлари ишлаб чиқилган;
пилталаб тандалаш машинаси барабанида ўралаётган ипдан келаётган қаршиликни ортиши билан тебраниш амплитудаси ҳам ортиб бориши назарий аниқланган ҳамда масалани сонли ечими орқали тебраниш частотаси қаршилик кучлари моментини тебраниш частотасига мос бўлиши асосланган;
технологик қаршилик қийматлари оширилганида тандалаш барабани бурчак тезлиги ночизиқли қонуниятда камайса, буровчи момент қийматлари ночизиқлик боғланишда камайиши сонли ечим орқали аниқланган;
тўлиқ омилли тажрибалар асосида иплар бурамлари сони ва тандалаш тезлигини ўрнатиш орқали янги технология бўйича тандалаш жараёнида табиий ипак иплари узилишининг адекват регрессион математик модели олинган.
IV. Тадқиқот натижаларининг жорий қилиниши.
Табиий ипак танда ипларини тўқишга тайёрлаш ресурстежамкор технологиясини яратиш ҳисобига олинган илмий натижалар асосида:
табиий ипак танда ипларини тўқишга тайёрлашни такомиллаштирилган технологияси «Ўзбекипаксаноат» уюшмаси тасарруфидаги Фарғона вилояти Қўштепа туманида жойлашган «Исмоилжон гиламлари» корхонасида ишлаб чиқаришга жорий этилган («Ўзбекипаксаноат» уюшмасининг 2022 йил 15 декабрдаги № 2-2/2028 сонли маълумотномаси). Натижада тандалаш жараёнида ипларнинг узулиши 29,2 % га, хомашё чиқиндилари 12,8 % га камайишига, тандалаш машинаси унумдорлиги 4,08 мартага ошишига эришилган.
Тадқиқот натижаларининг апробацияси. Мазкур тадқиқот натижалари 13 та илмий-тexник кoнфeрeнцияларда, шу жумладан 8 та xалқарo ва 5 та Рeспублика илмий-амалий анжуманларда муҳокамадан ўтказилган.
V. Ихтиро патенти. «Табиий ипак танда ипларини тўқувчиликка тайёрлаш усули» номли ихтиро патентига» (№ IAP 06419, 29.01.2021 й.) Ўзбекистон Республикаси Интеллектуал мулк агентлигининг 2021 йил 1-сон хулосаси.